Murder: ସିଧା ଆସିଲେ ରେଷ୍ଟୁରାଣ୍ଟରେ ଗୁଳି କଲେ... ଲରେନ୍ସ ଗ୍ୟାଙ୍ଗର ସଦସ୍ୟ ହରି ବକ୍ସ କଲା ହତ୍ୟା

ଅମୃତସରରେ ରାତି ପ୍ରାୟ ୯:୩୦ ମିନିଟ ସମୟରେ ରେଷ୍ଟୁରାଣ୍ଟରେ ପଶି ଦୁଇଜଣ ଆକ୍ରମଣକାରୀ ଗୁଳିଚାଳନା ଆରମ୍ଭ କରିଥିଲେ। ଏହି ସମୟରେ ଆଶୁଙ୍କ ଛାତିରେ ୬ଟି ଗୁଳି ବାଜିଥିଲା। ଆଶୁଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା। କିନ୍ତୁ ତାଙ୍କୁ ବଞ୍ଚାଇ ହେଲା ନାହିଁ।

ଅମୃତସରରେ ଆଶୁ ମହାଜନ ନାମକ ଜଣେ ବ୍ୟକ୍ତିଙ୍କୁ ରବିବାର ରାତିରେ ହତ୍ୟା କରାଯାଇଥିଲା। ଏହି ହତ୍ୟା ପାଇଁ ନିଜକୁ ଦାୟୀ କରିଛି ଲରେନ୍ସ ବିଷ୍ଣୋଇର ସାନ ଭାଇ ଅନମୋଲ ବିଷ୍ଣୋଇ ଏବଂ ତାଙ୍କ ଗ୍ୟାଙ୍ଗ ସହ ଜଡ଼ିତ ହରି ବକ୍ସର ନେଇଛି । ସୋସିଆଲ ମିଡିଆରେ ଏକ ପୋଷ୍ଟ ମାଧ୍ୟମରେ ଏହି ହତ୍ୟାକାଣ୍ଡ ତାଙ୍କ ଗ୍ୟାଙ୍ଗ କରିଥିବା ନେଇ କୁହାଯାଇଛି । ଏହି ପୋଷ୍ଟରେ ଲେଖାଯାଇଛି, “ରାମ-ରାମ ସମସ୍ତ ଭାଇମାନଙ୍କୁ। ଅମୃତସର, ପଞ୍ଜାବରେ ଆଶୁ ମହାଜନଙ୍କ ହତ୍ୟା ହୋଇଛି, ତାହାର ଦାୟିତ୍ୱ ମୁଁ ହରି ବକ୍ସର ନେଉଛି। ଏହି ହତ୍ୟା ଆମେ କରାଇଛୁ। ସେ ଆମର ଭାଇ ନୋନା ହରିକେର ପୋଲିସକୁ ଖବର ଦେଇଥିଲେ।

ତେଣୁ ଆମେ ତାଙ୍କୁ ମାରି ଦେଇଛୁ। ଆଗକୁ ଯିଏ ବି ଆମର ଭାଇମାନଙ୍କ ବିଷୟରେ ପୋଲିସକୁ ଖବର ଦେବ, ତାହାର ମଧ୍ୟ ଏହିପରି ଅବସ୍ଥା ହେବ। ଯେଉଁମାନଙ୍କୁ ଆମେ ଫୋନ କରିଛୁ, ସେମାନଙ୍କ ପାଇଁ ଖାସ ଚେତାବନୀ ଯେ ସମୟସୀମା ଭିତରେ ଲାଇନରେ ଆସିଯାଅ, ନଚେତ୍ ତୁମର ମଧ୍ୟ ଏହିପରି ଅବସ୍ଥା ହେବ।”

ଗତ ରାତି ପ୍ରାୟ ୯:୩୦ ମିନିଟ ସମୟରେ ଅମୃତସରରେ ଆଶୁଙ୍କ ରେଷ୍ଟୁରାଣ୍ଟରେ ଦୁଇଜଣ ବ୍ୟକ୍ତି ଆସି ଆଶୁଙ୍କୁ ପାଣି ମାଗିଥିଲେ। ଏହାପରେ ସେମାନେ ଗୁଳିଚାଳନା ଆରମ୍ଭ କରିଥିଲେ। ଏହି ସମୟରେ ଆଶୁଙ୍କ ଛାତିରେ ୬ଟି ଗୁଳି ବାଜିଥିଲା। ଆଶୁଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା। କିନ୍ତୁ ତାଙ୍କୁ ବଞ୍ଚାଇ ହେଲା ନାହିଁ। ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଏପର୍ଯ୍ୟନ୍ତ ଆକ୍ରମଣକାରୀଙ୍କ ବିଷୟରେ କିଛି ଜଣାପଡ଼ି ନାହିଁ। ପୋଲିସ ଆକ୍ରମଣକାରୀଙ୍କୁ ଖୋଜୁଛି। ଏହି ସମୟରେ ଲରେନ୍ସ ବିଷ୍ଣୋଇ ଗ୍ୟାଙ୍ଗ ସାମନାକୁ ଆସି ଏହି ଦାବି କରିଛି ।