Trump's Tax Threat: ଟ୍ରମ୍ପଙ୍କ ଟିକସ୍ ଧମକ: ଡିଜିଟାଲ୍ ଟିକସ ଲାଗୁ କରୁଥିବା ଦେଶଗୁଡ଼ିକୁ ୧୦୦% ଶୁଳ୍କ

"ୱାସିଂଟନ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ୟୁରୋପୀୟ ଦେଶଗୁଡ଼ିକୁ ଏକ କଡ଼ା ଚେତାବନୀ ଦେଇଛନ୍ତି।

ସୋସିଆଲ ମିଡିଆରେ ଏକ ବିବୃତିରେ ସେ ସ୍ପଷ୍ଟ ଭାବରେ କହିଛନ୍ତି ଯେ, ଆମେରିକୀୟ ପ୍ରଯୁକ୍ତିବିଦ୍ୟା କମ୍ପାନିଗୁଡ଼ିକ ଉପରେ କୌଣସି ପ୍ରକାରର ଟିକସକୁ ସହ୍ୟ କରାଯିବ ନାହିଁ।

ଯଦି କୌଣସି ଦେଶ ଏପରି ନୂତନ ଡିଜିଟାଲ୍ ସେବା ଟିକସ ଲାଗୁ କରେ, ତେବେ ଆମେରିକା ସେହି ଦେଶରୁ ଆମଦାନି ହେଉଥିବା ସମସ୍ତ ସାମଗ୍ରୀ ଉପରେ ଭାରୀ ଟିକସ ଲାଗୁ କରିବ।

ଆମେରିକା ତୁରନ୍ତ ସେହି ଦେଶଗୁଡ଼ିକରୁ ଆମଦାନି ହେଉଥିବା ସାମଗ୍ରୀ ଉପରେ ୧୦୦% ଶୁଳ୍କ ଲାଗୁ କରିବ।

ଟ୍ରମ୍ପ ତାଙ୍କ ଚେତାବନୀରେ ସ୍ପଷ୍ଟ ଭାବରେ କହିଛନ୍ତି ଯେ, ଅନେକ ୟୁରୋପୀୟ ଦେଶ ଏପରି ଡିଜିଟାଲ୍ ଟିକସ ଲାଗୁ କରିବା ପାଇଁ ଗମ୍ଭୀରତାର ସହିତ ବିଚାର କରୁଛନ୍ତି।

କିଛି ଦେଶ ଏହି ନୂତନ ଟିକସକୁ ଖୁବ୍ ଶୀଘ୍ର କାର୍ଯ୍ୟକାରୀ କରିବାକୁ ଯାଉଛନ୍ତି, ଯାହା ଫଳରେ ଉତ୍ତେଜନା ବୃଦ୍ଧି ପାଇଛି।

ଟ୍ରମ୍ପସ୍ପଷ୍ଟ ଭାବରେ କହିଛନ୍ତି, ଏହି ବାଣିଜ୍ୟ ଚେତାବନୀ ସମସ୍ତ ଦେଶ ପାଇଁ ଉଦ୍ଦିଷ୍ଟ।

ଏହାକୁ ଗମ୍ଭୀରତାର ସହିତ ନିଆଯିବା ଉଚିତ୍।

ଟ୍ରମ୍ପଙ୍କ ଚେତାବନୀ ଯୋଗୁଁ ଆମେରିକା ଏବଂ ୟୁରୋପୀୟ ସଂଘ ମଧ୍ୟରେ ପୂର୍ବରୁ ଥିବା ଉତ୍ତେଜନାପୂର୍ଣ୍ଣ ବାଣିଜ୍ୟ ସମ୍ପର୍କ ପୁଣି ଥରେ ବିଗିଡ଼ି ଯିବାର ଆଶଙ୍କା ରହିଛି।Advertisment ଟ୍ରମ୍ପ ସ୍ପଷ୍ଟ ଭାବରେ କହିଛନ୍ତି, ଏହି ବାଣିଜ୍ୟ ଚେତାବନୀ ସମସ୍ତ ଦେଶ ପାଇଁ ଉଦ୍ଦିଷ୍ଟ ଗତ ବର୍ଷ, ଆମେରିକା ଏବଂ ୟୁରୋପୀୟ ସଂଘ ଏକ ପ୍ରମୁଖ ବାଣିଜ୍ୟ ଚୁକ୍ତିରେ ପହଞ୍ଚି ୟୁରୋପୀୟ ସାମଗ୍ରୀ ଉପରେ ଆମେରିକୀୟ ଶୁଳ୍କକୁ ୧୫ ପ୍ରତିଶତରେ ସୀମିତ କରିଥିଲେ।

ୟୁରୋପୀୟ ଦେଶଗୁଡ଼ିକ ମଧ୍ୟ ଆମେରିକୀୟ ଶିଳ୍ପ ଉତ୍ପାଦ ଉପରେ ଶୁଳ୍କକୁ ସମ୍ପୂର୍ଣ୍ଣ ହ୍ରାସ କରିବାକୁ ରାଜି ହୋଇଥିଲା।

ତେବେ ୟୁରୋପୀୟ ସଂଘର ଲମ୍ବା ଆଇନଗତ ପ୍ରକ୍ରିୟା ଚୁକ୍ତିନାମାର ପୂର୍ଣ୍ଣ କାର୍ଯ୍ୟକାରୀତାକୁ ଯଥେଷ୍ଟ ବିଳମ୍ବ କରିଥିଲା।

ଫଳରେ ଡୋନାଲ୍ଡ ଟ୍ରମ୍ପ ଅସନ୍ତୁଷ୍ଟ ହୋଇଥିଲେ।

ସେ ପୂର୍ବରୁ କିଛି ୟୁରୋପୀୟ ସାମଗ୍ରୀ ଉପରେ ୨୫ ପ୍ରତିଶତ ଶୁଳ୍କ ପୁନଃ ଲାଗୁ କରିବାକୁ ଧମକ ଦେଇ ସାରିଛନ୍ତି।

ଏହି ନୂତନ ବାଣିଜ୍ୟ ବିବାଦ ଫ୍ରାନ୍ସ ଯୋଗୁଁ ସୃଷ୍ଟି ହୋଇଛି।

ଆମେରିକୀୟ କମ୍ପାନିଗୁଡ଼ିକ ଉପରେ ଫ୍ରାନ୍ସ ଟିକସ ଲାଗୁ କରିଛି।

ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ ସ୍ପଷ୍ଟ କରିଛନ୍ତି ଯେ, ତାଙ୍କ ଦେଶ କେବେବି ଆମେରିକୀୟ ଚାପ ଆଗରେ ମୁଣ୍ଡ ନୁଆଁଇବ ନାହିଁ ଏବଂ ନିଜର ଡିଜିଟାଲ୍ ସେବା ଟିକସକୁ ଉଚ୍ଛେଦ କରିବ ନାହିଁ।

୨୦୧୯ ରେ, ଫ୍ରାନ୍ସ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇ ଡିଜିଟାଲ୍ ସେବାରୁ ଆୟ ଉପରେ ୩ ପ୍ରତିଶତ ଟିକସ ଲାଗୁ କରିଥିଲା, ଏହି ଟିକସ ଫ୍ରାନ୍ସରେ ବାର୍ଷିକ ରାଜସ୍ୱ ୨.୫ କୋଟି ୟୁରୋରୁ ଅଧିକ ଏବଂ ବିଶ୍ୱ ରାଜସ୍ୱ ୭୫ କୋଟି ୟୁରୋରୁ ଅଧିକ ଥିବା କମ୍ପାନିଗୁଡ଼ିକ ପାଇଁ ପ୍ରଯୁଜ୍ୟ।

ଗତ ବର୍ଷ,ଫରାସୀ ଆଇନ ସାଂସଦମାନେ ମଧ୍ୟ ଏହି ବିବାଦୀୟ ଟିକସକୁ ୩ ପ୍ରତିଶତରୁ ୬ ପ୍ରତିଶତକୁ ବୃଦ୍ଧି କରିବାକୁ ପ୍ରସ୍ତାବ ଦେଇଥିଲେ।

ରାଷ୍ଟ୍ରପତି ଟ୍ରମ୍ପ ପୂର୍ବରୁ ଏକ କଠୋର ଚେତାବନୀ ଦେଇଥିଲେ ଯେ, ଯଦି ଫ୍ରାନ୍ସ ଏହି ନୂତନ ଟିକସ ପ୍ରତ୍ୟାହାର ନ କରେ ତେବେ ଆମେରିକା କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବ।

ଏହି ବିବାଦର ଜବାବରେ ଫରାସୀ ମଦ ଉପରେ ଆମେରିକା ସିଧାସଳଖ ୧୦୦ ପ୍ରତିଶତ ଶୁଳ୍କ ଲାଗୁ କରିବାକୁ ବିଚାର କରିପାରେ।

ଆମେରିକା ବାଣିଜ୍ୟ ପ୍ରତିନିଧିଙ୍କ କାର୍ଯ୍ୟାଳୟ ପକ୍ଷରୁ ମଧ୍ୟ ଫ୍ରାନ୍ସ, ୟୁକେ, ଅଷ୍ଟ୍ରିଆ ଏବଂ ସ୍ପେନ୍ ଦ୍ୱାରା ଲାଗୁ କରାଯାଇଥିବା ଏହି ଡିଜିଟାଲ୍ ସେବା ଟିକସକୁ ଦୀର୍ଘ ସମୟ ଧରି ଦୃଢ଼ ବିରୋଧ କରାଯାଉଛି।

ଆମେରିକୀୟ ପ୍ରଶାସନ ଯୁକ୍ତି ଦର୍ଶାଉଛନ୍ତି ଯେ, ଏହି ଡିଜିଟାଲ୍ ଟିକସଗୁଡ଼ିକ ମୁଖ୍ୟତଃ ଆମେରିକୀୟ ପ୍ରଯୁକ୍ତିବିଦ୍ୟାର ବଡ଼ ବଡ଼ କମ୍ପାନିଗୁଡ଼ିକୁ ଟାର୍ଗେଟ କରୁଛି।

ବିଶ୍ୱ ଡିଜିଟାଲ୍ ସେବା କ୍ଷେତ୍ରରେ ଆମେରିକୀୟ କମ୍ପାନିଗୁଡ଼ିକର ପ୍ରାଧାନ୍ୟକୁ ଦୃଷ୍ଟିରେ ରଖି , ସେମାନଙ୍କ ଉପରେ ଏହି ଟିକସ ଲାଗୁ କରିବା ପକ୍ଷପାତପୂର୍ଣ୍ଣ ବୋଲି ବିବେଚନା କରାଯାଉଛି।

ଟ୍ରମ୍ପଙ୍କ ଚେତାବନୀ ଆମେରିକା ଏବଂ ୟୁରୋପ ମଧ୍ୟରେ ଏକ ବଡ଼ ବାଣିଜ୍ୟ ଯୁଦ୍ଧର ଆଶଙ୍କା ସୃଷ୍ଟି କରିଛି।

ଏହା ଭବିଷ୍ୟତର ଅନ୍ତର୍ଜାତୀୟ ବାଣିଜ୍ୟ ଏବଂ ବିଶ୍ୱର ପ୍ରମୁଖ ଅର୍ଥନୀତି ପାଇଁ ଗମ୍ଭୀର ପରିଣାମ ଆଣିପାରେ ବୋଲି ଅନୁମାନ କରାଯାଉଛି। https://sambad.in/india-and-beyond/hungary-cannibalism-case-hospital-worker-accused-of-consuming-human-remains-and-stealing-bodies-from-a-cemetery-12110961 "