Rental Service: ଭଡ଼ାରେ ମିଳୁଛନ୍ତି ଗୁଣ୍ଡା, ୩୦ ମିନିଟ ପାଇଁ ନେଉଛନ୍ତି ୧୨ ହଜାର ଟଙ୍କା

ଯଦି କୌଣସି କମ୍ପାନୀରେ ବସ୍ ଆପଣଙ୍କ ଦରମା ଅଟକାଇ ଦେଇଛନ୍ତି, ତେବେ ଏହି ଭୟଙ୍କର ଲୋକମାନେ ଆପଣଙ୍କୁ ପୂରା ସାହାଯ୍ୟ କରିପାରନ୍ତି। କମ୍ପାନୀ ଦାବି କରିଛି ଯେ ତାଙ୍କ ଏହି ସେବାରେ ସମସ୍ତ ଜିନିଷ ଆଇନଗତ ଭାବେ କରାଯାଏ।

ଜାପାନ ତା’ର ଟେକ୍ନୋଲୋଜି, ନୂଆ-ନୂଆ ଆବିଷ୍କାର ଏବଂ ଅଦଭୁତ ସେବା ମାଧ୍ୟମରେ ବିଶ୍ୱକୁ ଆଶ୍ଚର୍ଯ୍ୟ କରିଥାଏ । ଏଥର ଜାପାନ ତା’ର ନୂଆ ସେବା ଦ୍ୱାରା ଲୋକଙ୍କୁ ଚମକାଇ ଦେଇଛି। ଜାପାନ ଦେଖାଇ ଦେଇଛି ଯେ ଏଭଳି ଭାବେ ମଧ୍ୟ ବ୍ୟବସାୟ କରାଯାଇପାରେ।

ଏକ ରିପୋର୍ଟ ଅନୁଯାୟୀ, ଜାପାନର ଏକ କମ୍ପାନୀ ‘ରେଣ୍ଟାଲ କୋୱାଇହିଟୋ’ (Rental Kowaihito) ଲୋକଙ୍କ ମଧ୍ୟରେ ଝଗଡ଼ା ସମାଧାନ କରିବାର ଏକ ନୂଆ ଉପାୟ ଆବିଷ୍କାର କରିଛି। ଏହି କମ୍ପାନୀ ଲୋକଙ୍କୁ ‘ଭୟଙ୍କର ଦେଖାଯାଉଥିବା ଲୋକ’ (Scary Person On Rent) ବା କହିଲେ ଭଡ଼ାରେ ‘ଆଇନଗତ ଗୁଣ୍ଡା’ ଯୋଗାଇ ଦେଉଛି। କିଛି ଟଙ୍କାରେ ଭଡ଼ାରେ ମିଳୁଥିବା ଏହି ଭୟଙ୍କର ଲୋକମାନେ ଆପଣଙ୍କ ବିବାଦକୁ ଅଧା ଘଣ୍ଟା ମଧ୍ୟରେ ପୂରାପୂରି ସମାଧାନ କରିଦେବେ।

କମ୍ପାନୀ ଅନୁଯାୟୀ, ଏହି ଭୟଙ୍କର ଲୋକମାନଙ୍କ ମୁଣ୍ଡ କେଶହୀନ ଏବଂ ଶରୀରରେ ବଡ଼-ବଡ଼ ଟାଟୁ କରିଥାଆନ୍ତି, ଯାହାଙ୍କୁ ଦେଖିଲେ ସାମ୍ନାରେ ଥିବା ଲୋକ ନିଜେ ନିଜେ ଡରିଯାଏ। ଏହି ଭୟଙ୍କର ଲୋକମାନଙ୍କୁ ଗ୍ରାହକଙ୍କ ସହ ପଠାଯାଏ ଏବଂ ସେମାନେ ମାତ୍ର ଆଧା ଘଣ୍ଟାରେ ସମଗ୍ର ସମସ୍ୟାର ସମାଧାନ କରିଦିଅନ୍ତି।

ପଡ଼ୋଶୀଙ୍କ ସହ ଝଗଡ଼ା ହେଉ କିମ୍ବା କମ୍ପାନୀରେ କୌଣସି ବିବାଦ, ଏହି ଭୟଙ୍କର ଲୋକମାନେ ଛୋଟରୁ ଛୋଟ ଏବଂ ବଡ଼ରୁ ବଡ଼ ବିବାଦକୁ ସମାଧାନ କରିଦିଅନ୍ତି । କମ୍ପାନୀ ଅନୁଯାୟୀ, ଲୋକମାନେ ଏହି ସେବାର ଉପଯୋଗ ପଡ଼ୋଶୀଙ୍କୁ ଚୁପ କରାଇବା, ଅଫିସରେ ଅଭଦ୍ର କର୍ମଚାରୀଙ୍କୁ ଶିକ୍ଷା ଦେବା, ବେଇମାନ ସାଙ୍ଗକୁ ସଠିକ ପଥରେ ଆଣିବା ପାଇଁ କରନ୍ତି।

ଏତିକି ନୁହେଁ, ଯଦି କୌଣସି କମ୍ପାନୀରେ ବସ୍ ଆପଣଙ୍କ ଦରମା ଅଟକାଇ ଦେଇଛନ୍ତି, ତେବେ ଏହି ଭୟଙ୍କର ଲୋକମାନେ ଆପଣଙ୍କୁ ପୂରା ସାହାଯ୍ୟ କରିପାରନ୍ତି। କମ୍ପାନୀ ଦାବି କରିଛି ଯେ ତାଙ୍କ ଏହି ସେବାରେ ସମସ୍ତ ଜିନିଷ ଆଇନଗତ ଭାବେ କରାଯାଏ।

ତେବେ ଏହି ଭୟଙ୍କର ଲୋକମାନେ କୌଣସି ଗ୍ୟାଙ୍ଗଷ୍ଟର ନୁହନ୍ତି। ଏହି ପ୍ରକାର ସେବାର ଲାଭ ଉଠାଇବା ପାଇଁ ଲୋକଙ୍କୁ ୩୦ ମିନିଟ୍ ପାଇଁ ୨୦ ହଜାର ୟେନ (୧୨ ହଜାର ଟଙ୍କା) ଖର୍ଚ୍ଚ କରିବାକୁ ପଡ଼ିବ। ୩ ଘଣ୍ଟା ପର୍ଯ୍ୟନ୍ତ ସେବାର ଶୁଳ୍କ ୩୦ ହଜାର ଟଙ୍କା ପର୍ଯ୍ୟନ୍ତ ଅଟେ। ଯଦି ଗ୍ରାହକ ସହର ବାହାରୁ ହୋଇଥାଏ, ତେବେ ଯାତ୍ରା ଖର୍ଚ୍ଚ ମଧ୍ୟ ବହନ କରିବାକୁ ପଡ଼ିବ।

ଏହା ଉପରେ ଜଣେ ଲେଖିଛନ୍ତି, ‘ଏହି ସେବା ବହୁତ ଲାଭଦାୟକ।’ ଆଉ ଜଣେ ଲେଖିଛନ୍ତି, ‘ଏହି ସେବା ସେମାନଙ୍କ ପାଇଁ ଉତ୍ତମ, ଯାହାଙ୍କୁ ଲୋକେ ଦୁର୍ବଳ ଭାବି ଦବାଇ ରଖନ୍ତି।’ ଆଉ ଜଣେ ଲେଖିଛନ୍ତି, ‘ମନେକର ଯଦି ଉଭୟ ପକ୍ଷ ଏଭଳି ଭୟଙ୍କର ଲୋକଙ୍କୁ ଭଡ଼ାରେ ଡାକିନିଅନ୍ତି, ତେବେ କ’ଣ ହେବ?’