ରୋହିତ ଶର୍ମାଙ୍କୁ ଶିକ୍ଷା ଦେବା ପାଇଁ ଯଶସ୍ୱୀ ଜୟସୱାଲଙ୍କୁ ଟିମ୍ ଇଣ୍ଡିଆରୁ ବାହାର କରାଯାଇଛି କି?

ନୂଆଦିଲ୍ଲୀ,୧୭/୦୭: ରୋହିତ ଶର୍ମାଙ୍କ ଟି-୨୦ ଏବଂ ଟେଷ୍ଟ କ୍ୟାରିୟର ଶେଷ ହେବା ପରେ ଏବେ ଦିନିକିଆ କ୍ୟାରିୟର ମଧ୍ୟ ଶେଷ ହେବାକୁ ଯାଉଛି। ଏହା ମଧ୍ୟ କୁହାଯାଉଛି ଯେ, ସେ ଜୁଲାଇ 19 ରେ ତାଙ୍କର ଶେଷ ମ୍ୟାଚ୍ ଖେଳିବେ। ତଥାପି, ଏହି ଖବର ମଧ୍ୟରେ, ଏକ ଗୁରୁତ୍ୱପୂର୍ଣ୍ଣ ଦାବି ସାମ୍ନାକୁ ଆସିଛି ଯାହା ସୂଚାଇ ଦେଉଛି ଯେ ଇଂଲଣ୍ଡ ବିପକ୍ଷ ଦିନିକିଆ ସିରିଜରେ ରୋହିତ ଶର୍ମାଙ୍କୁ ଚୟନ କରାଯାଇ ନଥିଲା, ଏହା ସତ୍ତ୍ବେ ସେ ଟିମ୍ ଇଣ୍ଡିଆରେ ଖେଳିଥିଲେ ଏବଂ ଯଶସ୍ୱୀ ଜୟସ୍ୱାଲଙ୍କୁ ଜାଣିଶୁଣି ବାଦ ଦିଆଯାଇଥିଲା। ଅଭିଯୋଗ ହେଉଛି ଯେ ଚୟନକର୍ତ୍ତାମାନେ ଇଂଲଣ୍ଡ ଦିନିକିଆ ସିରିଜରେ ଜୟସ୍ୱାଲଙ୍କୁ ସୁଯୋଗ ଦେବାକୁ ଚାହୁଁଥିଲେ, କିନ୍ତୁ ଶେଷ ମୁହୂର୍ତ୍ତରେ ରୋହିତଙ୍କୁ ବାଛି ନିଆଯାଇଥିଲା ଏବଂ ରୋହିତଙ୍କୁ ଏକ ଚତାବନୀ ଦେବା ସ୍ବରୁପ ଜୟସ୍ୱାଲଙ୍କୁ ଟିମ୍ ଇଣ୍ଡିଆରୁ ବାଦ ଦିଆଯାଇଥିଲା।

ଅଧିକ ପଢ଼ନ୍ତୁ: IND vs ENG: ଅଚାନକ ଲଣ୍ଡନରେ ପହଞ୍ଚିଲେ ରୋହିତ ଶର୍ମାଙ୍କ ବାପା-ମାଆ; ଲର୍ଡସ ଦିନିକିଆ ପରେ ସନ୍ନ୍ୟାସ ନେବେ କି ହିଟ୍ ମ୍ୟାନ୍ ?

ରୋହିତ ଆଗରେ ଜୟଶ୍ବାଲଙ୍କୁ ଦିଆଗଲା ବାଦ :

ଯଶସ୍ୱୀ ଜୟସ୍ୱାଲଙ୍କୁ ଦଳରୁ ବାଦ ଦେଇ, ଚୟନକର୍ତ୍ତାମାନେ ରୋହିତ ଶର୍ମାଙ୍କୁ ଏକ ବାର୍ତ୍ତା ପଠାଇବାକୁ ଚାହୁଁଥିଲେ - ଏହା ଜଣାଇବା ପାଇଁ ଯେ ଜଣେ ଯୁବ ଖେଳାଳି ତାଙ୍କ ଯୋଗୁଁ ବାଦ ପଡ଼ିଛନ୍ତି। ଏହା ମଧ୍ୟ ଦାବି କରାଯାଉଛି ଯେ ଚୟନକର୍ତ୍ତାମାନେ ଜୟସ୍ୱାଲଙ୍କୁ ଦୀର୍ଘ ସମୟ ପାଇଁ ସୁଯୋଗ ଦେବାକୁ ନିଷ୍ପତ୍ତି ନେଇଥିଲେ। ଜୟସ୍ୱାଲ ଜଣେ ଅସାଧାରଣ ଖେଳାଳି ଯିଏକି ତିନୋଟି ଫର୍ମାଟରେ ଭଲ ପ୍ରଦର୍ଶନ କରିଛନ୍ତି; ତଥାପି, ବିଡ଼ମ୍ବନାର ବିଷୟ ହେଉଛି, ସେ ବର୍ତ୍ତମାନ କେବଳ ଟେଷ୍ଟ ଫର୍ମାଟରେ ଖେଳୁଛନ୍ତି। ସେ ନା ଟି-୨୦ ଦଳର ଅଂଶ ଅଟନ୍ତି ନା ଦିନିକିଆ ଦଳର ନିୟମିତ ଖେଳାଳି ଅଛନ୍ତି।

ଆହୁରି ପଢ଼ନ୍ତୁ: ବୈଭବଙ୍କ ସହ ନଜର ଆସିଥିବା ଯୁବତୀ ଜଣକ କିଏ ? ୟୁଜର୍ସ କହିଲେ....

ରୋହିତଙ୍କ ବିକଳ୍ପ ହେଉଛନ୍ତି ଜୟସ୍ୱାଲ:

ଯଶସ୍ୱୀ ଜୟସ୍ୱାଲଙ୍କ ପ୍ରତିଭାକୁ ଦେଖିଲେ, ଏହା କୁହାଯାଇପାରେ ଯେ ସେ ରୋହିତ ଶର୍ମାଙ୍କ ପ୍ରକୃତ ବିକଳ୍ପ। ଟେଷ୍ଟ କ୍ରିକେଟରେ, ଜୟସ୍ୱାଲ ୨୯ଟି ମ୍ୟାଚ୍ ରେ ୪୮.୭୫ ହାରରେ ୩୫୩୫ ରନ୍ ସଂଗ୍ରହ କରିଛନ୍ତି, ଯେଉଁଥିରେ ସାତଟି ଶତକ ରହିଛି। ଦିନିକିଆ କ୍ରିକେଟରେ, ସେ ଛଅଟି ମ୍ୟାଚ୍ ରେ ଦୁଇଟି ଶତକ କରିଛନ୍ତି, ୭୦ ରୁ ଅଧିକ ଆଭରେଜ ବଜାୟ ରଖିଛନ୍ତି। ଟି୨୦ ଆନ୍ତର୍ଜାତୀୟରେ, ସେ ୨୨ଟି ମ୍ୟାଚ୍ ରେ ୩୬ ରୁ ଅଧିକ ହାରରେ ୭୨୩ ରନ୍ କରିଛନ୍ତି, ଯେଉଁଥିରେ ଗୋଟିଏ ଶତକ ଏବଂ ପାଞ୍ଚଟି ଅର୍ଦ୍ଧଶତକ ରହିଛି; ତାଙ୍କର ଷ୍ଟ୍ରାଇକ୍ ରେଟ୍ ମଧ୍ୟ ୧୬୦ ଅତିକ୍ରମ କରିଛି।

ପ୍ରମେୟ ପୃଷ୍ଠାର ପ୍ରମୁଖ ଖବର: ଲର୍ଡ୍ସ ମ୍ୟାଚ ହୋଇପାରେ ରୋହିତଙ୍କ ପାଇଁ ଶେଷ ସୁଯୋଗ ! ୨୦୨୭ ବିଶ୍ୱକପ୍ର ଦ୍ୱାର ବନ୍ଦ କରିଦେଇଛନ୍ତି ଚୟନକର୍ତ୍ତା