ଟି-୨୦ର ନୂଆ ‘ରେକର୍ଡ କିଙ୍ଗ୍’ ହେବେ ବୈଭବ ସୂର୍ଯ୍ୟବଂଶୀ! ଖେଳାଳିଙ୍କ ବିସ୍ଫୋରକ ବୟାନକୁ ନେଇ ହଲଚଲ
ନୂଆଦିଲ୍ଲୀ, ୬।୮: ଜୋସ ବଟଲର ଟି-୨୦ କ୍ରିକେଟ ଇତିହାସର ସବୁଠାରୁ ବଡ଼ ରେକର୍ଡ ନିଜ ନାମରେ କରିଛନ୍ତି। ୱେଲ୍ସ ଫାୟାର ବିପକ୍ଷ ମ୍ୟାଚରେ ମାଞ୍ଚେଷ୍ଟର ସୁପର ଜାୟାଣ୍ଟସ ପକ୍ଷରୁ ଖେଳି ବଟଲର ୫୧ ରନର ବିସ୍ଫୋରକ ଇନିଂସ ଖେଳିଥିଲେ। ଏହି ପାରି ସହ ସେ କିରନ ପୋଲାର୍ଡଙ୍କ ରେକର୍ଡକୁ ପଛରେ ପକାଇ ଟି-୨୦ କ୍ରିକେଟରେ ସର୍ବାଧିକ ରନ ସଂଗ୍ରହ କରିଥିବା ବ୍ୟାଟର ହୋଇଛନ୍ତି।
ବର୍ତ୍ତମାନ ଜୋସ ବଟଲରଙ୍କ ନାମରେ ଟି-୩୦ କ୍ରିକେଟରେ ୧୪,୮୩୩ ରନ ରହିଛି। ଏହି ଐତିହାସିକ ସଫଳତା ପରେ ସେ ଏପରି ଏକ ବୟାନ ଦେଇଛନ୍ତି, ଯାହା ସୋସିଆଲ ମିଡିଆରେ ବେଶ ଚର୍ଚ୍ଚାର ବିଷୟ ପାଲଟିଛି। ବଟଲର କହିଛନ୍ତି ଯେ, ଭବିଷ୍ୟତରେ ବୈଭବ ସୂର୍ଯ୍ୟବଂଶୀ ତାଙ୍କ ଏହି ରେକର୍ଡ ଭାଙ୍ଗିପାରନ୍ତି।
ଟି-20 କ୍ରିକେଟରେ କିରନ ପୋଲାର୍ଡଙ୍କ ନାମରେ ୧୪,୮୦୩ ରନ ଥିଲା। ବଟଲର ତାଙ୍କଠାରୁ ମାତ୍ର ୨୨ ରନ ପଛରେ ଥିଲେ। ୱେଲ୍ସ ଫାୟାର ବିପକ୍ଷ ମ୍ୟାଚରେ ଅର୍ଦ୍ଧଶତକ ହାସଲ କରି ସେ ପୋଲାର୍ଡଙ୍କୁ ପଛରେ ପକାଇ ଟି-୨୦ ଇତିହାସର ସର୍ବାଧିକ ରନ ସଂଗ୍ରହକାରୀ ବ୍ୟାଟର ହୋଇଛନ୍ତି।
ଇତିହାସ ରଚିବା ପରେ ବଟଲର କହିଥିଲେ, “ଟି-୨୦ କ୍ରିକେଟରେ ସମସ୍ତଙ୍କଠାରୁ ଅଧିକ ରନ ମୋ ନାମରେ ଥିବା କଥା ଭାବିଲେ ବହୁତ ଭଲ ଲାଗେ। ଦିନେ ନା ଦିନେ କେହି ନା କେହି ଏହି ରେକର୍ଡ ଭାଙ୍ଗିବେ, ଆଉ ମୋର ମନେ ହେଉଛି ସେହି ନାମ ବୈଭବ ସୂର୍ଯ୍ୟବଂଶୀ ହୋଇପାରେ।”
Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
