ସରକାରଙ୍କ ଉପରେ ବଢ଼ିଲା ଚାପ, ଶେଷରେ ନେଲେ ଏହି ନିଷ୍ପତ୍ତି
ନୂଆଦିଲ୍ଲୀ,୨୧।୭: କୋକ୍ରୋଚ୍ ଜନତା ପାର୍ଟିର ପ୍ରତିବାଦ ସମୟରେ ଅନେକ ପୋଲିସ କର୍ମଚାରୀ ଆହତ ହୋଇଛନ୍ତି । ଏହି ଘଟଣାରେ ଅନେକ ଯୁବକ ମଧ୍ୟ ଆହତ ହୋଇଥିଲେ। କେନ୍ଦ୍ରୀୟ ମନ୍ତ୍ରୀ ଜେପି ନଡ୍ଡା ଆହତମାନଙ୍କୁ ଭେଟିବାକୁ ମଙ୍ଗଳବାର ଦିଲ୍ଲୀର ଆରଏମଏଲ ହସ୍ପିଟାଲକୁ ଯାଇଥିଲେ। ସେ ସେମାନଙ୍କ ଚିକିତ୍ସା କରୁଥିବା ଡାକ୍ତରଙ୍କ ଦଳ ସହିତ ମଧ୍ୟ କଥାବାର୍ତ୍ତା କରିଥିଲେ। ଏହା ପୂର୍ବରୁ ସୋମବାର, ନଡ୍ଡା ସିଜେପି ମୁଖପାତ୍ର ସୌରଭ ଦାସ ଏବଂ ଆଶୁତୋଷ ରାଙ୍କାକୁ ଭେଟି ସେମାନଙ୍କ ଦାବି ଶୁଣିଥିଲେ।
ସୋମବାର ଦିନ ଦିଲ୍ଲୀର ଜନ୍ତର ମନ୍ତରରୁ ଯୁବପିଢ଼ି ସଂସଦ ଅଭିମୁଖେ ଶୋଭାଯାତ୍ରା କରିଥିଲେ । ଏହି ଶୋଭାଯାତ୍ରା ସମୟରେ, ପୋଲିସ ଭିଡ଼କୁ ନିୟନ୍ତ୍ରଣ କରିବା ପାଇଁ ଲାଠିଚାର୍ଜ ଏବଂ ଲୁହ ବୁହା ଗ୍ୟାସ୍ ମାଡ଼ କରିଥିଲା । ଯାହା ଫଳରେ ଅନେକ ପ୍ରଦର୍ଶନକାରୀ ଆହତ ହୋଇଥିଲେ । ଅନେକ ପୋଲିସ କର୍ମଚାରୀ ମଧ୍ୟ ଆହତ ହୋଇଥିଲେ। ଅନେକ ପୋଲିସ କର୍ମଚାରୀ ମଧ୍ୟ ଆହତ ହୋଇଛନ୍ତି। ବିକ୍ଷୋଭକାରୀମାନେ ବିଭିନ୍ନ ସ୍ଥାନରେ ଭଙ୍ଗାରୁଜା କରିଛନ୍ତି। ଦିଲ୍ଲୀର କନଟ୍ ପ୍ଲେସ୍ ରୁ ଜନପଥ ପର୍ଯ୍ୟନ୍ତ ରାସ୍ତା ଉପରେ ପଥର ବିଛାଡ଼ି ହୋଇଥିବା ଦେଖିବାକୁ ମିଳିଛି।
କଂଗ୍ରେସ କେନ୍ଦ୍ର ସରକାରଙ୍କୁ କଟାକ୍ଷ କରିଛି। ମଲ୍ଲିକାର୍ଜୁନ ଖାର୍ଗେ X ରେ ଏକ ପୋଷ୍ଟ ସେୟାର କରି କହିଛନ୍ତି, “ଆମେ ଏହି ପ୍ରସଙ୍ଗରେ ଆଲୋଚନା ଚାହୁଁଥିଲୁ ଏବଂ ତା’ପରେ ସ୍ବରାଷ୍ଟ୍ର ମନ୍ତ୍ରୀଙ୍କ ବିବୃତ୍ତି, କିନ୍ତୁ ସରକାର ଆମକୁ ଚୁପ୍ କରିଦେଲେ। ପ୍ରତିବାଦ କରୁଥିବା ଯୁବକମାନଙ୍କୁ କାହିଁକି ଲାଠିଚାର୍ଜ କରାଗଲା ଏବଂ ମାଡ଼ ଦିଆଗଲା? ଯଦି ଏହି ପ୍ରସଙ୍ଗଗୁଡ଼ିକୁ ସଂସଦରେ ଆଲୋଚନା କରାଯାଇପାରିବ ନାହିଁ, ତେବେ ସେଗୁଡ଼ିକୁ କେଉଁଠାରେ ଉଠାଇବା ଉଚିତ? ଏହି ସରକାର ନିଜେ ବିଶୃଙ୍ଖଳା ସୃଷ୍ଟି କରୁଛି ଏବଂ ଲୋକଙ୍କୁ ଉସୁକାଉଛନ୍ତି । କେବଳ ସେମାନଙ୍କୁ ଲାଠିଚାର୍ଜ, ମାଡ଼, ଭୟଭୀତ ଏବଂ ଜେଲରେ ପକାଇବା ପାଇଁ।”
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
