Flood Situation: ଦିଲ୍ଲୀ, ପଞ୍ଜାବ ଓ ହିମାଚଳରେ ସ୍ଥିତି ଅସମ୍ଭାଳ, ଯୁଆଡ଼େ ଦେଖିବେ ଖାଲି ପାଣି ହିଁ ପାଣି

ରାଜଧାନୀ ଦିଲ୍ଲୀ ଜଳମଗ୍ନ । ଗତକାଲି ମଧ୍ୟ ଏତେ ଜୋରଦାର ବର୍ଷା ହୋଇଥିଲା ଯେ ରାସ୍ତାଘାଟ ପାଣିରେ ବୁଡ଼ିଯାଇଥିଲା ଏବଂ ରାସ୍ତାରେ ଗାଡ଼ିଗୁଡ଼ିକର ଲମ୍ବା ଧାଡ଼ି ଲାଗିଯାଇଥିଲା। ଏହା ସହିତ ଉଛୁଳୁ ଥିବା ଯମୁନା ଯୋଗୁଁ ରାଜଧାନୀ ଦିଲ୍ଲୀର ଅନେକ ତଳି ଅଞ୍ଚଳରେ ପାଣି ଭର୍ତ୍ତି ହୋଇଛି।

ମୌସୁମୀ ବର୍ଷା କେଉଁଠାରେ ଆଶ୍ବସ୍ତି ଆଣୁଛି ତ କେଉଁଠାରେ ବିନାଶର କାରଣ ହେଉଛି। ଦିଲ୍ଲୀର ରାସ୍ତାଘାଟରୁ ଆରମ୍ଭ କରି ହିମାଚଳର ପାହାଡ଼ ଓ କାଶ୍ମୀରର ସୁନ୍ଦର ଉପତ୍ୟକା ପର୍ଯ୍ୟନ୍ତ ପ୍ରକୃତିର ପ୍ରକୋପ ଜାରି ରହିଛି। ଅନେକ ସ୍ଥାନରେ ଜନଜୀବନ ବିପର୍ଯ୍ୟସ୍ତ ହୋଇପଡ଼ିଛି। ଯମୁନାର ଉଛୁଳା ପାଣି, ଭୂସ୍ଖଳ ଓ ବନ୍ୟା ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି । ବର୍ଷା ହିମାଚଳ, ଉତ୍ତରାଖଣ୍ଡ, ଜମ୍ମୁ-କାଶ୍ମୀର, ପଞ୍ଜାବ ସମେତ ଅନେକ ରାଜ୍ୟରେ ପ୍ରଳୟ ଆଣିଛି । ପଞ୍ଜାବରେ ବନ୍ୟା ଯୋଗୁଁ ପରିସ୍ଥିତି ଅତ୍ୟନ୍ତ ଖରାପ ହୋଇପଡ଼ିଛି, ଅନେକ ଗାଁରେ ସବୁକିଛି ପାଣିରେ ବୁଡ଼ିଯାଇଛି, ଫସଲରୁ ଆରମ୍ଭ କରି ଘର ପର୍ଯ୍ୟନ୍ତ ସବୁକିଛି ଜଳମଗ୍ନ ହୋଇଛି।

rain

ରାଜଧାନୀ ଦିଲ୍ଲୀ ଜଳମଗ୍ନ । ଗତକାଲି ମଧ୍ୟ ଏତେ ଜୋରଦାର ବର୍ଷା ହୋଇଥିଲା ଯେ ରାସ୍ତାଘାଟ ପାଣିରେ ବୁଡ଼ିଯାଇଥିଲା ଏବଂ ରାସ୍ତାରେ ଗାଡ଼ିଗୁଡ଼ିକର ଲମ୍ବା ଧାଡ଼ି ଲାଗିଯାଇଥିଲା। ଏହା ସହିତ ଉଛୁଳୁ ଥିବା ଯମୁନା ଯୋଗୁଁ ରାଜଧାନୀ ଦିଲ୍ଲୀର ଅନେକ ତଳି ଅଞ୍ଚଳରେ ପାଣି ଭର୍ତ୍ତି ହୋଇଛି। ମଜନୁ କା ଟିଲା, ମୋନାଷ୍ଟ୍ରି ବଜାରରେ ପାଣି ଭର୍ତ୍ତି ହୋଇଛି। ଦିଲ୍ଲୀ ସଚିବାଳୟ ପର୍ଯ୍ୟନ୍ତ ଗତକାଲି ପାଣି ପହଞ୍ଚିଯାଇଥିଲା। ମୟୂର ବିହାର ଫେଜ୍-୧ ଓ ଯମୁନା ବଜାରରେ ବନ୍ୟା ପାଣି ରିଲିଫ୍ କ୍ୟାମ୍ପରେ ପଶିଯାଇଛି, ଯାହାଫଳରେ ବନ୍ୟା କାରଣରୁ ବିସ୍ଥାପିତ ଲୋକଙ୍କ ଅସୁବିଧା ଆହୁରି ବଢ଼ିଯାଇଛି। IMD ପୂର୍ବ, ଦକ୍ଷିଣ, ମଧ୍ୟ, ନୂଆ ଦିଲ୍ଲୀ, ଉତ୍ତର, ଦକ୍ଷିଣ-ପଶ୍ଚିମ ଓ ପଶ୍ଚିମ ଦିଲ୍ଲୀରେ ହାଲୁକାରୁ ମଧ୍ୟମ ବର୍ଷା ସହିତ ଘଡ଼ଘଡ଼ିର ସମ୍ଭାବନା ଥିବାରୁ ହଳଦିଆ ଓ ଅରେଞ୍ଜ ଆଲର୍ଟ ଜାରି କରିଛି। ଲୋକଙ୍କୁ ସତର୍କ ରହିବାକୁ ଅପିଲ୍ କରାଯାଇଛି।

rain

ହିମାଚଳ ପ୍ରଦେଶର କୁଲୁରେ ଗୁରୁବାର ଦିନ ଭାରି ବର୍ଷା ଯୋଗୁଁ ଭୂସ୍ଖଳ ଘଟିଛି । ଇନର ଅଖାଡ଼ା ବଜାର ନିକଟରେ ତିନୋଟି ଘର ମାଟିଖସିବାରେ ଦବିହୋଇଯାଇଛି, ଯେଉଁଥିରେ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଛି ଏବଂ ତିନି ଜଣ ଆହତ ହୋଇଛନ୍ତି। ପାଞ୍ଚ ଜଣ ନିଖୋଜ ଲୋକଙ୍କୁ ଖୋଜିବା ପାଇଁ NDRF, ପୁଲିସ ଓ ସ୍ଥାନୀୟ ପ୍ରଶାସନ ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ଏହାପୂର୍ବରୁ ମଣ୍ଡି ଜିଲ୍ଲାର ସୁନ୍ଦରନଗରରେ ମାଟିଖସିବା ଯୋଗୁଁ ଦୁଇଟି ଘର ଭୁଶୁଡି ପଡ଼ିଥିଲା । ଯେଉଁଥିରେ ଗୋଟିଏ ପରିବାରର ୪ ଜଣ ସହିତ ୬ ଜଣଙ୍କର ମୃତ୍ୟୁ ହୋଇଥିଲା। ରାମପୁରରୁ ଶିମଲା ଯାଉଥିବା ଏକ ଘରୋଇ ବସ୍ ଉପରେ ପଥର ଖସିପଡ଼ିବା ଯୋଗୁଁ ଦୁଇ ମହିଳାଙ୍କର ମୃତ୍ୟୁ ହୋଇଥିଲା ଏବଂ ୧୫ ଜଣ ଆହତ ହୋଇଥିଲେ। ହିମାଚଳରେ ଏପର୍ଯ୍ୟନ୍ତ ୩୪୩ ଜଣଙ୍କର ମୃତ୍ୟୁ ହୋଇଛି, ୪୩ ଜଣ ନିଖୋଜ ଅଛନ୍ତି, ଏବଂ ୩,୬୯୦ କୋଟି ଟଙ୍କାର କ୍ଷତି ହୋଇଛି। ରାଜ୍ୟରେ ୧,୨୯୨ଟି ରାସ୍ତା ବନ୍ଦ ହୋଇଛି, ଯେଉଁଥିରେ ମଣ୍ଡି, କୁଲୁ ଓ ଶିମଲା ସବୁଠାରୁ ଅଧିକ ପ୍ରଭାବିତ ହୋଇଛନ୍ତି।

rain

ଉତ୍ତରାଖଣ୍ଡରେ ପ୍ରବଳ ବର୍ଷା ଯୋଗୁଁ ଜାତୀୟ ଓ ରାଜ୍ୟ ରାଜପଥ ସମେତ ୫୪ଟି ରାସ୍ତା ବନ୍ଦ ହୋଇଛି। ଋଷିକେଶ-ଯମୁନୋତ୍ରୀ, ଋଷିକେଶ-ଗଙ୍ଗୋତ୍ରୀ ଓ ଋଷିକେଶ-କେଦାରନାଥ ମାର୍ଗ ଅନେକ ସ୍ଥାନରେ ଗମନାଗମନ ବାଧାପ୍ରାପ୍ତ ହୋଇଛି। ଯମୁନୋତ୍ରୀ ରାଜପଥର ସ୍ୟାନାଚଟ୍ଟିରେ ଯମୁନା ନଦୀର ପାଣି ପୋଲ ଉପରେ ବହିବା ଯୋଗୁଁ ଏଠାରେ ଯାତାୟାତ ବନ୍ଦ କରାଯାଇଛି। ଖରାପ ପାଗ ଯୋଗୁଁ ହେମକୁଣ୍ଡ ସାହିବ ଓ ଚାରଧାମ ଯାତ୍ରା ଉପରେ ଆଜି ଯାଏ କଟକଣା ଲଗାଯାଇଛି। ଏହାପୂର୍ବରୁ ଉତ୍ତରାଖଣ୍ଡର ଧରାଲିରେ ବାଦଲଫଟା ବର୍ଷା ପରେ ଆସିଥିବା ବନ୍ୟା ସବୁକିଛି ନଷ୍ଟ କରିଦେଇଥିଲା।