Nirav Modi: ନୀରବ ମୋଦୀ ଏବେ ଭାରତୀୟ ଜେଲ୍‌ରେ ରହିବାର ଥିଲା: ବ୍ରିଟେନର ପୂର୍ବତନ ଗୃହମନ୍ତ୍ରୀ

"ଲଣ୍ଡନ: ପଳାତକ ଭାରତୀୟ ହୀରା ବ୍ୟବସାୟୀ ନୀରବ ମୋଦୀଙ୍କ ପ୍ରତ୍ୟର୍ପଣରେ ବିଳମ୍ବକୁ ନେଇ ପୂର୍ବତନ ବ୍ରିଟିଶ ଗୃହ ସଚିବ ପ୍ରିତି ପଟେଲ ନିଜର ଅସନ୍ତୋଷ ପ୍ରକାଶ କରିଛନ୍ତି।

ସେ ନିଜ ସରକାର ଏବଂ ଆଇନଗତ ପ୍ରକ୍ରିୟାକୁ କଡ଼ା ସମାଲୋଚନା କରିଛନ୍ତି।

ଏହି ମାମଲାରେ ବିଳମ୍ବ ଭାରତ ଏବଂ ବ୍ରିଟେନ ମଧ୍ୟରେ ସମ୍ପର୍କକୁ ନକାରାତ୍ମକ ଭାବରେ ପ୍ରଭାବିତ କରିଛି।

ସେ କହିଛନ୍ତି ଯେ ଏତେ ଦୀର୍ଘ ବିଳମ୍ବ ଯୋଗୁଁ ଭାରତର ଭରସା କମିଛି।

ଡେଲି ଟେଲିଗ୍ରାଫର ପୋଡକାଷ୍ଟ,"ଦି ଡାଇମଣ୍ଡ କିଙ୍ଗ୍‌"ରେ କଥାବାର୍ତ୍ତା କରି ପ୍ରିତି ପଟେଲ କହିଛନ୍ତି ଯେ, ପ୍ରତ୍ୟର୍ପଣ ନିର୍ଦ୍ଦେଶ ସ୍ୱାକ୍ଷରିତ ହେବାର ବର୍ଷ ବର୍ଷ ପରେ ମଧ୍ୟ ନୀରବ ମୋଦୀ ୟୁକେରେ ଥିବା ଦେଖି ସେ ଆଶ୍ଚର୍ଯ୍ୟ ଏବଂ ନିରାଶ ହୋଇଛନ୍ତି।

ପ୍ରିତି ପଟେଲ ପାଞ୍ଚବର୍ଷ ତଳେ ଏପ୍ରିଲ ୨୦୨୧ ରେ ପଳାତକ ହୀରା ବ୍ୟବସାୟୀ ନୀରବ ମୋଦୀଙ୍କ ପ୍ରତ୍ୟର୍ପଣ ଆଦେଶରେ ସ୍ୱାକ୍ଷର କରିଥିଲେ।

Advertisment ମାମଲା ରୁଜୁ ପାଇଁ କାରଣ ପର୍ଯ୍ୟାପ୍ତ  ପୂର୍ବରୁ, ବ୍ରିଟିଶ କୋର୍ଟ କହିଥିଲେ ଯେ, ଭାରତରେ ତାଙ୍କ ବିରୋଧରେ ମାମଲା ରୁଜୁ କରିବା ପାଇଁ ପର୍ଯ୍ୟାପ୍ତ କାରଣ ଅଛି।

ସେ କହିଛନ୍ତି ଯେ, ପଞ୍ଜାବ ନ୍ୟାସନାଲ ବ୍ୟାଙ୍କ (ପିଏନବି)ରେ ୨ ବିଲିୟନ ଡଲାରର ଠକେଇ ଏବଂ ମନି ଲଣ୍ଡରିଂ ମାମଲାରେ ସମ୍ପୃକ୍ତ ବ୍ୟବସାୟୀଙ୍କୁ ପ୍ରତ୍ୟର୍ପଣ କରିବାରେ ବ୍ରିଟେନ ବିଫଳ ହେବା ଯୋଗୁଁ ଭାରତ ସରକାର ଅସନ୍ତୁଷ୍ଟ ହୋଇଛନ୍ତି।

ଯଦି ଆମର ଆଇନଗତ ବ୍ୟବସ୍ଥା ପ୍ରକ୍ରିୟା କୌଣସି ବାହାନା ନକରି ବୁଝିବିଚାରି କାର୍ଯ୍ୟ କରି ଠିକ୍ ପଦକ୍ଷେପ ନେଇଥାନ୍ତା, ତେବେ ନୀରବ ଆମ ଦେଶରେ ନଥାନ୍ତେ।

ବର୍ତ୍ତମାନ ସୁଦ୍ଧା ତାଙ୍କୁ ଭାରତ ପଠାଇ ଦିଆଯାଇଥାନ୍ତା।

ସେ ଆହୁରି କହିଛନ୍ତି ଯେ, ଏହି ବିଳମ୍ବ ଯୋଗୁଁ ଭାରତ ଆମ ସହିତ କାମ କରିବା ନେଇ ହତାଶ ହୋଇଛି।

ଆଇନଗତ ପ୍ରକ୍ରିୟା ସମାପ୍ତ ହେବା ପରେ ନୀରବ ଭାରତରେ ତାଙ୍କ ସଜା କାଟିବା ଆରମ୍ଭ କରିଦେବା ଉଚିତ୍ ଥିଲା।

୨୦୧୯ ରୁ ୨୦୨୨ ମଧ୍ୟରେ ଗୃହ ସଚିବ ଥିବା ସମୟରେ ଏହି ମାମଲା କୂଟନୈତିକ ଚ୍ୟାଲେଞ୍ଜ୍ ମଧ୍ୟ ସୃଷ୍ଟି କରିଥିଲା।

ପ୍ରତ୍ୟର୍ପଣ ସମସ୍ୟାର ସମାଧାନ ନହେବା ପର୍ଯ୍ୟନ୍ତ ଭାରତ ଯେଉଁମାନଙ୍କର ଶରଣ ଆବେଦନ ପ୍ରତ୍ୟାଖ୍ୟାନ କରାଯାଇଥିଲା ସେମାନଙ୍କୁ ଫେରାଇ ନେବାରେ ସହଯୋଗ କରିବାକୁ ଇଚ୍ଛୁକ ନଥିଲା।

ସେମାନଙ୍କୁ ଫେରାଇ ନେବା ପାଇଁ ଭାରତକୁ ରାଜି କରାଇବା ମୋ ପାଇଁ ଏକ ବଡ଼ ଚ୍ୟାଲେଞ୍ଜ୍ ଥିଲା।

ନୀରବ ମୋଦୀ ୟୁକେରେ ତାଙ୍କର ସମସ୍ତ ଆଇନଗତ ବିକଳ୍ପ ଶେଷ କରିସାରିଛନ୍ତି, ଏବଂ ୟୁରୋପୀୟ ମାନବାଧିକାର ଅଦାଲତରେ ତାଙ୍କର ଶେଷ ଆବେଦନ ଖାରଜ ହୋଇଛି।

ମାନବାଧିକାର ଆଧାରରେ ଆବେଦନ ଏବଂ ଗୋପନୀୟ ଶରଣ ଦାବି ସମେତ ବର୍ଷ ବର୍ଷ ଧରି ଆଇନଗତ ଚ୍ୟାଲେଞ୍ଜ୍ ପରେ, ତାଙ୍କୁ ଭାରତକୁ ପ୍ରତ୍ୟର୍ପଣ କରାଯିବା ଏବେ ପ୍ରାୟ ନିଶ୍ଚିତ ବୋଲି ବିବେଚନା କରାଯାଉଛି।

Threat Video: "ହାଉ ଟୁ କିଲ୍ ମେଲାନିଆ ଟ୍ରମ୍ପ": ଟ୍ରମ୍ପଙ୍କ ପରିବାର ଉପରେ ଇରାନର ନଜର ୫୫ ବର୍ଷୀୟ ନୀରବ ମୋଦୀ ବର୍ତ୍ତମାନ ଲଣ୍ଡନର ପେଣ୍ଟନଭିଲ୍ ଜେଲ୍‌ରେ ବନ୍ଦୀ ଅଛନ୍ତି।

ତାଙ୍କ ବିରୋଧରେ ଭାରତରେ ତିନୋଟି ଅପରାଧିକ ଅଭିଯୋଗ ରହିଛି।

ସେଥିମଧ୍ୟରେ ଯେଉଁଥିରେ ପଞ୍ଜାବ ନ୍ୟାସନାଲ ବ୍ୟାଙ୍କରେ ପ୍ରାୟ ୨ ବିଲିୟନ ଡଲାରର ଠକେଇ ସହିତ ଜଡିତ ସିବିଆଇ ମାମଲା, ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଦ୍ୱାରା ମନି ଲଣ୍ଡରିଂ ମାମଲା ଏବଂ ପ୍ରମାଣ ତଥା ସାକ୍ଷୀମାନଙ୍କ ହେରଫେର ସହିତ ଜଡିତ ମାମଲା ଅନ୍ତର୍ଭୁକ୍ତ ରହିଛି।

"