Road Issue : ବିଲରେ ଜନ୍ମ ହେଲା ଶିଶୁ !

Road Issue : ବିଲରେ ଜନ୍ମ ହେଲା ଶିଶୁ !

ରାୟଗଡା: ପୁଣି ଜନନୀ ଯନ୍ତ୍ରଣା। ଗାଁକୁ ଆସିପାରିଲାନି ଆମ୍ବୁଲାନ୍ସ, ଚାଲି ଚାଲି ମେଡ଼ିକାଲ ଯିବା ବାଟରେ ଶିଶୁ କନ୍ୟାକୁ ଜନ୍ମ ଦେଲେ ମହିଳା। କାଦୁଅ ରାସ୍ତା ଥିବାରୁ ଆମ୍ବୁଲାନ୍ସ ଆସିପାରି ନଥିଲା। ଆଶାକର୍ମୀ ପ୍ରସୂତୀଙ୍କୁ ଧରି ଚଲାଇ ଚଲାଇ ଆଣିବା ବେଳେ ପ୍ରସବ କରିଥିଲେ ମହିଳା। ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ରାୟଗଡା କଲ୍ୟାଣସିଂହପୁର ବ୍ଲକ ସଦର ଚାଞ୍ଚଡାରେ । ସୁନୀଲ ପ୍ରାସ୍କାଙ୍କ ପତ୍ନୀ ବନିତା ରାତିରୁ ଗର୍ଭ ଯନ୍ତ୍ରଣା ହେବାରୁ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ।

ଆମ୍ବୁଲାନ୍ସ ଗାଁ ମୁଣ୍ଡରେ ପହଞ୍ଚି ଥିଲେ ସୁଦ୍ଧା ରାସ୍ତା ନଥିବାରୁ ଆଗକୁ ଯାଇପାରି ନଥିଲା। ପ୍ରସବ ପରେ ଉଭୟ ମାଆ ଓ ଶିଶୁ କନ୍ୟାକୁ କଲ୍ୟାଣସିଂହପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି। ଉଭୟ ସୁସ୍ଥ ଅଛନ୍ତି ।