Donald Trump: ଡୋନାଲ୍ଡ ଟ୍ରମ୍ପଙ୍କ ହାତର ଏ କ’ଣ ହେଲା… ଫଟୋ ସୋସିଆଲ ମିଡିଆରେ ଭାଇରାଲ

ଟ୍ରମ୍ପଙ୍କର ଏମିତି କିଛି ଫଟୋ ସାମ୍ନାକୁ ଆସିଛି, ଯାହା ତାଙ୍କ ପ୍ରଶଂସକମାନଙ୍କୁ ବିଚଳିତ କରିଛି। ତାଙ୍କ ହାତର ଏକ ଫଟୋ ସୋସିଆଲ ମିଡିଆରେ ଲଗାତାର ଭାଇରାଲ ହେଉଛି। ଏଥିରେ ତାଙ୍କ ହାତରେ ଏକ ବଡ ଛଉ ଭଳି ଦେଖାଯାଉଛି।

ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏଥର ଟାରିଫ ନୁହେଁ ତାଙ୍କ ହାତକୁ ନେଇ ସବୁଠି ଚର୍ଚ୍ଚାରେ ଅଛନ୍ତି । ତାଙ୍କ ହାତରେ ଏକ ବଡ ଛଉ ହେବା ଭଳି ଦେଖାଯାଉଛି। ଏହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଲୋକେ କୌଣସି ଏକ ରୋଗକୁ ନେଇ ସନ୍ଦେହରେ ଅଛନ୍ତି। ଟ୍ରମ୍ପ ୮୦ ବର୍ଷ ବୟସରେ ପଦାର୍ପଣ କରିବାକୁ ଯାଉଛନ୍ତି ଏବଂ ଏ ବୟସରେ ମଧ୍ୟ ସେ ଖୁବ୍ ଉତ୍ସାହୀ ଦେଖାଯାଉଛନ୍ତି। କାହାକୁ ଆଲିଙ୍ଗନ କରିବା ହେଉ କି ହାତ ମିଳାଇବା, ଟ୍ରମ୍ପ୍‌ ସବୁବେଳେ ଲୋକଙ୍କୁ ବିନ୍ଦାସ୍ ହୋଇ ଭେଟନ୍ତି।

ବର୍ତ୍ତମାନ କିନ୍ତୁ ଟ୍ରମ୍ପଙ୍କର ଏମିତି କିଛି ଫଟୋ ସାମ୍ନାକୁ ଆସିଛି, ଯାହା ତାଙ୍କ ପ୍ରଶଂସକମାନଙ୍କୁ ବିଚଳିତ କରିଛି। ତାଙ୍କ ହାତର ଏକ ଫଟୋ ସୋସିଆଲ ମିଡିଆରେ ଲଗାତାର ଭାଇରାଲ ହେଉଛି। ଏଥିରେ ତାଙ୍କ ହାତରେ ଏକ ବଡ ଛଉ ଭଳି ଦେଖାଯାଉଛି। କୁହାଯାଉଛି ଯେ ପ୍ରତିଦିନ ଅନେକ ଲୋକଙ୍କ ସହ ହାତ ମିଳାଇବା ଯୋଗୁଁ ଟ୍ରମ୍ପଙ୍କ ହାତର ଏହି ଅବସ୍ଥା ହୋଇଛି।

ଟ୍ରମ୍ପ ହ୍ୱାଇଟ୍ ହାଉସ୍ ପାଖରେ ଥିବା ଏକ ମ୍ୟୁଜିୟମ୍‌କୁ ଯାଇଥିଲେ, ଯେଉଁଠାରେ ତାଙ୍କ ଡାହାଣ ହାତରେ କୌଣସି ଫାଉଣ୍ଡେସନ୍ ବା କନସିଲରର ଏକ ମୋଟା ସ୍ତର ଲଗାଯିବା ଭଳି ଦେଖାଯାଇଥିଲା। କିନ୍ତୁ ଅନ୍ୟ ହାତରେ ଏପରି କିଛି ନଥିଲା। ତେବେ ଏମିତି ହେବା ପ୍ରଥମ ଥର ନୁହେଁ, ପୂର୍ବରୁ ଟ୍ରମ୍ପଙ୍କ ହାତରେ ମଧ୍ୟ ଏମିତି ଦେଖାଯାଇଛି। ଫ୍ରାନ୍ସ ରାଷ୍ଟ୍ରପତି ଇମାନୁଏଲଙ୍କ ସହ ସାକ୍ଷାତ ସମୟରେ ଟ୍ରମ୍ପଙ୍କ ହାତର ଅବସ୍ଥା ମଧ୍ୟ ଏପରି ଥିଲା।

ତେବେ ହ୍ୱାଇଟ୍ ହାଉସ୍ ପ୍ରେସ୍ ବ୍ରିଫିଂ ସମୟରେ ଟ୍ରମ୍ପଙ୍କ ହାତର ଏହି ଅବସ୍ଥା ନେଇ ପ୍ରଶ୍ନ କରାଯାଇଥିଲା। ଏହାର ଉତ୍ତରରେ ହ୍ୱାଇଟ୍ ହାଉସ୍ ପ୍ରେସ୍ ସେକ୍ରେଟାରୀ କୋରାଲିନ୍ ଲେଭିଟ୍ କହିଥିଲେ ଯେ, ତାଙ୍କ ଗୋଡ଼ ଫୁଲିବା କାରଣରୁ ଡାକ୍ତରୀ ପରୀକ୍ଷା କରାଯାଇଛି, ତାଙ୍କ ଭେନ୍‌ ଯାଞ୍ଚ ମଧ୍ୟ କରାଯାଇଛି।

ସେ କହିଛନ୍ତି ଯେ ହାତ ମିଳାଇବା ଯୋଗୁଁ ଚର୍ମର କ୍ଷତି ହେବା ସାଧାରଣ କଥା। ରାଷ୍ଟ୍ରପତି ଏକ ପ୍ରକାର ଔଷଧ ଖାଆନ୍ତି। ଏହା ଚର୍ମକୁ ପତଳା କରିଦିଏ ଏବଂ ହାତ ମିଳାଇବା ସମୟରେ ଛିଣ୍ଡିଯିବା କିମ୍ବା କ୍ଷତ ହେବାର ଆଶଙ୍କା ଥାଏ।