ଜୋତା ଆକୃତିର କାର
ଆମେରିକାର ହ୍ୟୁଷ୍ଟନ ସହରରେ ଏକ ଅତି ବିଚିତ୍ର ଧରଣର କାର୍ ଏବେ ଲୋକଙ୍କ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି । ଏହି କଷ୍ଟମ୍ କାର୍ଟି ଦେଖିବାକୁ ବହୁତ ବଡ଼ ଏବଂ ଏହା ମ୍ୟାକଡୋନାଲ୍ଡସର ପ୍ରସିଦ୍ଧ ଜୋକର ‘ରୋନାଲ୍ଡ ମ୍ୟାକଡୋନାଲ୍ଡ’ଙ୍କ ବିଶାଳ ଜୋତା ଭଳି ଦେଖାଯାଉଛି । ଏହି ନାଲି ରଙ୍ଗର କାର୍କୁ ସମ୍ପୂର୍ଣ୍ଣ ରୂପେ ଏକ ଜୋତାର ଆକାର ଦିଆଯାଇଥିବା ବେଳେ ଏଥିରେ ଚମକୁଥିବା ସୁନେଲି ରଙ୍ଗର ଫିତା ଲଗାଯାଇଛି । କେବଳ ସେତିକି ନୁହେଁ, ଏହି ଗାଡ଼ିର ୱିଣ୍ଡସିଲ୍ଡକୁ ମ୍ୟାକଡୋନାଲ୍ଡସର ପ୍ରସିଦ୍ଧ ‘ଗୋଲ୍ଡେନ ଆର୍ଚେସ’ ଲୋଗୋ ଶୈଳୀରେ ତିଆରି କରାଯାଇଛି । ସଡ଼କରେ ଚାଲୁଥିବା ସାଧାରଣ ଗାଡ଼ିଗୁଡ଼ିକ ମଧ୍ୟରେ ଏହି ଅଦ୍ଭୁତ କାର୍ଟି ସମ୍ପୂର୍ଣ୍ଣ ଭିନ୍ନ ଦେଖାଯାଉଥିବାରୁ ଯିଏ ବି ଏହାକୁ ଦେଖୁଛି, ସେ ଆଶ୍ଚର୍ଯ୍ୟ ହୋଇ ଚାହିଁ ରହୁଛି । ବର୍ତ୍ତମାନ ସୋସିଆଲ ମିଡିଆରେ ମଧ୍ୟ ଏହି ନିଆରା କାର୍ର ସୁନ୍ଦର ଫଟୋ ଏବଂ ଭିଡିଓଗୁଡ଼ିକ ଖୁବ୍ ଦ୍ରୁତ ଗତିରେ ଭାଇରାଲ ହେବାରେ ଲାଗିଛି ।
