Nitin Gadkari: ଇ-୨୦ ପେଟ୍ରୋଲ ନୀତି ବିରୋଧରେ ପ୍ରତିବାଦ ପୂର୍ବରୁ ନଜରବନ୍ଦୀ ହେଲେ ତେହସିନ୍ ପୁନାୱାଲା

"ନୂଆଦିଲ୍ଲୀ: ସରକାରଙ୍କ ଇ-୨୦ ପେଟ୍ରୋଲ ନୀତି ବିରୋଧରେ ପ୍ରତିବାଦ ପଦଯାତ୍ରା ଓ ଆମରଣ ଅନଶନ କରିବା ପୂର୍ବରୁ ଆକ୍ଟିଭିଷ୍ଟ ତେହସିନ୍ ପୁନାୱାଲାଙ୍କୁ ଦିଲ୍ଲୀ ପୁଲିସ ନଜରବନ୍ଦୀ (ହାଉସ୍ ଆରେଷ୍ଟ) କରିଛି।

କେନ୍ଦ୍ର ପରିବହନ ମନ୍ତ୍ରୀ ନିତିନ୍ ଗଡ଼କରୀ ଏବଂ ଇଥାନଲ୍ ମିଶ୍ରିତ ଇନ୍ଧନ ନୀତି ବିରୋଧରେ ସ୍ୱର ଉଠାଇ ଆସୁଥିବା ପୁନାୱାଲା ଶନିବାର ନିଜ ଘର ଆଗରେ ପୁଲିସ ବାହିନୀ ଠିଆ ହୋଇଥିବାର ଏକାଧିକ ଭିଡିଓ ସୋସିଆଲ୍ ମିଡିଆରେ ପୋଷ୍ଟ କରିଛନ୍ତି।

କୌଣସି ଆନୁଷ୍ଠାନିକ କାଗଜପତ୍ର କିମ୍ବା ନୋଟିସ୍ ବିନା ତାଙ୍କୁ ନଜରବନ୍ଦୀ କରାଯାଇଥିବା ସେ ଅଭିଯୋଗ କରିଥିବା ବେଳେ, ସ୍ୱାଧୀନତା ଦିବସର ୧୫ ଦିନ ପୂର୍ବରୁ ପ୍ରତିବାଦ କଲେ ଆଇନଶୃଙ୍ଖଳା ପରିସ୍ଥିତି ସୃଷ୍ଟି ହେବାର ଆଶଙ୍କା ଥିବାରୁ ଏପରି କରାଯାଇଥିବା ପୁଲିସ ଅଧିକାରୀ କହିଛନ୍ତି।Advertisment ରୁଷ ସେନାରେ ଆଜି ବି ଫସିଛନ୍ତି ପ୍ରାୟ ଦୁଇ ଡଜନ୍ ଭାରତୀୟ ସୂଚନାଯୋଗ୍ୟ, ଜୁଲାଇ ୩୧ ତାରିଖରେ ସଂସଦ ଅଭିମୁଖେ ''ଗାଡ଼ି ମାର୍ଚ୍ଚ'' କରିବା ପାଇଁ ଅନୁମତି ନମିଳିବା ପରେ ପୁନାୱାଲା ଏକାକୀ ''ଗାନ୍ଧୀ ସ୍ମୃତି'' ପର୍ଯ୍ୟନ୍ତ ପଦଯାତ୍ରା କରି ନୀରବ ପ୍ରତିବାଦ ଓ ଆମରଣ ଅନଶନ କରିବେ ବୋଲି ଘୋଷଣା କରିଥିଲେ।

ସରକାରଙ୍କ ୮୦ ପ୍ରତିଶତ ପେଟ୍ରୋଲ ଓ ୨୦ ପ୍ରତିଶତ ଇଥାନଲ୍ ମିଶ୍ରିତ ଇ-୨୦ ନୀତି ଯୋଗୁଁ ବିଶେଷ କରି ୨୦୨୩ ପୂର୍ବର ଗାଡ଼ିଗୁଡ଼ିକର ମାଇଲେଜ୍ କମୁଥିବା ଏବଂ ରକ୍ଷଣାବେକ୍ଷଣ ଖର୍ଚ୍ଚ ବୃଦ୍ଧି ପାଉଥିବା ଅଭିଯୋଗ ହୋଇଛି।

ଇ-୫ କିମ୍ବା ଇ-୧୦ ଇନ୍ଧନ ବାଛିବାର ବିକଳ୍ପ ଦେବାକୁ ଦାବି ଯଦିଓ ମନ୍ତ୍ରୀ ଗଡ଼କରୀ ଇ-୨୦ ଯୋଗୁଁ ୨ରୁ ୬ ପ୍ରତିଶତ ମାଇଲେଜ୍ କମିବା ସ୍ୱୀକାର କରିଛନ୍ତି, ତଥାପି ଏହାଦ୍ୱାରା ଇଞ୍ଜିନ୍ ଖରାପ ହେଉନଥିବା ଏବଂ ୩୦ ପ୍ରତିଶତ କମ୍ ଅଙ୍ଗାରକାମ୍ଳ ନିର୍ଗତ ହେଉଥିବା ଦାବି କରିଛନ୍ତି।

ପୁନାୱାଲା ଓ ତାଙ୍କ ଟିମ୍ ଗ୍ରାହକଙ୍କୁ ୧୦୦ ପ୍ରତିଶତ ଶୁଦ୍ଧ ପେଟ୍ରୋଲ୍, ଇ-୫ କିମ୍ବା ଇ-୧୦ ଇନ୍ଧନ ବାଛିବାର ବିକଳ୍ପ ଦେବାକୁ ଦାବି କରିଆସୁଛନ୍ତି।

"