ଇଂଲଣ୍ଡରୁ ପରାସ୍ତ କରିବା ପରେ ବଡ଼ କଥା କହିଲେ ଶୁବମନ ଗିଲ୍
ବର୍ମିଂହାମ,୧୫।୭: ପ୍ରଥମ ଦିନିକିଆରେ ଇଂଲଣ୍ଡ ବିପକ୍ଷରେ ୬ ଉଇକେଟରେ ବିଜୟ ହାସଲ କରିଛି। ଭାରତୀୟ ଅଧିନାୟକ ଶୁବମନ ଗିଲ ମଧ୍ୟକ୍ରମ ବ୍ୟାଟସମ୍ୟାନମାନଙ୍କୁ ପ୍ରଶଂସା କରି କହିଛନ୍ତି, ଚାପ ତଳେ ମ୍ୟାଚ ଜିତିବା ଜଣେ ଅଧିନାୟକ ଭାବରେ ତାଙ୍କର ଆତ୍ମବିଶ୍ୱାସକୁ ବୃଦ୍ଧି କରେ।
୨୫୯ ରନର ଲକ୍ଷ୍ୟ ପିଛା କରି, ଭାରତ ଥରେ ୪ ଉଇକେଟରେ ୧୬୦ ରନ କରିଥିଲା। ପରବର୍ତ୍ତୀ ସମୟରେ, ୱାଶିଂଟନ ସୁନ୍ଦର (୫୨ ଅପରାଜିତ) ଏବଂ ଅକ୍ଷର ପଟେଲ (୫୭ ଅପରାଜିତ) ପଞ୍ଚମ ଉଇକେଟ ପାଇଁ ୧୦୨ ରନର ଭାଗୀଦାରି କରି ଦଳକୁ ବିଜୟୀ କରାଇଥିଲେ।
ମ୍ୟାଚ ପରେ ଗିଲ କହିଛନ୍ତି, ଆମେ ଚାପରେ ଥିଲୁ କିନ୍ତୁ ଆମେ ଯେଉଁଭଳି ଭାବରେ ଫେରି ଆସିଲୁ ତାହା ଗୁରୁତ୍ୱପୂର୍ଣ୍ଣ ଥିଲା। ମଧ୍ୟକ୍ରମ ଏବଂ ନିମ୍ନ-ମଧ୍ୟକ୍ରମ ବ୍ୟାଟସମ୍ୟାନମାନେ ରନ ସ୍କୋର କରି ଖେଳ ଶେଷ କଲେ ଏହା ଜଣେ ଅଧିନାୟକଙ୍କୁ ବହୁତ ଆତ୍ମବିଶ୍ୱାସ ଦିଏ। ଆଗାମୀ ବର୍ଷ ଦକ୍ଷିଣ ଆଫ୍ରିକାରେ ହେବାକୁ ଥିବା ଏକଦିବସୀୟ ବିଶ୍ୱକପ ପୂର୍ବରୁ ଦଳ ପରିଚାଳନା ବିଭିନ୍ନ ସଂଯୋଜନ ସହିତ ପରୀକ୍ଷଣ ଜାରି ରଖିବ।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
