Shubman Gill: ଜନ୍ମଦିନରେ ଶୁବମନ ଗିଲଙ୍କୁ କିଏ ଦେଲା ଲାଲ ଗୋଲାପ, ଭାଇରାଲ ହେଉଛି ଭିଡିଓ

ଜନ୍ମଦିନ ସେଲିବ୍ରେସନ ପୁଣି ଥରେ ଇଣ୍ଟରନେଟରେ ଧୂମ ମଚାଇଛି । ଇନଷ୍ଟାଗ୍ରାମ ଷ୍ଟୋରୀରେ ଗିଲଙ୍କ ହାତରେ ଲାଲ ଗୋଲାପ ରହିଛି । ସେ ଲାଜରେ ମୁହଁ ଲୁଚାଇ ହସୁଛନ୍ତି ।

ଅଭିଷେକ ଶର୍ମା ଏବଂ ଶୁବମନ ଗିଲଙ୍କ ବନ୍ଧୁତ୍ୱ କାହାକୁ ଅଛପା ନାହିଁ । ମଇଦାନ ଭିତରେ ଓ ବାହାରେ ସେମାନଙ୍କ ବନ୍ଧୁତ୍ୱ ଝଲକ ଅନେକ ସମୟରେ ଦେଖିବାକୁ ମିଳିଛି । ସେପ୍ଟେମ୍ବର ୮ରେ ୨୬ ବର୍ଷରେ ପାଦ ଥାପିଲେ ଟିମ୍ ଇଣ୍ଡିଆର ପ୍ରିନ୍ସ ଶୁବମନ ଗିଲ ।

ତାଙ୍କ ଜନ୍ମଦିନ ସେଲିବ୍ରେସନ ପୁଣି ଥରେ ଇଣ୍ଟରନେଟରେ ଧୂମ ମଚାଇଛି । ଇନଷ୍ଟାଗ୍ରାମ ଷ୍ଟୋରୀରେ ଅଭିଷେକ ଗିଲଙ୍କୁ ଲାଲ ଗୋଲାପ ଦେଉଥିବା ନଜର ଆସିଥିଲେ, ଯାହାର ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଛି।

ଅଭିଷେକଙ୍କ ଦେଇଥିବା ଲାଲ ଗୋଲାପ ଉପରେ ପ୍ରତିକ୍ରିୟା ଦେଇ ଗିଲ ଲାଜେଇ ଯାଇଥିଲେ । ଅଳ୍ପ ହସ ସହିତ ନିଜ ମୁହଁ ଲୁଚାଇ ଦେଇଥିଲେ। ଅଭିଷେକ ଏବଂ ଗିଲ ଉଭୟେ ଦୁବାଇରେ ହେବାକୁ ଥିବା ଏସିଆ କପ୍ ୨୦୨୫ ପାଇଁ ଖେଳିବେ ।

୧୯୯୯ରେ ଜନ୍ମିତ ଗିଲ ୨୦୧୮ରେ ଅଣ୍ଡର-୧୯ ବିଶ୍ୱକପ ସମୟରେ ପ୍ରଥମେ ଚର୍ଚ୍ଚାକୁ ଆସିଥିଲେ, ଯାହାକୁ ଭାରତ ପୃଥ୍ୱୀ ଶ’ଙ୍କ ଅଧିନାୟକତ୍ୱରେ ଜିତିଥିଲା। ସେହିଦିନଠାରୁ ଏହି ଡାହାଣହାତୀ ଖେଳାଳିଙ୍କ ଲୋକପ୍ରିୟତା ବଢ଼ିଚାଲିଛି ଏବଂ ତାଙ୍କୁ ଭାରତୀୟ କ୍ରିକେଟରେ ପରବର୍ତ୍ତୀ ବଡ଼ ଖେଳାଳି ଭାବେ ବିବେଚନା କରାଯାଉଛି। ତାଙ୍କୁ ପୂର୍ବରୁ ହିଁ ଟେଷ୍ଟ ଦଳର ଅଧିନାୟକ ନିଯୁକ୍ତ କରାଯାଇଛି ଏବଂ ସୀମିତ ଓଭର କ୍ରିକେଟରେ ମଧ୍ୟ ନେତୃତ୍ୱ ଦାୟିତ୍ୱ ନେବା ପାଇଁ ସେ ପ୍ରସ୍ତୁତ ହେଉଛନ୍ତି।

ଗିଲଙ୍କୁ ଜନ୍ମଦିନ ଅବସରରେ ଶୁଭେଚ୍ଛା ଜଣାଇଛି ବିସିସିଆଇ ଏବଂ କୋଲକତା ନାଇଟ ରାଇଡର୍ସ । X ରେ ଫଟୋ ସେୟାର କରି ଶୁଭେଚ୍ଛା ଜଣାଇଛନ୍ତି ।