ଏଇ ଭାରତରେ
ନର୍ସ ଭାବେ ଦୀର୍ଘ ୪୦ବର୍ଷ ଧରି ସାଇକେଲରେ ଉତ୍ତର ପଶ୍ଚିମବଙ୍ଗର ଚା’ବଗିଚା ଅଞ୍ଚଳକୁ ଯାଇ ଆଦିବାସୀଙ୍କୁ ସ୍ବାସ୍ଥ୍ୟସେବା ଯୋଗାଇବା ସହ ସେଠାରେ ଅନେକ କିଛି ପରିବର୍ତ୍ତନ ଆଣିବାରେ ସକ୍ଷମ ହୋଇପାରିଛନ୍ତି ଗୀତା କର୍ମାକାର । ବିଶେଷକରି ମାତୃ ଓ ଶିଶୁ ମୃତ୍ୟୁହାର ହ୍ରାସ କରିବାରେ ତାଙ୍କ ଭୂମିକା ପ୍ରଶଂସନୀୟ। ଆଦିବାସୀ ଗର୍ଭବତୀ ମହିଳାମାନେ ମେଡିକାଲ ଯାଉ ନ ଥିଲେ, ହେଲେ ଗୀତାଙ୍କ ପ୍ରଚେଷ୍ଟା ଯୋଗୁ ସେମାନେ ମେଡିକାଲ ଆସି ଚିକିତ୍ସା କରାଇ ସେମାନଙ୍କ ଜୀବନ ବଞ୍ଚାଇବାରେ ସକ୍ଷମ ହୋଇପାରିଛନ୍ତି। ଗୀତା ପ୍ରଥମେ ବେଲାକୋବା ରୁରାଲ ହସ୍ପିଟାଲରେ ନିଯୁକ୍ତି ପାଇବା ପରେ କିଛିଦିନ ପରେ ୨୩,୦୦୦ ଏକର ବିଶିଷ୍ଟ ଡାଙ୍ଗୁଆଝର ଚା’ବଗିଚା ଅଞ୍ଚଳକୁ ବଦଳି ହୋଇଥିଲେ। ଏହି ଅଞ୍ଚଳରେ ପାଖାପାଖି ୫ ହଜାର ଆଦିବସୀ ରହନ୍ତି। ସେଠାରେ ବି କୌଣସି ସ୍ବାସ୍ଥ୍ୟକେନ୍ଦ୍ର ନ ଥିବାରୁ ସେବା ବ୍ୟବସ୍ଥା ପୂରା ଦୁର୍ବଳ ଥିଲା। ଫଳରେ ସେ ପ୍ରତିଦିନ ୧୨ରୁ ୧୪ କିଲୋମିଟର ସାଇକେଲରେ ଯାଇ ପରିବାରଗୁଡ଼ିକୁ ସ୍ବାସ୍ଥ୍ୟ ସମସ୍ୟା ସମ୍ପର୍କରେ ଅବଗତ କରାଇବା ସହ ସେମାନଙ୍କୁ ପରାମର୍ଶ ଦେଉଥିଲେ। ଠିକ୍ ସମୟରେ ଟିକାକରଣ କରାଇବା ଓ ଉପଯୁକ୍ତ ସେବା ଯୋଗାଇ ଦେଇଛନ୍ତି। ସେଠାକାର ଆଶାକର୍ମୀ ମଧ୍ୟ ତାଙ୍କୁ ସହଯୋଗ କରିଛନ୍ତି। ଗୀତା ଜାନୁଆରୀ ୨୦୨୬ରେ ଚାକିରିରୁ ଅବସର ନେବା ପରେ ମଧ୍ୟ ଚିକିତ୍ସାରେ ସହଯୋଗ କରିଆସୁଛନ୍ତି।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
