Mark ‌Zuckerberg: ହିନ୍ଦୀ ଜାଣିଥିଲେ ଘଣ୍ଟାକୁ ୫ ହଜାର ଟଙ୍କା ଦେଉଛନ୍ତି ମାର୍କ ଜୁକରବର୍ଗ

ହିନ୍ଦୀ ଚାଟ୍‌ବଟ୍ ଲଞ୍ଚ କରିବା ମେଟା। ଭାରତ ଭଳି ଦେଶ ପାଇଁ ସ୍ଥାନୀୟ ସଂସ୍କୃତି ଏବଂ ଭାଷା ସହିତ ଜଡିତ ଚାଟ୍‌ବଟ୍ ତିଆରି କରିବା ପାଇଁ ପ୍ରତି ଘଣ୍ଟାକୁ ୫୫ ଡଲାର ଦେଉଛି।

ହିନ୍ଦୀ ଜାଣିଥିଲେ ଘଣ୍ଟାକୁ ମିଳୁଛି ୫ ହଜାର ଟଙ୍କା। ମାର୍କ ଜୁକର୍‌ବର୍ଗ ଦେଉଛନ୍ତି ଏହି ଟଙ୍କା। ଆଜିର ଡିଜିଟାଲ୍ ଯୁଗରେ, AI ସବୁଠାରୁ ବଡ଼ ରେସ୍ ପାଲଟିଯାଇଛି। ଏହାରି ଭିତରେ ମେଟା ବଡ ଗେମ୍ କରିବାକୁ ଯାଉଛି। ଏକ ରିପୋର୍ଟ ଅନୁଯାୟୀ, ଜୁକରବର୍ଗଙ୍କ କମ୍ପାନୀ ଭାରତ ଭଳି ଦେଶ ପାଇଁ ସ୍ଥାନୀୟ ସଂସ୍କୃତି ଏବଂ ଭାଷା ସହିତ ଜଡିତ ଚାଟ୍‌ବଟ୍ ତିଆରି କରିବା ପାଇଁ ପ୍ରତି ଘଣ୍ଟାକୁ ୫୫ ଡଲାର ଦେଉଛି। ଯାହା ଭାରତୀୟ ଟଙ୍କାରେ ପ୍ରାୟ ୫ ହଜାର।

କମ୍ପାନୀ ଏପରି ଲୋକଙ୍କୁ ଚାହୁଁଛି ଯେଉଁମାନଙ୍କର ଷ୍ଟୋରୀ ଟେଲିଂ, କ୍ୟାରେକ୍ଟର କ୍ରିଏସନ୍ ଏବଂ ପ୍ରମ୍ପ୍ଟ ଇଞ୍ଜିନିୟରିଂରେ ଅତି କମରେ ଛଅ ବର୍ଷର ଅଭିଜ୍ଞତା ଥିବ ଏବଂ ସେମାନେ ହିନ୍ଦୀ, ଇଣ୍ଡୋନେସିଆନ୍, ସ୍ପାନିସ୍ କିମ୍ବା ପର୍ତ୍ତୁଗୀଜ୍ ଭଳି ଭାଷାରେ ପାରଙ୍ଗମ ଥିବେ।

ତେବେ ଜୁକରବର୍ଗଙ୍କ ଦୃଷ୍ଟିକୋଣ ହେଉଛି, AI ଚାଟ୍‌ବଟ୍ କେବଳ ଟେକ୍ ଉପକରଣ ନୁହେଁ ବରଂ ଲୋକଙ୍କ ଜୀବନର ଏକ ଅଂଶ ହେବା ଉଚିତ। ସେ ବିଶ୍ୱାସ କରନ୍ତି ଯେ ଏପରି ଏକ ସମୟ ଆସିବ ଯେତେବେଳେ ଏହି ଚାଟ୍‌ବଟ୍ ପ୍ରକୃତ ବନ୍ଧୁ ପରି କାମ କରିବ ଏବଂ ଆମର ଦୈନନ୍ଦିନ ଆବଶ୍ୟକତାକୁ ସହଜ କରିଦେବ।

ଭାରତରେ କୋଟି କୋଟି ଇନ୍‌ଷ୍ଟାଗ୍ରାମ୍‌ ଏବଂ ହ୍ୱାଟସଆପର ୟୁଜର ଅଛନ୍ତି। ଏପରି ପରିସ୍ଥିତିରେ, ହିନ୍ଦୀ ଚାଟ୍‌ବଟ୍ ଲଞ୍ଚ କରିବା ମେଟାକୁ ବହୁତ ଲାଭ ଦେଇପାରେ। ଯଦି ଏଗୁଡିକ ଭାରତୀୟ ୟୁଜରଙ୍କ ଭାଷା ଏବଂ ସଂସ୍କୃତିର କଥା କୁହେ, ତେବେ କମ୍ପାନୀର ଏନ୍‌ଗେଜ୍‌ମେଣ୍ଟ୍ ଏବଂ ରେଭେନ୍ୟୁ ଖୁବ ଦ୍ରୁତ ଗତିରେ ବୃଦ୍ଧି ପାଇବ।

ତେବେ ଭାରତରେ ହିନ୍ଦୀ ଚାଟ୍‌ବଟ୍‌ଗୁଡ଼ିକର କେତେ ପ୍ରଭାବ ପଡ଼ିବ ତାହା ଦେଖିବା ଆକର୍ଷଣୀୟ ହେବ। ଏହି ପଦକ୍ଷେପ କ’ଣ ଜୁକରବର୍ଗଙ୍କ ଦ୍ୱାରା ଏକ ମାଷ୍ଟର୍‌ଷ୍ଟ୍ରୋକ୍ ପ୍ରମାଣିତ ହେବ ନା ଏହା କୌଣସି ନୂଆ ବିବାଦର କାରଣ ହେବ, ତାହା ସମୟ କହିବ?