ରାତାରାତି ଷ୍ଟ୍ରାଟେଜି ବଦଳାଇଲା ପାକିସ୍ତାନ! ଆକାଶରେ ଦେଖାଗଲା…

ନୂଆଦିଲ୍ଲୀ,୯।୫: ଆଜି ମଧ୍ୟ ପାକିସ୍ତାନ ବେସାମରିକ ବିମାନର ଆବରଣ ତଳେ ଭାରତ ଉପରେ ଡ୍ରୋନ ଆକ୍ରମଣ କରିବାକୁ ଚେଷ୍ଟା କରିଛି। ଆଟାକ୍‌ର ୩ୟ ରାତିରେ ବଡ଼ ଆଟାକ୍‌ କରିଛି ପାକସ୍ତାନ। କିନ୍ତୁ ଭାରତ ଏହାକୁ ବିଫଳ କରିଦେଇଛି। ତେବେ ଏହାରି ଭିତରେ ଦେଖିବାକୁ ମିଳିଛି ପାକିସ୍ତାନ ତା’ର ରଣନୀତି ପୁଣି ପଦଳାଇଛି। ପାକିସ୍ତାନର ଆକାଶ ସୀମାରେ ଅନେକ ବିମାନ ଉଡୁଥିବାର ଦେଖାଯାଇଛି। ଏପରିକି ବର୍ଡରରେ ଡବଲ ଫ୍ଲାଇଟ୍‌ ଯାଉଥିବାର ସାଟେଲାଇଟ ଫଟୋରେ ଦୃଶ୍ୟମାନ ହେଉଛି। ହଠାତ କରାଚୀ, ଇସଲାମବାଦ ଏବଂ ଲାହୋରରେ ବିମାନ ସଂଖ୍ୟା ଦ୍ୱିଗୁଣିତ ହୋଇଯାଇଛି। ତେବେ ଏୟାରସ୍ପେଶ ଉହାଡରେ ପାକିସ୍ତାନ ଆଜି ଏକାଥରେ ୧୦ରୁ ଏକାଧିକ ଡ୍ରୋନ ଆଟାକ୍‌ କରୁଛି। ସବୁଠୁ ଚମକାଇଲା ଭଳି ସୂଚନା ହେଉଛି ଗତକାଲି ଯେଉଁ ଉଚ୍ଚତାରେ ଡ୍ରୋନ ଆଟାକ୍‌ ହେଉଥିଲା ଏବେ ତା’ଠାରୁ ବହୁଗଣ ଉଚ୍ଚରେ ଡ୍ରୋନ ଆଟାକ୍‌ କରିଛି ପାକିସ୍ତାନ।

Suddenly double digits flights take off from Karachi islamabad lahore all takeoff within 20-25 minutes

They’re doing it so Indian air defence can’t distinguish UAVs & Pakistani missile
They did it yesterday too pic.twitter.com/oGwamnQWFD

— War & Gore (@Goreunit) May 9, 2025

ପ୍ରକୃତରେ, ପାକିସ୍ତାନ ଏହା କରୁଛି କାରଣ ଭାରତୀୟ ସେନା UAV (ଅନମଣ୍ଡେଡ ଏରିଆଲ ଯାନ) ଏବଂ ପାକିସ୍ତାନୀ କ୍ଷେପଣାସ୍ତ୍ରକୁ ଚିହ୍ନଟ କରିପାରିବ ନାହିଁ। ଗତକାଲି ମଧ୍ୟ ପାକିସ୍ତାନୀ ସେନା ଏହା କରିଥିଲା। ସୀମା ନିକଟରେ ବହୁ ସଂଖ୍ୟକ ପାକିସ୍ତାନୀ ବେସାମରିକ ବିମାନ ଉଡ଼ୁଛନ୍ତି। ପାକିସ୍ତାନ ପୁଣି ଥରେ ବେସାମରିକ ବିମାନର ଆବରଣ ତଳେ ଭାରତ ଉପରେ ଆକ୍ରମଣ କରିବାକୁ ଏକ ବିଫଳ ପ୍ରୟାସ କଲା।

ମେ ୯ ରାତିରେ ପାକିସ୍ତାନ ପୁଣି ଥରେ ଭାରତ ଉପରେ ଆକ୍ରମଣ କରିବାକୁ ଚେଷ୍ଟା କରିଥିଲା, କିନ୍ତୁ ଭାରତ ଏହାର ଘୃଣ୍ୟ ଯୋଜନାକୁ ପଣ୍ଡ କରିଦେଇଥିଲା। ପାକିସ୍ତାନ ଜମ୍ମୁରୁ ପଞ୍ଜାବ, ରାଜସ୍ଥାନ ଏବଂ ଗୁଜରାଟକୁ ଡ୍ରୋନ ଖସାଇଥିଲା। କିନ୍ତୁ ଭାରତର ବାୟୁ ପ୍ରତିରକ୍ଷା ପ୍ରଣାଳୀ ପାକିସ୍ତାନର ସମସ୍ତ ଡ୍ରୋନକୁ ଖସାଇ ଦେଇଥିଲା। ରାଜସ୍ଥାନରେ ଭାରତ 30ଟି ପାକିସ୍ତାନୀ ଡ୍ରୋନକୁ ଖସାଇ ଦେଇଛି।

ସୂଚନାଥାଉ କି, ଫିରୋଜପୁରର ଖାଇ ଗାଁରେ ଏକ ପାକିସ୍ତାନୀ ଡ୍ରୋନ ପଡ଼ିବା ଯୋଗୁଁ ଏକ ଘରେ ନିଆଁ ଲାଗିଯାଇଛି। ପାକିସ୍ତାନର ଏହି ଡ୍ରୋନ ଆକ୍ରମଣରେ ଗୋଟିଏ ପରିବାରର ତିନି ଜଣ ସଦସ୍ୟ ପୋଡ଼ି ଯାଇଛନ୍ତି। ତାଙ୍କୁ ତୁରନ୍ତ ଚିକିତ୍ସା ପାଇଁ ଫିରୋଜପୁରର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି।

The post ରାତାରାତି ଷ୍ଟ୍ରାଟେଜି ବଦଳାଇଲା ପାକିସ୍ତାନ! ଆକାଶରେ ଦେଖାଗଲା… appeared first on Dharitri Odia News.