Pregnant Woman: ଗର୍ଭବତୀ ମହିଳାଙ୍କୁ ବାଂଲାଦେଶ ପଠାଗଲା, ପରିବାର କହିଲେ- ଯଦି ଶିଶୁ ଜନ୍ମ ହୁଏ କାହାର ନାଗରିକତା ମିଳିବ?

ଏହି ମାସର ଶେଷ ସୁଦ୍ଧା କିମ୍ବା ଆଗାମୀ ମାସରେ ତାଙ୍କର ପ୍ରସବ ହେବ। ଆମେ ଜାଣି ନାହୁଁ ସେମାନେ ବାଂଲାଦେଶରେ କିପରି ରହୁଛନ୍ତି। ସେ ସେଠାରେ ଶିଶୁକୁ କିପରି ଜନ୍ମ ଦେବେ, ଆମେ ଜାଣି ନାହୁଁ। ଏବଂ ଶିଶୁଟି କ’ଣ ବାଂଲାଦେଶୀ ନାଗରିକ ହେବ?

ସୁନାଲୀ ବିବିଙ୍କ ମାମଲାର ଶୁଣାଣି କଲିକତା ହାଇକୋର୍ଟରେ ଚାଲିଛି। କୋର୍ଟ ଦିଲ୍ଲୀ ପୋଲିସକୁ ମାମଲାର ସମସ୍ତ ବିବରଣୀ ଉପସ୍ଥାପନ କରିବାକୁ ନିର୍ଦ୍ଦେଶ ଦିଆଯାଇଛି । ପଶ୍ଚିମ ବଙ୍ଗର ମୁଖ୍ୟ ସଚିବଙ୍କୁ ଦିଲ୍ଲୀର ମୁଖ୍ୟ ସଚିବଙ୍କ ସହ ସମନ୍ୱୟ କରିବାକୁ କହିଛନ୍ତି। ଅବୈଧ ପ୍ରବାସୀ ଅଭିଯୋଗରେ ସୁନାଲୀ ବିବିଙ୍କୁ ଦିଲ୍ଲୀ ପୋଲିସ ବାଂଲାଦେଶକୁ ପଠାଇଥିଲା। ସେତେବେଳେ ସୁନାଲୀ ଗର୍ଭବତୀ ଥିଲେ। ଏବେ ଏହି ମାମଲାରେ ସୁନାଲୀଙ୍କ ପରିବାର କଲିକତା ହାଇକୋର୍ଟର ଦ୍ୱାରସ୍ଥ ହୋଇଛନ୍ତି ଏବଂ ପ୍ରଶ୍ନ ଉଠାଇଛନ୍ତି ଯେ ଯଦି ସେ ପଡ଼ୋଶୀ ଦେଶରେ ଶିଶୁକୁ ଜନ୍ମ ଦିଅନ୍ତି, ତେବେ ତାହାର କ’ଣ ହେବ?

ସୁନାଲୀ ବିବି, ତାଙ୍କ ସ୍ୱାମୀ ଦାନିଶ ଏବଂ ଆଠ ବର୍ଷର ପୁତ୍ରଙ୍କୁ ଦିଲ୍ଲୀ ପୋଲିସ ହେପାଜତରେ ନେଇଥିଲା ଏବଂ ୨୬ ଜୁନରେ ସେମାନଙ୍କୁ ବାଂଲାଦେଶ ପଠାଇ ଦିଆଯାଇଥିଲା।ସୁନାଲୀ ଏବଂ ତାଙ୍କ ପରିବାର ଗତ ଦୁଇ ଦଶନ୍ଧି ଧରି ଦିଲ୍ଲୀରେ ମଇଳା ସଂଗ୍ରହ ଏବଂ ଘରୋଇ ସହାୟିକା ଭାବେ କାମ କରୁଥିଲେ। ହେପାଜତରେ ନିଆଯିବା ପରେ ପରିବାର ପ୍ରଥମେ ଦିଲ୍ଲୀର ଏକ କୋର୍ଟରେ ଆବେଦନ କରିଥିଲେ, କିନ୍ତୁ ପରେ ସେମାନେ ନିଜ ଆବେଦନ ପ୍ରତ୍ୟାହାର କରି ନେଇଥିଲେ। ତା’ପରେ ପଶ୍ଚିମବଙ୍ଗ ପ୍ରବାସୀ ଶ୍ରମିକ କଲ୍ୟାଣ ବୋର୍ଡର ସହାୟତାରେ ସେମାନେ କଲିକତା ହାଇକୋର୍ଟରେ ଆବେଦନ କରିଥିଲେ।

ସୁନାଲୀ ବିବିଙ୍କ ମା’ ଜ୍ୟୋତ୍ସନାରା ବିବି କହିଛନ୍ତି, “ମୋ ଝିଅ ଆଠ ମାସର ଗର୍ଭବତୀ। ଏହି ମାସର ଶେଷ ସୁଦ୍ଧା କିମ୍ବା ଆଗାମୀ ମାସରେ ତାଙ୍କର ପ୍ରସବ ହେବ। ଆମେ ଜାଣି ନାହୁଁ ସେମାନେ ବାଂଲାଦେଶରେ କିପରି ରହୁଛନ୍ତି। ସେ ସେଠାରେ ଶିଶୁକୁ କିପରି ଜନ୍ମ ଦେବେ, ଆମେ ଜାଣି ନାହୁଁ। ଏବଂ ଶିଶୁଟି କ’ଣ ବାଂଲାଦେଶୀ ନାଗରିକ ହେବ? ଆମର ଶେଷ ଆଶା କୋର୍ଟ ଉପରେ ରହିଛି।”

ଜ୍ୟୋତ୍ସନାରା ବିବି ପଶ୍ଚିମବଙ୍ଗର ବୀରଭୂମ ଜିଲ୍ଲାରେ ରହୁଛନ୍ତି। ସୁନାଲୀଙ୍କ ପରି ବୀରଭୂମର ଧିତୋରା ଗାଁର ସ୍ୱୀଟି ବିବିଙ୍କୁ ତାଙ୍କ ୬ ଓ ୧୬ ବର୍ଷର ଦୁଇ ପିଲାଙ୍କ ସହ ବାଂଲାଦେଶ ପଠାଇ ଦିଆଯାଇଥିଲା। ଉଭୟ ପରିବାରଙ୍କୁ ଦିଲ୍ଲୀର କେଏନ କାଟଜୁ ମାର୍ଗ ଥାନାରେ ହେପାଜତରେ ରଖାଯାଇଥିଲା ଏବଂ ତା’ପରେ ସେମାନଙ୍କୁ ବାଂଲାଦେଶ ପଠାଇ ଦିଆଯାଇଥିଲା। ଦିଲ୍ଲୀ ପୋଲିସର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ଏହି ମାମଲାରେ ଉଚିତ ପ୍ରକ୍ରିୟା ଅନୁସରଣ କରାଯାଇଛି। ଫରେନର୍ସ ରେଜିଷ୍ଟ୍ରେସନ ଅଫିସର (FRRO) ଉଭୟ ପରିବାରର ଦଲିଲ ସମୀକ୍ଷା କରିଥିଲେ ଏବଂ ତା’ପରେ ସେମାନଙ୍କୁ ପଠା ଯାଇଥିଲା। ମାମଲା ଏବେ କୋର୍ଟରେ ବିଚାରାଧୀନ ଅଛି।

ସୁନାଲୀ ବିବିଙ୍କ ମାମଲାର ଶୁଣାଣି କଲିକତା ହାଇକୋର୍ଟରେ ଚାଲିଛି। କୋର୍ଟ ଦିଲ୍ଲୀ ପୋଲିସକୁ ମାମଲାର ସମସ୍ତ ବିବରଣୀ ଉପସ୍ଥାପନ କରିବାକୁ ନିର୍ଦ୍ଦେଶ ଦେଇଛନ୍ତି ଏବଂ ପଶ୍ଚିମ ବଙ୍ଗର ମୁଖ୍ୟ ସଚିବଙ୍କୁ ଦିଲ୍ଲୀର ମୁଖ୍ୟ ସଚିବଙ୍କ ସହ ସମନ୍ୱୟ କରିବାକୁ କହିଛନ୍ତି।

ଦେଶବ୍ୟାପୀ ଅବୈଧ ବାଂଲାଦେଶୀ ଅନୁପ୍ରବେଶକାରୀଙ୍କୁ ବାହାର କରିବା ପାଇଁ ଏକ ଅଭିଯାନ ଚାଲିଛି। ଏହି ଅଭିଯାନ ଅଧୀନରେ ଗୁଜରାଟ, ମହାରାଷ୍ଟ୍ର, ଦିଲ୍ଲୀ ଏବଂ ମଧ୍ୟପ୍ରଦେଶରେ ଅନେକ ଲୋକଙ୍କୁ ହେପାଜତରେ ନିଆଯାଇ ବାଂଲାଦେଶ ପଠାଇ ଦିଆଯାଇଛି। ମୁମ୍ବାଇ ଏବଂ ରାଜସ୍ଥାନରେ ମଧ୍ୟ ନଅ ଜଣଙ୍କୁ ହେପାଜତରେ ନେଇ ବାଂଲାଦେଶ ପଠାଯାଇଥିଲା, କିନ୍ତୁ ପଶ୍ଚିମବଙ୍ଗ ସରକାରଙ୍କ ହସ୍ତକ୍ଷେପ ପରେ ସେମାନଙ୍କୁ ଫେରାଇ ଆଣାଯାଇଥିଲା।