ପ୍ରେସ କନଫରେନ୍ସ ସମୟରେ ଗିରଫ ହେଲେ କଂଗ୍ରେସ ନେତା

ଲକ୍ଷ୍ନୌ,୩୦।୧: ଉତ୍ତର ପ୍ରଦେଶର ସୀତାପୁର ଲୋକ ସଭା ଆସନର କଂଗ୍ରେସ ଏମପି ରାକେଶ ରାଠୋରଙ୍କୁ ପୋଲିସ ଗିରଫ କରିଛି। ରାକେଶ ରାଠୋରଙ୍କ ବିରୋଧରେ ବଳାତ୍କାର ଅଭିଯୋଗ ଆସିଛି। ହାଇକୋର୍ଟ ତାଙ୍କ ଆଗୁଆ ଜାମିନ ଖାରଜ କରିବା ପରେ, ପୋଲିସ ରାକେଶ ରାଠୋରଙ୍କୁ ଲୋହାରବାଗସ୍ଥିତ ତାଙ୍କ ଘରେ ଏକ ସାମ୍ବାଦିକ ସମ୍ମିଳନୀ କରୁଥିବା ସମୟରେ ଗିରଫ କରିଥିଲା। ସମ୍ମିଳନୀର ମଝିରେ ପୋଲିସ ତାଙ୍କୁ ହେପାଜତକୁ ନେଇଗଲା। ବୁଧବାର ହିଁ ହାଇକୋର୍ଟର ଲକ୍ଷ୍ନୌ ବେଞ୍ଚରେ ମଧ୍ୟବର୍ତ୍ତୀକାଳୀନ ଜାମିନ ଆବେଦନ ଖାରଜ ହୋଇଯାଇଥିଲା। ଗିରଫ ପରେ, ପୋଲିସ ଏମପିଙ୍କୁ କୋର୍ଟରେ ହାଜର କରିଥିଲା, ଯେଉଁଠାରେ ତାଙ୍କ ଜାମିନ ଉପରେ ନିଷ୍ପତ୍ତି ନିଆଯିବ।
ଏହି ମାମଲାରେ ଗିରଫଦାରୀ ଏଡାଇବା ପାଇଁ କଂଗ୍ରେସ ଏମପି ହାଇକୋର୍ଟରେ ଆଗୁଆ ଜାମିନ ଆବେଦନ କରିଥିଲେ, କିନ୍ତୁ ବୁଧବାର ହାଇକୋର୍ଟର ଲକ୍ଷ୍ନୌ ବେଞ୍ଚ ତାଙ୍କ ଆବେଦନକୁ ଖାରଜ କରିଦେଇ ସ୍ପଷ୍ଟ ଭାବରେ ତାଙ୍କୁ ଆତ୍ମସମର୍ପଣ କରିବାକୁ କହିଥିଲେ। ଏହାର ଠିକ ଗୋଟିଏ ଦିନ ପୂର୍ବରୁ, ସିଜେଏମ କୋର୍ଟ ତାଙ୍କ ବିରୋଧରେ ଜାମିନ ବିହୀନ ୱାରେଣ୍ଟ ଜାରି କରିଥିଲେ। ଆଜି ଅର୍ଥାତ୍‌ ଗୁରୁବାର ଦିନ, ଯେତେବେଳେ ରାକେଶ ରାଠୋର ତାଙ୍କ ବାସଭବନରେ ଏକ ସାମ୍ବାଦିକ ସମ୍ମିଳନୀ କରୁଥିଲେ, ପୋଲିସ ସେଠାରେ ପହଞ୍ଚି ତାଙ୍କୁ ହେପାଜତକୁ ନେଇଥିଲା।

The post ପ୍ରେସ କନଫରେନ୍ସ ସମୟରେ ଗିରଫ ହେଲେ କଂଗ୍ରେସ ନେତା appeared first on Dharitri Odia News.