Monsoon: ମୌସୁମୀ ବର୍ଷା ଦୁର୍ବଳ, ଦେଶର ଜଳଭଣ୍ଡାର ଶୁଖିଲା: କ୍ଷମତାର ମାତ୍ର ୩୨.୩୮ ପ୍ରତିଶତ ପାଣି ଅଛି

"ନୂଆଦିଲ୍ଲୀ: ଦକ୍ଷିଣ-ପଶ୍ଚିମ ମୌସୁମୀ ବର୍ଷା ସମଗ୍ର ଦେଶରେ ପହଞ୍ଚି ସାରିଥିଲେ ମଧ୍ୟ ଅନେକ ଅଞ୍ଚଳରେ ବର୍ଷାର ପରିମାଣ କମ୍‌ ରହିବାରୁ ଦେଶର ବଡ଼ ବଡ଼ ଜଳଭଣ୍ଡାରରେ ପାଣି ଆଶାନୁରୂପ ବଢ଼ିନାହିଁ।

କେନ୍ଦ୍ରୀୟ ଜଳ ଆୟୋଗର ସଦ୍ୟତମ ତଥ୍ୟ ଅନୁସାରେ, ଦେଶର ୧୫୫ଟି ପ୍ରମୁଖ ଜଳଭଣ୍ଡାରରେ ବର୍ତ୍ତମାନ ମୋଟ ସଂରକ୍ଷଣ କ୍ଷମତାର ମାତ୍ର ୩୨.୩୮ ପ୍ରତିଶତ ପାଣି ରହିଛି।

ଅର୍ଥାତ୍‌ ପ୍ରାୟ ୬୮ ପ୍ରତିଶତ ଅଂଶ ଏବେ ବି ଖାଲି ପଡ଼ିଛି।Advertisment କେନ୍ଦ୍ରୀୟ ଜଳ ଆୟୋଗ କହିଛି, ଏହି ୧୫୫ଟି ଜଳଭଣ୍ଡାରର ମୋଟ ସଂରକ୍ଷଣ କ୍ଷମତା ପ୍ରାୟ ୧୮୧.୭୪ ବିଲିୟନ୍‌ ଘନ ମିଟର।

ସେଥିରୁ ବର୍ତ୍ତମାନ ପ୍ରାୟ ୫୮.୮୫ ବିଲିୟନ୍‌ ଘନ ମିଟର ପାଣି ରହିଛି।

ବର୍ଷା ଋତୁର ମଝିଭାଗରେ ଜଳଭଣ୍ଡାରଗୁଡ଼ିକରେ ଏହି ପରିମାଣର ଜଳ ଚିନ୍ତାର ବିଷୟ ବୋଲି ବିଶେଷଜ୍ଞମାନେ କହିଛନ୍ତି।

ତଥ୍ୟ ଅନୁସାରେ, ଉତ୍ତର, ମଧ୍ୟ ଓ ପଶ୍ଚିମ ଭାରତର ଅନେକ ଅଞ୍ଚଳରେ ସାଧାରଣଠାରୁ କମ୍‌ ବର୍ଷା ହୋଇଛି।

ଏହାର ପ୍ରଭାବରେ ନଦୀଗୁଡ଼ିକରେ ଜଳପ୍ରବାହ କମ୍‌ ରହିଥିବାରୁ ଜଳଭଣ୍ଡାରକୁ ପାଣିର ଆଗମନ ମଧ୍ୟ କମିଯାଇଛି।

କିଛି ଅଞ୍ଚଳରେ ଭଲ ବର୍ଷା ହୋଇଥିଲେ ମଧ୍ୟ ତାହା ଦେଶବ୍ୟାପୀ ଜଳ ସଂରକ୍ଷଣରେ ବଡ଼ ପରିବର୍ତ୍ତନ ଆଣିପାରିନାହିଁ।

ଆହୁରି ପଢନ୍ତୁ: Road Accident ହାଇୱା ଧକ୍କାରେ ୨ ମୃତ, ଜଣେ ଆହତ, ପ୍ରତିବାଦରେ ରାସ୍ତା ଅବରୋଧ ଜଳଭଣ୍ଡାରଗୁଡ଼ିକରେ ସଂରକ୍ଷିତ ପାଣି ପାନୀୟ ଜଳ, ଜଳସେଚନ ଓ ଜଳବିଦ୍ୟୁତ୍‌ ଉତ୍ପାଦନ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ।

ତେଣୁ ଆଗାମୀ ସପ୍ତାହଗୁଡ଼ିକରେ ଭଲ ବର୍ଷା ନ ହେଲେ ଖରିଫ ଚାଷ, ପାନୀୟ ଜଳ ଯୋଗାଣ ଓ ବିଦ୍ୟୁତ୍‌ ଉତ୍ପାଦନ ଉପରେ ପ୍ରଭାବ ପଡ଼ିପାରେ ବୋଲି ବିଶେଷଜ୍ଞମାନେ ସତର୍କ କରାଇଛନ୍ତି।

ଆହୁରି ପଢନ୍ତୁ: OTT: ଓଟିଟି ପ୍ଲାଟଫର୍ମରେ ମୁକ୍ତିଲାଭ କରୁଥିବା ଚଳଚ୍ଚିତ୍ର ପାଇଁ ସିବିଏସଫ୍‌ସି ବାଧ୍ୟତାମୂଳକ ‌ହେବ କେନ୍ଦ୍ରୀୟ ଜଳ ଆୟୋଗ କହିଛି, ଜଳଭଣ୍ଡାରଗୁଡ଼ିକର ସ୍ଥିତି ଉପରେ ନିରନ୍ତର ନଜର ରଖାଯାଉଛି।

ବର୍ଷାର ପରିମାଣ ବଢ଼ିଲେ ଆଗାମୀ ସମୟରେ ଜଳସଂରକ୍ଷଣରେ ସୁଧାର ଆସିପାରେ।

ପାଣିପାଗ ବିଭାଗର ପୂର୍ବାନୁମାନ ଅନୁସାରେ, ଆଗାମୀ କିଛି ଦିନରେ ଦେଶର କେତେକ ଅଞ୍ଚଳରେ ବର୍ଷାର ପରିମାଣ ବଢ଼ିପାରେ।

ଏହା ଫଳରେ ଜଳଭଣ୍ଡାରଗୁଡ଼ିକରେ ପାଣିର ପରିମାଣ ବୃଦ୍ଧି ପାଇବାର ସମ୍ଭାବନା ରହିଛି।

ତଥାପି ବର୍ତ୍ତମାନର ସ୍ଥିତିକୁ ଦେଖି ଜଳ ସଂରକ୍ଷଣ ଓ ବ୍ୟବହାରକୁ ନେଇ ସତର୍କ ରହିବା ଆବଶ୍ୟକ ବୋଲି ବିଶେଷଜ୍ଞମାନେ ମତ ଦେଇଛନ୍ତି।

"