Trawler Severely Damaged: ଧାମରା ମତ୍ସ୍ୟ ପୋତାଶ୍ରୟରେ ଭୟାବହ ଅଗ୍ନିକାଣ୍ଡ, ଜଳିଗଲା ମାଛଧରା ଟ୍ରଲର
ଧାମରା ମତ୍ସ୍ୟ ପୋତାଶ୍ରୟରେ ଜଳିଗଲା ମାଛଧରା ଟ୍ରଲର। ଚାନ୍ଦବାଲି ବ୍ଲକ ଧାମରା ମତ୍ସ୍ୟ ପୋତାଶ୍ରୟ ମଧ୍ୟରେ ଏକ ମାଛଧରା ଟ୍ରଲରଟି ନିଆଁ ଲାଗି ଜଳିଯାଇଛି। ଏହି ଟ୍ରଲରକୁ କ୍ରେଡେଲକୁ ଉଠାଯାଇ କାଠ କାମ ହେଉଥିବା ବେଳେ ହଠାତ ନିଆଁ ଲାଗିଯାଇଥିଲା।
ଫଳରେ ଟ୍ରଲରର କ୍ୟାବିନ ଏବଂ ଉପରଭାଗ ସମ୍ପୂର୍ଣ ଜଳି ନଷ୍ଟ ହୋଇଯାଇଛି। ଧାମରା ଏବଂ ଧାମରା ବନ୍ଦର ଦମକଳ ବାହିନୀ ଆସି ଘଟଣା ସ୍ଥଳରେ ପହଞ୍ଚି ବହୁକଷ୍ଟରେ ନିଆଁକୁ ଆୟତ୍ତ କରିଥିଲେ। ତେବେ ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇନାହିଁ।
