ଟ୍ରମ୍ପଙ୍କ ଭୟଙ୍କର ଯୋଜନା, ମିଳିବ ଆତଙ୍କବାଦୀଙ୍କ ଭଳି ଦଣ୍ଡ!

ଓ୍ବାଶିଂଟନ,୩୦।୧: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଅବୈଧ ପ୍ରବାସୀମାନଙ୍କ ପାଇଁ ଏକ ଭୟଙ୍କର ଯୋଜନା କରିଛନ୍ତି। ଟ୍ରମ୍ପ ଏବେ କୁଖ୍ୟାତ ଗୁଆଣ୍ଟାନାମୋ ସାମରିକ ଜେଲରେ ଅବୈଧ ପ୍ରବାସୀମାନଙ୍କୁ ରଖିବାର ଯୋଜନା ପ୍ରକାଶ କରିଛନ୍ତି। ଗୁଆଣ୍ଟାନାମୋ ବେ ହେଉଛି ସେହି ସାମରିକ କାରାଗାର ଯେଉଁଠାରେ ଆମେରିକା ଉପରେ ହୋଇଥିବା ଭୟଙ୍କର ୯/୧୧ ଆକ୍ରମଣ ପରେ ଆଫଗାନିସ୍ତାନ ଏବଂ ପାକିସ୍ତାନରୁ ଧରାପଡ଼ିଥିବା ଅଲକାଏଦା ସଦସ୍ୟଙ୍କ ସମେତ ଭୟଙ୍କର ଆତଙ୍କବାଦୀ ଏବଂ ସନ୍ଦିଗ୍ଧମାନଙ୍କୁ ବନ୍ଧକ ରଖାଯାଇଥିଲା।
ରାଷ୍ଟ୍ରପତି ଟ୍ରମ୍ପ କହିଛନ୍ତି ଯେ ସେ କ୍ୟୁବାର ପୂର୍ବ ପାର୍ଶ୍ୱରେ ଏକ ଜେଲରେ ଅବୈଧ ବିଦେଶୀମାନଙ୍କୁ ରଖିବା ପାଇଁ ଏକ କେନ୍ଦ୍ର ନିର୍ମାଣ କରିବାକୁ ସଂଘୀୟ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦେବେ। ‘ଆମେରିକାର ଲୋକଙ୍କୁ ଧମକ ଦେଉଥିବା ସବୁଠାରୁ ଖରାପ ବିଦେଶୀ ଅପରାଧୀଙ୍କୁ ରଖିବା ପାଇଁ ଗୁଆଣ୍ଟାନାମୋରେ ୩୦,୦୦୦ ଶଯ୍ୟା ଅଛି।

ସେ ଆହୁରି କହିଛନ୍ତି, ‘ସେମାନଙ୍କ ମଧ୍ୟରୁ କେତେକ ଏତେ ଖରାପ ଯେ ଆମେ ସେହି ଦେଶଗୁଡ଼ିକ ଉପରେ ବିଶ୍ୱାସ କରୁନାହୁଁ ଯେ ସେମାନେ ନିଜେ ଏମାନଙ୍କୁ ଧରିବେ ଏବଂ ଆମେ ଚାହୁଁନାହୁଁ ଯେ ସେମାନେ ଫେରି ଆସନ୍ତୁ।’

The post ଟ୍ରମ୍ପଙ୍କ ଭୟଙ୍କର ଯୋଜନା, ମିଳିବ ଆତଙ୍କବାଦୀଙ୍କ ଭଳି ଦଣ୍ଡ! appeared first on Dharitri Odia News.