Lalbaugcha Raja:ବର୍ଷ ବର୍ଷ ଧରି ଚାଲିଛି ନିଆରା ଏକ ପରମ୍ପରା,ମସଜିଦ ଆଗରେ ଅଟକି ଯାଆନ୍ତି ଲାଲବାଗଚା ରାଜା

ମସଜିଦ ଆଗରେ ଅଟକି ଯାଆନ୍ତି ଲାଲବାଗଚା ରାଜା। ବର୍ଷ ବର୍ଷ ଧରି ଚାଲିଛି ନିଆରା ଏକ ପରମ୍ପରା। ମୁସଲିମଙ୍କ ହାତରୁ ମିଠା ନଖାଇ ଆଗକୁ ବଢ଼ନ୍ତିନି ବାପ୍ପା ।

ମୁମ୍ୱାଇର ତଥା ସାରା ଭାରତର ସବୁଠାରୁ ପ୍ରିୟ ଗଣେଶ ପ୍ରତିମା ଲାଲବାଗଚା ରାଜାଙ୍କ ବିର୍ସଜନ ହୋଇଛି। ବାଜା ବାଣ ରୋସଣୀ ସହ ଲକ୍ଷ ଲକ୍ଷ ଶ୍ରଦ୍ଧାଳୁଙ୍କ ଗହଣରେ ବାଦାୟ ନେଇଛନ୍ତି  । ତେବେ ପ୍ରତିବର୍ଷ ଲାଲବାଗଚା ରାଜାଙ୍କ ମହା ବିସର୍ଜନରେ ନିଆରା ଏକ ଦୃଶ୍ୟ ଦେଖିବାକୁ ମିଳେ। ଶୋଭାଯାତ୍ରା ବାଟରେ ପଡୁଥିବା ହିନ୍ଦୁସ୍ତାନୀ ମସଜିତ ସାମ୍ନାରେ ଅଟକି ଯାଆନ୍ତି ବାବା ଗଣପତି। ଏଦୃଶ୍ୟ ଦେଖି ମନ୍ତ୍ରମୁଗ୍ଧ ହୁଅନ୍ତି ଭକ୍ତ। ହେଲେ ଏହାପଛରେ ରହିଛି ଏକ ରୋଚକ କାରଣ ।

lalbagcha raja

ଗଣପତି ବିସର୍ଜନ ସମୟରେ ହିନ୍ଦୁସ୍ତାନୀ ମସଜିଦ ସାମ୍ନାରେ ଅଟକିବା ଏକ ପରମ୍ପରା ବହୁ ପୁରାତନ କାଳରୁ ରହି ଆସିଛି। ବାପ୍ପା ଅଟକିବା ପରେ ଶ୍ରଦ୍ଧାଳୁମାନେ "ଗଣପତି ବାପ୍ପା ମୋରିଆ" ଧ୍ୱନି କରନ୍ତି। ଯାହାକୁ ଶୁଣି ଧାଇଁ ଆସନ୍ତି ମସଜିଦ କମିଟିର ସଦସ୍ୟମାନେ। ବିଘ୍ନହର୍ତ୍ତାଙ୍କୁ ଦର୍ଶନ କରିବା ସହ ଶୋଭାଯାତ୍ରାକୁ ସ୍ୱାଗତ ମଧ୍ୟ କରିଥାନ୍ତି।

ଏହି ପ୍ରଥା 1920 ଦଶକର ମଧ୍ୟଭାଗରେ ଆରମ୍ଭ ହୋଇଥିବା ବିଶ୍ୱାସ କରାଯାଏ, ଯେତେବେଳେ ସ୍ଥାନୀୟ ମୁସଲିମ ନେତାମାନେ ବିସର୍ଜନ ସମୟରେ ମୂର୍ତ୍ତିଙ୍କ ପାଇଁ ସୁଗମ ପଥ ଏବଂ ଶୃଙ୍ଖଳା ସୁନିଶ୍ଚିତ କରି ଗଣେଶ ମଣ୍ଡଳକୁ ସମର୍ଥନ କରିଥିଲେ। ସମୟ ସହିତ, ଏହା ଏକ ପରମ୍ପରା ପାଲଟିଥିଲା। ତେଣୁ ପ୍ରତିବର୍ଶ ଲାଲବାଗଚା ରାଜାଙ୍କ ବିସର୍ଜନ ସମୟରେ, ମୂର୍ତ୍ତି ବାଇକୁଲାର ହିନ୍ଦୁସ୍ତାନୀ ମସଜିଦ ସାମ୍ନାରେ ଅଟକିଯାଏ। ସ୍ଥାନୀୟ ମୁସଲିମ ସମ୍ପ୍ରଦାୟ ଫୁଲ ସହିତ ବାପ୍ପାଙ୍କୁ ସ୍ୱାଗତ କରନ୍ତି ଏବଂ ହିନ୍ଦୁ ଏବଂ ମୁସଲିମମାନଙ୍କ ମଧ୍ୟରେ ମିଠା ବଣ୍ଟନ କରାଯାଏ।

ଏହି ଅନନ୍ୟ ପରମ୍ପରା ହିନ୍ଦୁ ମୁସଲିମ ଏକତାର ପ୍ରତୀକ ଅଟେ। ମସଜିଦର ଦ୍ୱାରରେ ଆଶୀର୍ବାଦ କରୁଥିବା ଦିବ୍ୟ ମୂର୍ତ୍ତି ଏବଂ ଖୋଲା ହସ୍ତରେ ଶୋଭାଯାତ୍ରାକୁ ସ୍ୱାଗତ କରୁଥିବା ମୁସଲିମ ଭକ୍ତ ମୁମ୍ବାଇର ​​ଭାଇଚାରା ପ୍ରତିଫଳିତ କରେ। ସମସ୍ତଙ୍କୁ ମନେ ପକାଇ ଦିଏ ଯେ ଧର୍ମ ଭିନ୍ନ ହୋଇପାରେ, ଭକ୍ତି ଓ ସମ୍ମାନକୁ କୌଣସି ସୀମା ଅଟକାଇ ପାରେନି ।