Sonam Wangchuk Hails Gen Z Protesters: ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ପରେ ଜେନ-ଜିଙ୍କୁ ଅଭିନନ୍ଦନ ଜଣାଇଲେ ସୋନମ ୱାଙ୍ଗଚୁକ

"ରାସ୍ତାରୁ ସିଧାସଳଖ ଗଣତନ୍ତ୍ର... ଏହା ଶାନ୍ତି, ଧୈର୍ଯ୍ୟ ଓ ଅଦମ୍ୟ ପ୍ରୟାସର ବିଜୟ," ସୋନମ ୱାଙ୍ଗଚୁକ ଏକ୍ସରେ ପୋଷ୍ଟ କରିଛନ୍ତି।

କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ପରେ ଜଳବାୟୁ କର୍ମୀ ତଥା ଶିକ୍ଷାବିତ୍ ସୋନମ ୱାଙ୍ଗଚୁକ ତାଙ୍କର ପ୍ରଥମ ପ୍ରତିକ୍ରିୟାରେ ଏକ୍ସ ରେ ଲେଖିଛନ୍ତି, "ଏହା ଗଣତନ୍ତ୍ରର ବିଜୟ।"
ସୋନମ ୱାଙ୍ଗଚୁକ ଜୁନ୍ ୨୮ରେ ବ୍ୟଙ୍ଗାତ୍ମକ ରାଜନୈତିକ ସଂଗଠନ କକରୋଚ୍ ଜନତା ପାର୍ଟି (CJP) ଆରମ୍ଭ କରିଥିବା ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଏବଂ ଶିକ୍ଷା ବ୍ୟବସ୍ଥାରେ ସଂସ୍କାର ଦାବିରେ ଆନ୍ଦୋଳନରେ ଯୋଗ ଦେଇ ଅନଶନ ଆରମ୍ଭ କରିଥିଲେ।

ସରକାରଙ୍କ ପକ୍ଷରୁ ସଂସଦରେ ନିଟ୍ (NEET) ପ୍ରଶ୍ନପତ୍ର ଲିକ୍ ପ୍ରସଙ୍ଗରେ ଆଲୋଚନା, ଆନ୍ଦୋଳନରତ ଛାତ୍ରଛାତ୍ରୀଙ୍କ ବିରୋଧରେ କୌଣସି ଆଇନଗତ କାର୍ଯ୍ୟାନୁଷ୍ଠାନ ନ କରିବା ଏବଂ ପ୍ରଶ୍ନପତ୍ର ଲିକ୍ ଘଟଣା ପରେ ଆତ୍ମହତ୍ୟା କରିଥିବା ଛାତ୍ରଛାତ୍ରୀଙ୍କ ପରିବାରକୁ କ୍ଷତିପୂରଣ ଦେବାର ଆଶ୍ୱାସନା ମିଳିବା ପରେ ସେ ଗୁରୁବାର ରାତିରେ ତାଙ୍କର ୨୬ ଦିନର ଅନଶନ ଭଙ୍ଗ କରିଥିଲେ। ଦୁଇଜଣ କେନ୍ଦ୍ରମନ୍ତ୍ରୀ ହସ୍ପିଟାଲରେ ପହଞ୍ଚି ଅନଶନ ଭଙ୍ଗ କରାଇଥିଲେ। 
ଏକ୍ସରେ କରିଥିବା ଏକ ପୋଷ୍ଟରେ ୱାଙ୍ଗଚୁକ ହସ୍ପିଟାଲ ବେଡରୁ  'V' (ବିଜୟ) ସଙ୍କେତ ଦେଉଥିବା ଏକ ଫଟୋ ସେୟାର କରିଛନ୍ତି।

ସେ ଲେଖିଛନ୍ତି, "ରାସ୍ତାରୁ ସିଧାସଳଖ ଗଣତନ୍ତ୍ର... ଏହା ଶାନ୍ତି, ଧୈର୍ଯ୍ୟ ଓ ଅଦମ୍ୟ ପ୍ରୟାସର ବିଜୟ।"
ୱାଙ୍ଗଚୁକ CJP ଏବଂ ଦେଶର ଜେନ-ଜି (Gen-Z) ଯୁବପିଢ଼ିଙ୍କୁ ମଧ୍ୟ ଅଭିନନ୍ଦନ ଜଣାଇଛନ୍ତି । ଯେଉଁମାନେ ଗତ ଏକ ମାସରୁ ଅଧିକ ସମୟ ଧରି ଏହି ଆନ୍ଦୋଳନର ନେତୃତ୍ୱ ନେଇ ଆସୁଛନ୍ତି, ସେମାନଙ୍କୁ ଅଭିନନ୍ଦନ ଜଣାଇଛନ୍ତି। ସେହିପରି ଦେଶର ନାଗରିକମାନଙ୍କୁ ଭୟକୁ ପରିହାର କରି ଦେଶର ସବୁ ଅଞ୍ଚଳରୁ ଏକତ୍ରିତ ହୋଇଥିବା ପାଇଁ ଧନ୍ୟବାଦ ଜଣାଇଥିଲେ।

ଧର୍ମେନ୍ଦ୍ର ପ୍ରଧାନ ଇସ୍ତଫା ଦେଇଥିବାରୁ ବର୍ତ୍ତମାନ ଆନ୍ଦୋଳନର ଆଲୋଚନା ଉତ୍ତରଦାୟିତ୍ୱ ଠାରୁ ଶିକ୍ଷା ସଂସ୍କାର ଆଡ଼କୁ ଆଗେଇବ ବୋଲି ୱାଙ୍ଗଚୁକ କହିଛନ୍ତି।