ଫିଫା ବିଶ୍ୱକପ୍ ଫାଇନାଲରେ ରଙ୍ଗାରଙ୍ଗ କାର୍ଯ୍ୟକ୍ରମ ହେବ ଅବିସ୍ମରଣୀୟ, ଯୋଗଦେବେ ନାମିଦାମି
ନ୍ୟୁୟର୍କ,୧୮।୭: ଫିଫା ବିଶ୍ୱକପ୍ ୨୦୨୬ର ଉଦ୍ଯାପନୀ ଉତ୍ସବକୁ ଯେପରି ଅବିସ୍ମରଣୀୟ କରାଯାଇପାରିବ ସେଥିପାଇଁ ଆୟୋଜକଙ୍କ ପକ୍ଷରୁ ସବୁମତେ ଉଦ୍ୟମ କରାଯାଇଛି। ରବିବାର ଆର୍ଜେଣ୍ଟିନା ବନାମ ସ୍ପେନ୍ ଫାଇନାଲ ମ୍ୟାଚ୍ ପୂର୍ବରୁ ଏହି କାର୍ଯ୍ୟକ୍ରମ ଅନୁଷ୍ଠିତ ହେବ। ବିଶ୍ୱର ନାମିଦାମି ମନୋରଞ୍ଜନକାରୀ ଓ ମ୍ୟୁଜିକ୍ ଆଇକନ୍ଙ୍କର ସମାଗମ ଦେଖିବାକୁ ମିଳିବ। ସେମାନଙ୍କ ମଧ୍ୟରେ ଲୌରା ପାଉସିନି ନିକୋଲ୍ ଶେରଜିଙ୍ଗର, ରୋବି ଓ୍ବିଲିୟମ୍ସ ଓ ଆଇଶୋସ୍ପିଡ୍ ରହିଛନ୍ତି।
କାର୍ଯ୍ୟକ୍ରମରେ ଆମେରିକୀୟ ଅଭିନେତା ତଥା ଫିଲ୍ମ ନିର୍ମାତା ଟମ୍ କ୍ରୁଇଜ୍ଙ୍କୁ ମଧ୍ୟ ଦେଖିବାକୁ ମିଳିବ। ଏମି, ଗ୍ରାମି, ଓସ୍କାର ଓ ଟୋନି (ଇଗଟ୍)ପୁରସ୍କାର ବିଜେତା ଜେନିଫର ହଡସନଙ୍କ ସ୍ବତନ୍ତ୍ର ଭାବେ ଯୁକ୍ତରାଷ୍ଟ୍ର ଆମେରିକାର ଜାତୀୟ ସଙ୍ଗୀତ ଗାନ କରିବେ।
‘କାନାଡା, ମେକ୍ସିକୋ ଓ ଆମେରିକାରେ ଯେଉଁଭଳି ଉଦ୍ଘାଟନୀ ଉତ୍ସବ ସହ ବିଶ୍ବକପ୍କୁ ସ୍ବାଗତ କରାଯାଇଥିଲା, ସେହିଭଳି ସଂଗୀତ, ପରମ୍ପରା ଓ ଫୁଟ୍ବଲ ସହିତ ଟୁର୍ନାମେଣ୍ଟକୁ ବିଦାୟ ଦିଆଯିବ ବୋଲି ଫିଫା ବିଶ୍ୱକପ୍ର ମୁଖ୍ୟ ଅପରେଟିଂ ଅଧିକାରୀ ହେଇମୋ ସ୍କିର୍ଗ କହିଛନ୍ତି। ମ୍ୟାଚ୍ ଆରମ୍ଭର ୯୦ ମିନିଟ୍ ପୂର୍ବରୁ କାର୍ଯ୍ୟକ୍ରମ ଅନୁଷ୍ଠିତ ହେବ। ଏଥିଲାଗି ଷ୍ଟାଡିୟମର ଗେଟ୍ ମ୍ୟାଚ୍ର ୪ ଘଣ୍ଟା ପୂର୍ବରୁ ଖୋଲାଯିବ।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
