Japanese Shoes: କାହିଁକି ଖାସ ଜାପାନୀ ଜୋତା, ରାଜକପୁରଙ୍କ ଆଇକନିକ ଗୀତରେ ପାଇଛି ସ୍ଥାନ...କଣ ସଂପର୍କ ଭାରତ ସହିତ

ଭାରତର ଅନେକ ଅଞ୍ଚଳରେ ଜୋତାକୁ ଘର ଭିତରକୁ ନିଆଯାଏ ନାହିଁ, ଏହାକୁ ବାହାରେ ଖୋଲି ରଖାଯାଏ । ଜାପାନରେ ମଧ୍ୟ ଏହା ହିଁ ହୁଏ, ଏଠାରେ ଲୋକେ ଦ୍ୱାର ନିକଟରେ ଜୋତା ଖୋଲି ଭିତରକୁ ପ୍ରବେଶ କରନ୍ତି। ଏଠାରେ ତିଆରି ଜୋତା ଗୁଡ଼ିକ ବେଶ ସୁନ୍ଦର ଓ ଚମଡ଼ାରେ ଫିନିଶିଂ ଅତ୍ୟନ୍ତ ଉତ୍କୃଷ୍ଟ ।

ମେରା ଜୁତା ହେ ଜାପାନୀ, ୟେ ପତଲୁନ ଇଙ୍ଗଲିସ୍ତାନୀ, ସିର ପେ ଲାଲ୍ ଟୋପି ରୁଷି, ଫିର ଭି ଦିଲ ହେ ହିନ୍ଦୁସ୍ତାନୀ ....୧୯୫୫ରେ ମୁକ୍ତିଲାଭ କରିଥିବା ରାଜ କପୁରଙ୍କ ଚଳଚ୍ଚିତ୍ର "ଶ୍ରୀ ୪୨୦"ର ଏହି ଗୀତଟି ଆପଣ ନିଶ୍ଚିତ ଶୁଣିଥିବେ। ଏହି ଗୀତରେ ରାଜ କପୁରଙ୍କ ଚରିତ୍ର ଜାପାନୀ ଜୋତା ପିନ୍ଧିବାକୁ ଗର୍ବର ସହିତ କହୁଛି। ଆଜି ଆମେ ପ୍ରଧାନମନ୍ତ୍ରୀ ମୋଦିଙ୍କ ଜାପାନ ଗସ୍ତ ଅବସରରେ ଆପଣଙ୍କୁ ଏହି ଜାପାନୀ ଜୋତାର କାହାଣୀ କହିବାକୁ ଯାଉଛୁ, ଯେଉଁଥିରେ ଆପଣଙ୍କୁ ଏହାର ଉତ୍ତର ମିଳିବ ଯେ ଗୀତରେ କାହିଁକି କେବଳ ଜାପାନୀ ଜୋତାର ଉଲ୍ଲେଖ କରାଯାଇଥିଲା।

ଜାପାନରେ ପ୍ରଧାନମନ୍ତ୍ରୀ ମୋଦିଙ୍କ ୮ମ ଗସ୍ତ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତ-ଜାପାନ ଶିଖର ସମ୍ମିଳନୀରେ ଭାଗ ନେବା ପାଇଁ ଦୁଇ ଦିନିଆ ଗସ୍ତରେ ଜାପାନ ପହଞ୍ଚିଛନ୍ତି, ଏହା ତାଙ୍କର ୮ମ ଗସ୍ତ। ଏହି ଗସ୍ତକୁ ବେଶ ଗୁରୁତ୍ୱପୂର୍ଣ୍ଣ ମନେ କରାଯାଉଛି, କାରଣ ଆମେରିକା ସହ ଟାରିଫ ୱାର ମଧ୍ୟରେ ଏହା ଦୁଇ ଦେଶର ବନ୍ଧୁତ୍ୱର ନୂଆ ଅଧ୍ୟାୟ ଆରମ୍ଭ କରିପାରେ ।

ଗୀତରେ ଜାପାନୀ ଜୋତା କାହିଁକି?

ଏବେ ଆପଣଙ୍କୁ ରାଜ କପୁରଙ୍କ ଗୀତରେ ଥିବା ଜାପାନୀ ଜୋତାର କାହାଣୀ କହୁଛୁ। ପ୍ରକୃତରେ, ଗୀତରେ ଏହାର ଉଲ୍ଲେଖ ପୋଷାକରେ ବିଦେଶୀ ଜିନିଷର ବ୍ୟବହାରକୁ ନେଇ କରାଯାଇଥିଲା। ସେ ସମୟରେ ଜାପାନୀ ଜୋତା ପିନ୍ଧିବା ଏକ ସ୍ୱପ୍ନରୁ କମ ନଥିଲା। ଏହି କାରଣରୁ ଚରିତ୍ରଟି ବିଦେଶୀ ଜୋତା, ବିଦେଶୀ ପ୍ୟାଣ୍ଟ ଓ ଟୋପୀ ପିନ୍ଧିବା ପରେ ମଧ୍ୟ କହୁଛି ଯେ ତା’ର ହୃଦୟ ହିନ୍ଦୁସ୍ତାନ ସହ ଜଡ଼ିତ। ଯଦିଓ କେତେକ ଲୋକ ଏହାକୁ ବ୍ୟଙ୍ଗାତ୍ମକ ଭାବେ ମଧ୍ୟ ବ୍ୟବହାର କରୁଥିଲେ ଏବଂ ଫଟା ଜୋତାକୁ ଜାପାନୀ ଜୋତା କହୁଥିଲେ । ରାଜ କପୁରଙ୍କ ଜୋତା ମଧ୍ୟ ଏହି ଗୀତରେ ଫଟା ଦେଖାଯାଇଥିଲା।

ଜାପାନ ଓ ଭାରତ ମଧ୍ୟରେ ସଂପର୍କ

ଭାରତର ଅନେକ ଅଞ୍ଚଳରେ ଜୋତାକୁ ଘର ଭିତରକୁ ନିଆଯାଏ ନାହିଁ, ଏହାକୁ ବାହାରେ ଖୋଲି ରଖାଯାଏ । ଜାପାନରେ ମଧ୍ୟ ଏହା ହିଁ ହୁଏ, ଏଠାରେ ଲୋକେ ଦ୍ୱାର ନିକଟରେ ଜୋତା ଖୋଲି ଭିତରକୁ ପ୍ରବେଶ କରନ୍ତି। ଏଠାରେ ତିଆରି ଜୋତା ଗୁଡ଼ିକ ବେଶ ସୁନ୍ଦର ଓ ଚମଡ଼ାରେ ଫିନିଶିଂ ଅତ୍ୟନ୍ତ ଉତ୍କୃଷ୍ଟ । ଏକ ସମୟ ଥିଲା ଯେତେବେଳେ ଜାପାନର ଜୋତା ବେଶ ମହଙ୍ଗା ଥିଲା। ଭାରତରେ ଏହି ଜୋତା ପିନ୍ଧୁଥିବା ବ୍ୟକ୍ତିଙ୍କୁ ‍ବଡ଼ ଲୋକ ବୋଲି ମନେ କରାଯାଉଥିଲା । ଜାପାନରେ ଜୋତା ବ୍ୟତୀତ ପାରମ୍ପରିକ ଚପଲ ମଧ୍ୟ ବେଶ ପିନ୍ଧାଯାଏ, ଏଗୁଡ଼ିକ କାଠରେ ତିଆରି ହୋଇଥାଏ ଏବଂ ଏଗୁଡ଼ିକର ଆକାର ବେଶ ଚଉଡ଼ା ହୋଇଥାଏ।