🔴Live | Rath Yatra 2026: ଆଜି ପବିତ୍ର ଘୋଷଯାତ୍ରା, ଭକ୍ତିରେ ଭିଜୁଛି ଶ୍ରୀକ୍ଷେତ୍ର; ରଥାରୂଢ଼ ହେବେ ଚତୁର୍ଦ୍ଧାମୂର୍ତ୍ତି

ଆଜି ବିଶ୍ୱପ୍ରସିଦ୍ଧ ପବିତ୍ର ଘୋଷଯାତ୍ରା। ପାଇଁ ଭକ୍ତି, ବିଶ୍ୱାସ ଓ ପରମ୍ପରାର ମହାପର୍ବ ରଥଯାତ୍ରା ଉତ୍ସବମୁଖର ଶ୍ରୀକ୍ଷେତ୍ର ପୁରୀ। ବର୍ଷକରେ ଥରେ ରତ୍ନସିଂହାସନ ଛାଡ଼ି ନିଜ ଭକ୍ତଙ୍କ ଗହଣକୁ ଆସିବେ ଚତୁର୍ଦ୍ଧାମୂର୍ତ୍ତି। ମହାପ୍ରଭୁ ଶ୍ରୀଜଗନ୍ନାଥ, ବଡ଼ଭାଇ ବଳଭଦ୍ର ଏବଂ ଦେବୀ ସୁଭଦ୍ରାଙ୍କୁ ରଥରେ ଦର୍ଶନ କରିବା ସହ ରଥ ଟାଣିବା ପାଇଁ ବଡ଼ଦାଣ୍ଡରେ ଅପେକ୍ଷା କରିଛନ୍ତି ଅଗଣିତ ଭକ୍ତ। 

ଶ୍ରୀମନ୍ଦିର ପ୍ରଶାସନ ପକ୍ଷରୁ ନୀତିକାନ୍ତିର ସମସ୍ତ କାର୍ଯ୍ୟକ୍ରମ ଚୂଡ଼ାନ୍ତ କରାଯାଇଛି। ସକାଳ ୯ଟାରେ ରଥ ପ୍ରତିଷ୍ଠା ପରେ ଅନୁଷ୍ଠିତ ହେବ। ଏହାପରେ ଅପରାହ୍ଣ ୨ଟାରୁ ୩ଟା ମଧ୍ୟରେ ଗଜପତି ମହାରାଜାଙ୍କ ପବିତ୍ର ଛେରା ପହଁରା ନୀତି ସମ୍ପନ୍ନ ହେବ। ସବୁ ନୀତି ଶେଷ ହେବା ପରେ ଅପରାହ୍ଣ ୪ଟାରେ ଆରମ୍ଭ ହେବ ବହୁ ପ୍ରତୀକ୍ଷିତ ରଥଟଣା। 

ରଥଯାତ୍ରାକୁ ଶୃଙ୍ଖଳିତ ଓ ସୁରକ୍ଷିତ କରିବା ପାଇଁ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି। ଟ୍ରାଫିକ୍ ପରିଚାଳନାଠାରୁ ଆରମ୍ଭ କରି ଆଇନ-ଶୃଙ୍ଖଳା ପର୍ଯ୍ୟନ୍ତ ପ୍ରତ୍ୟେକ ବ୍ୟବସ୍ଥାକୁ କଡ଼ାକଡ଼ି କରାଯାଇଛି। ସୁରକ୍ଷା ଦାୟିତ୍ୱରେ ୧୩ ହଜାର ୫ଶହ ପୋଲିସ କର୍ମଚାରୀ ନିୟୋଜିତ ହୋଇଥିବା ବେଳେ, ୪ଶହରୁ ଅଧିକ ସିସିଟିଭି କ୍ୟାମେରା ମାଧ୍ୟମରେ ବଡ଼ଦାଣ୍ଡ ଓ ସହରର ଗୁରୁତ୍ୱପୂର୍ଣ୍ଣ ସ୍ଥାନ ଉପରେ କଡ଼ା ନଜର ରଖାଯିବ। 

ଭକ୍ତଙ୍କ ସୁବିଧା ପାଇଁ ସହରର ୩୦ଟି ସ୍ଥାନରେ ପାର୍କିଂ ବ୍ୟବସ୍ଥା ମଧ୍ୟ କରାଯାଇଛି। ଅନ୍ୟପଟେ ଆଜି ପୁରୀରେ ପ୍ରବଳ ବର୍ଷାର ସମ୍ଭାବନା ଥିବାରୁ ପ୍ରଶାସନ ସତର୍କ ରହିଛି। ଜଳବନ୍ଦୀ ସ୍ଥିତିକୁ ଏଡ଼ାଇବା ପାଇଁ ୯୦ରୁ ଅଧିକ ହାଇପାୱାର ପମ୍ପ ପ୍ରସ୍ତୁତ ରଖାଯାଇଛି। ଲକ୍ଷ ଲକ୍ଷ ଶ୍ରଦ୍ଧାଳୁଙ୍କ ସମାଗମକୁ ଦୃଷ୍ଟିରେ ରଖି କୌଣସି ଅପ୍ରୀତିକର ପରିସ୍ଥିତି ସୃଷ୍ଟି ନହେଉ, ସେଥିପାଇଁ ପୂରାପୂରି ହାଇ ଆଲର୍ଟରେ ପ୍ରଶାସନ।

Jul 16, 2026 09:06 IST
କାଳିଆ ପାଇଁ କୋରିଆରୁ ଧାଇଁ ଆସିଲେ
ମୁଁ ସାଉଥ କୋରିଆରୁ ଆସଛି , କାଳିଆକୁ ଦେଖିବା ପାଇଁ......। ଶୁଣନ୍ତୁ ଜଣେ ମହିଳା ଭକ୍ତ କ’ଣ କହିଛନ୍ତି। #PuriRathYatra2026#JaiJagannath#JagannathRathYatra#Puri#OTVpic.twitter.com/CmUEfdArUz
— ଓଟିଭି (@otvkhabar) July 16, 2026



Jul 16, 2026 09:05 IST
ପାଦରେ ଘୁଙ୍ଗୁର ପିନ୍ଧି ରଥ ଆଗରେ ନାଚୁଛନ୍ତି ନୃତ୍ୟ ଶିଳ୍ପୀ
#କାଳିଆ_ଦୁଆରେ_ବୋଲ_ମାନୁନି_ପାଦ
ଆଜି ବିଶ୍ୱପ୍ରସିଦ୍ଧ ପବିତ୍ର ଘୋଷଯାତ୍ରା। କାଳିଆ ପାଇଁ ସଜେଇ ହୋଇଛି ବଡ଼ଦାଣ୍ଡ। ପାଦରେ ଘୁଙ୍ଗୁର ପିନ୍ଧି ରଥ ଆଗରେ ନାଚୁଛନ୍ତି ନୃତ୍ୟ ଶିଳ୍ପୀ। #PuriRathYatra2026#JagannathRathYatra#GotipuaDance#JaiJagannath#Puri#Odisha#RathYatra#OTVpic.twitter.com/oSTvfTEhi7
— ଓଟିଭି (@otvkhabar) July 16, 2026



Jul 16, 2026 09:04 IST
ବଡ଼ଦାଣ୍ଡରେ ଝାଡୁ ମାରିଲେ ଭକ୍ତ
ବର୍ଷାକୁ ନାହିଁ ଖାତିର.... ବଡ଼ ଦାଣ୍ଡରେ ମାରିଲେ ଝାଡୁ।
#BroomSweeping#RathYatraVibes#ThreeChariots#OdishaSpirit#Rain#OTVpic.twitter.com/tI3Pvdgogc
— ଓଟିଭି (@otvkhabar) July 16, 2026



Jul 16, 2026 09:03 IST
ମନମୋହୁଛି ନୃତ୍ୟଶିଳ୍ପୀଙ୍କ ନୃତ୍ୟ
କାଳିଆ ଆଗରେ ନୃତ୍ୟ କରିବା ପାଇଁ ଆଖିର ନିଦ ନାହିଁ... ବର୍ଷାକୁ ନାହିଁ ଖାତିର.... ୩ ରଥ ଆଗରେ ନୃତ୍ୟ କଲେ ନୃତ୍ୟଶିଳ୍ପୀ।#DanceForKalia#RathYatraVibes#ThreeChariots#OdishaSpirit#NrutyaForJagannath#OTVpic.twitter.com/OlYXm5dhox
— ଓଟିଭି (@otvkhabar) July 16, 2026



Jul 16, 2026 09:02 IST
ସିଂହଦ୍ୱାର ଆଗରେ ବିରାଜମାନ ୩ ରଥ
ଆଜି ମହାପ୍ରଭୁଙ୍କ ବିଶ୍ୱ ପ୍ରସିଦ୍ଧ ରଥଯାତ୍ରା.....ସିଂହଦ୍ୱାର ଆଗରେ ବିରାଜମାନ ୩ ରଥ।#JagannathRathYatra#RathYatra2026#PuriRathYatra#OTVpic.twitter.com/xs7ThxPIs0
— ଓଟିଭି (@otvkhabar) July 16, 2026



Jul 16, 2026 09:01 IST
ଭିଜୁଛି ବଡ଼ଦାଣ୍ଡ, ଭିଜୁଛନ୍ତି ଭକ୍ତ
-ପୁରୀରେ ଲାଗି ରହିଛି ବର୍ଷା
-ଭିଜୁଛି ବଡ଼ଦାଣ୍ଡ, ଭିଜୁଛନ୍ତି ଭକ୍ତ
-ବର୍ଷା ସତ୍ତ୍ବେ ଭକ୍ତଙ୍କ ମଧ୍ୟରେ ଅପାର ଉତ୍ସାହ#Puri#BadaDanda#JagannathPuri#RathYatra#Rain#Devotees#OTVpic.twitter.com/hR3nt0fsAQ
— ଓଟିଭି (@otvkhabar) July 16, 2026