କେନ୍ଦ୍ର ସରକାର ବଢାଇଲେ ମହଙ୍ଗା ଭତ୍ତା: ଏହିସବୁ କର୍ମଚାରୀଙ୍କ ବଢ଼ିବ ଦରମା
ନୂଆଦିଲ୍ଲୀ,୨୩।୭: ଦେଶର ଲକ୍ଷ ଲକ୍ଷ କେନ୍ଦ୍ରୀୟ କର୍ମଚାରୀ ଜୁଲାଇ ମାସରେ ହେବାକୁ ଥିବା ମହଙ୍ଗା ଭତ୍ତା (DA) ବୃଦ୍ଧିକୁ ଅପେକ୍ଷା କରିଛନ୍ତି। ସେମାନେ ମହଙ୍ଗା ଭତ୍ତାରେ ୨ ରୁ ୩ ପ୍ରତିଶତ ବୃଦ୍ଧି ହେବାର ଆଶା ରଖିଛନ୍ତି। ଏହି ସମୟରେ ସରକାର CPSE କର୍ମଚାରୀଙ୍କ ପାଇଁ ମହଙ୍ଗା ଭତ୍ତା ବୃଦ୍ଧି କରିବାକୁ ଘୋଷଣା କରିଛନ୍ତି। ଅର୍ଥାତ୍ ସେମାନଙ୍କ ଦରମାରେ ବୃଦ୍ଧି ଘଟିବାକୁ ଯାଉଛି। ବଢ଼ୁଥିବା ମହଙ୍ଗାକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି, ଯାହାଦ୍ୱାରା କର୍ମଚାରୀମାନଙ୍କ ମାସିକ ବଜେଟ ଉପରେ ମହଙ୍ଗାର କମ ପ୍ରଭାବ ପଡ଼ିବ।
ପ୍ରକୃତରେ, କେନ୍ଦ୍ର ସରକାରଙ୍କ ଅଧୀନରେ ଥିବା ଲୋକ ଉଦ୍ୟୋଗ ବିଭାଗ ଇଣ୍ଡଷ୍ଟ୍ରିଆଲ ଡିୟରନେସ ଆଲାଉନ୍ସ ଅର୍ଥାତ୍ ଶିଳ୍ପ ମହଙ୍ଗା ଭତ୍ତା ବୃଦ୍ଧି କରିଛି ଏବଂ IDA ର ନୂତନ ହାର ଜାରି କରିଛି। CPSE ଅର୍ଥାfD କେନ୍ଦ୍ର ସରକାରଙ୍କ ସ୍ବାମୀତ୍ୱରେ ଥିବା କମ୍ପାନୀଗୁଡ଼ିକର ଅଧିକାରୀ ଏବଂ ଅଣ-ୟୁନିୟନ ସୁପରଭାଇଜରମାନେ ଏହି DA ବୃଦ୍ଧିର ଲାଭ ପାଇବେ।
କେନ୍ଦ୍ରୀୟ ଲୋକ ଉଦ୍ୟୋଗ ବିଭାଗର ବିଜ୍ଞପ୍ତି ଅନୁଯାୟୀ ୧୯୮୭, ୧୯୯୭, ୨୦୦୭ ଏବଂ ୨୦୧୭ ବେତନମାନ ଅନ୍ତର୍ଗତ ଆସୁଥିବା CPSE କର୍ମଚାରୀଙ୍କ ପାଇଁ ମହଙ୍ଗା ଭତ୍ତା ବୃଦ୍ଧି କରାଯାଇଛି। AICPI ଅର୍ଥାତ୍ ଅଲ ଇଣ୍ଡିଆ କନ୍ଜ୍ୟୁମର୍ ପ୍ରାଇସ ଇଣ୍ଡକ୍ସ (All India Consumer Price Index) ଆଧାରରେ ଏହି ବୃଦ୍ଧି କରାଯାଇଛି।
Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
