Chocolate: ଚକୋଲେଟ ନେଇଗଲା ୭ ମାସ ଶିଶୁର ଜୀବନ, ଖେଳୁଥିବା ବେଳେ ...

ଡାକ୍ତରମାନେ ପରୀକ୍ଷା କରିବା ପରେ ଶିଶୁଟିକୁ ମୃତ ଘୋଷଣା କରିଥିଲେ। ଏହି ଘଟଣା ପରେ ପିତାମାତା ଗଭୀର ଦୁଃଖରେ ଭାଙ୍ଗି ପଡ଼ିଛନ୍ତି । ପୁରା ପରିବାରରେ ଶୋକର ଛାୟା ଖେଳିଯାଇଛି।

ମହାରାଷ୍ଟ୍ରରୁ ଏକ ହୃଦୟବିଦାରକ ଘଟଣା ସାମ୍ନାକୁ ଆସିଛି। ମାତ୍ର ସାତ ମାସର ଏକ ନିରୀହ ଶିଶୁକନ୍ୟାର ଜୀବନ ଏକ ଚକୋଲେଟ କାରଣରୁ ଚାଲିଯାଇଛି। ଏହି ଦୁର୍ଘଟଣା ସେତେବେଳେ ଘଟିଥିଲା, ଯେତେବେଳେ ଶିଶୁଟି ଘରେ ଖେଳୁଥିଲା ଏବଂ ହଠାତ୍ ଏକ ଚକୋଲେଟର ଟୁକୁଡ଼ା ଗିଳିଦେଇଥିଲା ।

ମୃତ ଶିଶୁକନ୍ୟା ଆରୋହୀ ଆନନ୍ଦ ଖୋଡ଼ । ଖେଳୁଖେଳୁ ସେ ଭୁଲରେ ଏକ ଚକୋଲେଟ ଟୁକୁଡ଼ା ଗିଳିବାକୁ ଚେଷ୍ଟା କରିଥିଲା, କିନ୍ତୁ ସେହି ଟୁକୁଡ଼ା ତା’ ଗଳାରେ ଅଟକି ଯାଇଥିଲା। ପରିବାର ଲୋକେ ଶିଶୁଟିର ବିଗିଡ଼ିଯାଉଥିବା ଅବସ୍ଥା ଦେଖି ତାକୁ ତୁରନ୍ତ ହସ୍ପିଟାଲ ନେଇଥିଲେ, କିନ୍ତୁ ସେତେବେଳକୁ ବହୁତ ଡେରି ହୋଇଯାଇଥିଲା।

ଡାକ୍ତରମାନେ ପରୀକ୍ଷା କରିବା ପରେ ଶିଶୁଟିକୁ ମୃତ ଘୋଷଣା କରିଥିଲେ। ଏହି ଘଟଣା ପରେ ପିତାମାତା ଗଭୀର ଦୁଃଖରେ ଭାଙ୍ଗି ପଡ଼ିଛନ୍ତି । ପୁରା ପରିବାରରେ ଶୋକର ଛାୟା ଖେଳିଯାଇଛି।

ନିକଟରେ ଛତିଶଗଡ଼ର ବିଲାସପୁରରେ ୧୬ ମାସର ଏକ ଶିଶୁର ଗଳାରେ ଏକ ଛୋଟ ଚଣା ଅଟକିବାରୁ ମୃତ୍ୟୁ ହୋଇଥିଲା। ମଜୁରୀ କରି ଗୁଜୁରାଣ ମେଣ୍ଟାଉଥିବା ଜୟ କୁମାରଙ୍କ ପୁତ୍ର ଘରେ ଚଣା ଖାଉଥିବା ବେଳେ ଏକ ଚଣା ତା’ ଗଳାରେ ଅଟକି ଯାଇଥିଲା। ଶିଶୁକୁ ପରିବାର ଲୋକେ ହସ୍ପିଟାଲ ନେଇଥିଲେ, କିନ୍ତୁ ସେତେବେଳେ ତା’ର ମୃତ୍ୟୁ ହୋଇସାରିଥିଲା।

ଫରୁଖାବାଦରେ ପାଞ୍ଚ ବର୍ଷର ଏକ ଶିଶୁକନ୍ୟାର ବେଲୁନ ଗିଳିଦେବାରୁ ମୃତ୍ୟୁ ହୋଇଥିଲା। ଭଡ଼ୌସା ଗାଁର ନିବାସୀ ମୋହମ୍ମଦ ନାଜିଦଙ୍କ ଝିଅ ଘର ବାହାରେ ଖେଳୁଥିଲା। ପିଲାମାନେ ବେଲୁନ ଫୁଲାଉଥିଲେ ।

ଶିଶୁକନ୍ୟାଟି ଏକ ବେଲୁନ ମୁହଁରେ ପୁରାଇ ଦେଇଥିଲା। ବେଲୁନଟି ତା’ ଗଳାରେ ଅଟକି ଯାଇଥିଲା। ପରିବାର ଲୋକେ ତାକୁ ହସ୍ପିଟାଲ ନେବାକୁ ଲାଗିଥିଲେ, କିନ୍ତୁ ଶିଶୁଟି ବାଟରେ ହିଁ ପ୍ରାଣ ହରାଇଥିଲା।