ପାଗଳ ବିଲୁଆ ଆତଙ୍କ: ଶିକ୍ଷୟିତ୍ରୀଙ୍କ ସହ ଏକାଧିକ ଲୋକ ଓ ପ୍ରାଣୀସମ୍ପଦ ଗୁରୁତର,ବନ ବିଭାଗ ଚୁପ

ଦାରିଙ୍ଗବାଡି, ୧୭।୭ (ଅରୁଣ ସାହୁ):କନ୍ଧମାଳ ଜିଲା ଦାରିଙ୍ଗବାଡି ବନାଞ୍ଚଳର ଗ୍ରୀନବାଡି ସମେତ ତାର ଆଖପାଖ ଅଞ୍ଚଳରେ ଗତ ୨ ଦିନ ହେଲା ପାଗଳ ବିଲୁଆ କାମୁଡ଼ାରେ ଏକାଧିକ  ଲୋକ ଆହତ ହୋଇଥିବା ବେଳେ ଅଞ୍ଚଳରେ ଗୃହପାଳିତ ପ୍ରାଣୀ ସମ୍ପଦ ମଧ୍ୟ ଏହାର ଶିକାର ହୋଇଥିବା ଅଭିଯୋଗ ହୋଉଛି | ଘଟଣାକୁ ନେଇ ଅଞ୍ଚଳରେ କୋକୁଆ ଭୟ ସୃଷ୍ଟି ହୋଇଥିବା ବେଳେ ଏବେ ଘରୁ ପଦାକୁ ବାହାରିବାକୁ ଅଞ୍ଚଳବାସୀ ଭୟଭୀତ ହେଉଛନ୍ତି | ବିଶେଷ କରି ବିଦ୍ୟାଳୟ ଏବଂ ଅଙ୍ଗନାୱାଡି କେନ୍ଦ୍ରକୁ ଯାତାୟାତ କରୁଥିବା ଶିଶୁଙ୍କ ପାଇଁ ଅଭିଭାବକ ଚିନ୍ତାରେ ରହିଛନ୍ତି। ଗ୍ରୀନବାଡି ପଞ୍ଚାୟତର ସରକାରୀ ଶିକ୍ଷୟିତ୍ରୀ ଚିରଶ୍ମିତା ମଲିକଙ୍କ ସମେତ ସୂର୍ଯ୍ୟ ପ୍ରଧାନ,ଆରତୀ ପ୍ରଧାନ, ନିଲାଜିନି ପ୍ରଧାନ,ତନ୍ମୟ ନାୟକଙ୍କ ସମେତ ୧୯ରୁ  ଊର୍ଦ୍ଧ୍ବ ଏଥିରେ ଆହତ ହୋଇ ଥିବା ଅଞ୍ଚଳବାସୀ ଅଭିଯୋଗ କରୁଥିବା ବେଳେ  କେଵଳ ୭ ଜଣ ଏଥିରେ ଆହତ ହୋଇ  ଦାରିଙ୍ଗବାଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଛନ୍ତି ବୋଲି ସ୍ୱାସ୍ଥ୍ୟକେନ୍ଦ୍ର ପକ୍ଷରୁ କୁହାଯାଉଛି |

ଏନେଇ ସ୍ୱାସ୍ଥ୍ୟକେନ୍ଦ୍ରର ଇନଚାର୍ଜ ଡାକ୍ତର ଜାକେଶ ସାମନ୍ତରାୟଙ୍କୁ ପଚାରିବାରୁ ସେ କହିଛନ୍ତି ଯେ, ଗୁରୁବାର ସ୍ୱାସ୍ଥ୍ୟକେନ୍ଦ୍ରକୁ ୪ ଜଣ ବିଲୁଆ କାମୁଡା ରୋଗୀ ଆସିଥିଲେ ଏବଂ ଶୁକ୍ରବାର ୩ ଜଣ ମିଶି ମୋଟ ୭ ଜଣଙ୍କୁ ବିଲୁଆ କାମୁଡା ପାଇଁ ଭ୍ୟାକଶିନ ପ୍ରଦାନ କରାଯାଇଛି ଯଦି ଲୋକଙ୍କ କହିବା ପ୍ରକାରେ ଆହୁରି କିଏ ଏଥିରେ ଆହତ ହୋଇଛନ୍ତି ସେମାନେ ସ୍ୱାସ୍ଥ୍ୟକେନ୍ଦ୍ରରେ ପହଞ୍ଚି ଭ୍ୟାକଶିନ ନେଇପାରିବେ ବୋଲି କହିଛନ୍ତି ଏନେଇ ବନ ବିଭାଗ ନିରବ ରହିଥିବା ଅଞ୍ଚକବାସୀ ଅଭିଯୋଗ କରିଥିବା ବେଳେ ଦାରିଙ୍ଗବାଡି ବନାଞ୍ଚକ ଅଧିକାରୀ ଲଷ୍ମୀ ନାରାୟଣ ପଣ୍ଡାଙ୍କୁ ଯୋଗାଯୋଗ କରାଯାଇଥିଲା କିନ୍ତୁ ସେ ଫୋନ ଉଠାଇ ନ ଥିଲେ |