Halal township: ହଲାଲ୍ ଟାଉନଶିପ୍ ବିଜ୍ଞାପନକୁ ନେଇ ବିବାଦ, ଉଠିଲା ପ୍ରତିବାଦର ସ୍ୱର

ଭିଡିଓରେ ହିଜାବ ପିନ୍ଧିଥିବା ଜଣେ ମହିଳା ଟାଉନଶିପ ବିଷୟରେ କହୁଛନ୍ତି। ସେ କହୁଛନ୍ତି ଯେ ଏଠାରେ ସମାନ ଚିନ୍ତାଧାରା ଥିବା ପରିବାରମାନଙ୍କ ସହିତ ‘ପ୍ରକୃତ ସାମୁଦାୟିକ ଜୀବନ’ ମିଳୁଛି, ପିଲାମାନେ ‘ହଲାଲ ପରିବେଶରେ ନିରାପଦ ଭାବେ ବଢୁଛନ୍ତି’ ଏବଂ ପାଦରେ ଯାତାୟାତ କରିପାରୁଥିବା ଦୂରତାରେ ପ୍ରାର୍ଥନା ସ୍ଥାନ ଏବଂ ସାମୁଦାୟିକ ସମାରୋହ ଭଳି ସୁବିଧା ଉପଲବ୍ଧ।

ମୁମ୍ବାଇରୁ ପ୍ରାୟ ୧୦୦ କିଲୋମିଟର ଦୂରରେ ଥିବା ନେରଲରେ ଏକ ରିଅଲ ଏଷ୍ଟେଟ ପ୍ରୋଜେକ୍ଟର ବିଜ୍ଞାପନ ଉପରେ ରାଜନୈତିକ ବିତର୍କ ତୀବ୍ର ହୋଇଛି। ଅନେକ ଲୋକ ଏହା ଉପରେ ଆପତ୍ତି ଉଠାଇଛନ୍ତି ଯେ ଏହି ପ୍ରୋଜେକ୍ଟଟି ଏକ ନିର୍ଦ୍ଦିଷ୍ଟ ସମ୍ପ୍ରଦାୟ ପାଇଁ ଆବାସିକ କଲୋନୀ ଭାବେ ବିକଶିତ ହେଉଛି। ଏହି ପ୍ରୋଜେକ୍ଟର ବିଜ୍ଞାପନରେ ଏହାକୁ ‘ହଲାଲ ଲାଇଫଷ୍ଟାଇଲ ଟାଉନଶିପ’ ଭାବେ ପ୍ରଚାର କରାଯାଉଛି। ନ୍ୟାସନାଲ କମିଶନ ଫର ପ୍ରୋଟେସନ ଅଫ୍ ଚାଇଲ୍ଡ ରାଇଟସ (NCPCR)ର ଅଧ୍ୟକ୍ଷ ପ୍ରିୟଙ୍କ କାନୁନଗୋ ଏହି ବିଜ୍ଞାପନର ଏକ ଭିଡିଓ ସୋସିଆଲ ମିଡିଆରେ ସେୟାର କରିଥିଲେ, ଯାହା ପରେ ଭାଇରାଲ ହୋଇଥିଲା।

ଭିଡିଓରେ ଜଣେ ହିଜାବ ପିନ୍ଧିଥିବା ମହିଳା ଟାଉନଶିପ ବିଷୟରେ କହୁଛନ୍ତି। ସେ କହୁଛନ୍ତି ଯେ ଏଠାରେ ସମାନ ଚିନ୍ତାଧାରା ଥିବା ପରିବାରମାନଙ୍କ ସହିତ ‘ପ୍ରକୃତ ସାମୁଦାୟିକ ଜୀବନ’ ମିଳୁଛି, ପିଲାମାନେ ‘ହଲାଲ ପରିବେଶରେ ନିରାପଦ ଭାବେ ବଢୁଛନ୍ତି’ ଏବଂ ପାଦରେ ଯାତାୟାତ କରିପାରୁଥିବା ଦୂରତାରେ ପ୍ରାର୍ଥନା ସ୍ଥାନ ଏବଂ ସାମୁଦାୟିକ ସମାରୋହ ଭଳି ସୁବିଧା ଉପଲବ୍ଧ।

ପ୍ରିୟଙ୍କ କାନୁନଗୋ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏହି ଭିଡିଓ ସେୟାର କରି ଲେଖିଛନ୍ତି, "ଏହା ବିଜ୍ଞାପନ ନୁହେଁ, ବିଷ ବ୍ୟାପନ। ମୁମ୍ବାଇ ନିକଟସ୍ଥ କରଜତ ଅଞ୍ଚଳରେ କେବଳ ମୁସଲମାନ ଧର୍ମାବଲମ୍ୱୀ ଲୋକଙ୍କ ପାଇଁ ହଲାଲ ଲାଇଫଷ୍ଟାଇଲ ଟାଉନଶିପ ନିର୍ମାଣ କରାଯାଉଛି। ଏହା ରାଷ୍ଟ୍ର ଭିତରେ ରାଷ୍ଟ୍ର। ମହାରାଷ୍ଟ୍ର ସରକାରଙ୍କୁ ନୋଟିସ ଜାରି କରାଯାଉଛି।

"ଶିବସେନା (ଏକନାଥ ଶିନ୍ଦେ ଗୋଷ୍ଠୀ)ର ମୁଖପାତ୍ର କୃଷ୍ଣା ହେଗଡ଼େ ବିଜ୍ଞାପନର ଉଦ୍ଦେଶ୍ୟ ଉପରେ ପ୍ରଶ୍ନ ଉଠାଇ ଆପତ୍ତି ଜଣାଇଛନ୍ତି। ସେ ଦାବି କରିଛନ୍ତି ଯେ ଏହି ବିଜ୍ଞାପନ ଭିଡିଓକୁ ପ୍ରତ୍ୟାହାର କରାଯାଉ। ସେ ରାଜ୍ୟ ସରକାରଙ୍କୁ ଏହି ପ୍ରୋଜେକ୍ଟର ତଦନ୍ତ କରିବାକୁ ମଧ୍ୟ ଅନୁରୋଧ କରିଛନ୍ତି।

ବିଜେପି ମୁଖପାତ୍ର ଅଜିତ ଚୌହ୍ବାନ କହିଛନ୍ତି ଯେ ଏହା ‘ଗଜୱା-ଏ-ହିନ୍ଦ’ର ଏକ ପ୍ରୟାସ। ସେ କହିଛନ୍ତି ଯେ ଏଭଳି ପ୍ରୋଜେକ୍ଟ ପାଇଁ ମୁମ୍ବାଇ କିମ୍ବା ମହାରାଷ୍ଟ୍ରରେ କୌଣସି ସ୍ଥାନ ନାହିଁ। ସେ ଏହାକୁ ସମ୍ବିଧାନ ପାଇଁ ଏକ ଚ୍ୟାଲେଞ୍ଜ ବୋଲି ବର୍ଣ୍ଣନା କରି ଡେଭେଲପରମାନଙ୍କ ବିରୁଦ୍ଧରେ କଡ଼ା କାର୍ଯ୍ୟାନୁଷ୍ଠାନ ଦାବି କରିଛନ୍ତି। ରାଷ୍ଟ୍ରୀୟ ମାନବାଧିକାର ଆୟୋଗ ମଧ୍ୟ ଏହି ମାମଲାରେ ରାଜ୍ୟ ସରକାରଙ୍କ ଠାରୁ ରିପୋର୍ଟ ମାଗିଛନ୍ତି ।