Bulldozer action: ଅଭିଷେକ ବାନାର୍ଜୀଙ୍କ ‘ବେଆଇନ୍ କାର୍ଯ୍ୟାଳୟ’, ୫ ମହଲା କୋଠା ଭାଙ୍ଗିବାକୁ ଲାଗିଲା ୩ ଜେସିବି
କୋଲକାତା,୧୮।୭: ଟିଏମ୍ସି ସାଂସଦ ଓ ମମତା ବାନାର୍ଜୀଙ୍କ ପୁତୁରା ଅଭିଷେକ ବାନାର୍ଜୀଙ୍କ ‘ବେଆଇନ୍ ଭାବରେ ନିର୍ମିତ’ କାର୍ଯ୍ୟାଳୟକୁ ଧ୍ବଂସ କରିବା ପାଇଁ ବୁଲଡୋଜର ଆକ୍ସନ ହେଉଛି। ଏହି ୫ ମହଲା ଅଫିସ ଖସାଇବା ପାଇଁ ତିନୋଟି ବୁଲଡୋଜର କାମ କରୁଛି। ଅଭିଷେକ ବାନାର୍ଜୀଙ୍କ ଏହି ଅଫିସ ଅମତାଲା-ବାଇରୁପୁର ରୋଡ୍ରେ ରହିଛି। ପ୍ରଶାସନ ଏହି ବିଲ୍ଡିଂକୁ ଭାଙ୍ଗିବା ପାଇଁ ପୂର୍ବରୁ ବି ନୋଟିସ୍ ଜାରି କରିଥିଲା। କିନ୍ତୁ ଏନେଇ ଅଭିଷେକଙ୍କ ପକ୍ଷରୁ କୌଣସି ଜବାବ୍ ମିଳିନାହିଁ। ଏହାପରେ ଶନିବାର ପ୍ରଶାସନ ଏହି ବିଲ୍ହିଂକୁ ଭୁଶୁଡାଇବାର କାମ ଆରମ୍ଭ କରିଛି।
ସାଂସଦ ଅଭିଷେକ ବାନାର୍ଜୀଙ୍କ ଏହି ଅଫିସ ଦକ୍ଷିଣ ୨୪ ପ୍ରଗଣା ଜିଲ୍ଲାରେ ରହିଛି। ଟିଏମସି ଜେନେରାଲ ସେକ୍ରେଟରୀ ଓ ଡାଇମଣ୍ଡ ହାର୍ବର ସାଂସଦ ଅଭିଷେକ ବାନାର୍ଜୀଙ୍କ ଏହି ଅଫିସକୁ ‘ବେଆଇନ୍ ନିର୍ମାଣ’ ଅଭିଯୋଗରେ ଭଙ୍ଗା ଯାଉଥିବା କାର୍ଯ୍ୟାନୁଷ୍ଠାନ ହେବାପରେ ରାଜନୈତିକ ବିବାଦ ବଢିଯାଇଛି।’ ଏହି ବିଲ୍ଡିଂ ଆଗରେ ଯେତେବେଳେ ସକାଳେ ବୁଲଡୋଜର ପହଁଞ୍ଚିଥିଲା। ସ୍ଥାନୀୟ ଲୋକ ସେଠାରେ ଜମା ହୋଇଯାଇଥିଲେ। ଏହି ସମୟରେ ବିଜେପି ଓ ଟିଏମ୍ସି କର୍ମୀ ମଧ୍ୟ ସେଠାରେ ଜମା ହୋଇଯାଇଥିସଲେ। ସ୍ଥିତି ବିବାଦୀୟ ରୂପ ନେଇଥିଲା। ଏହାକୁ ଦେଖି ପ୍ରଶାସନକୁ ଅଧିକ ସୁରକ୍ଷାକର୍ମୀ ଡକାଇବାକୁ ପଡିଥିଲା। ଶନିବାର ସକାଳେ କାର୍ଯ୍ୟାନୁଷ୍ଠାନ ଆରମ୍ଭ ହୋଇଥିଲା। ପୋଲିସ ଏବଂ କେନ୍ଦ୍ରୀୟ ବାହିନୀ ବ୍ୟାରିକେଡ୍ ନିର୍ମାଣ କରି କାର୍ଯ୍ୟାଳୟକୁ ଘେରି ରହିଥିଲେ। ତା'ପରେ, ମଧ୍ୟାହ୍ନ ପ୍ରାୟ ୧୨ଟାରେ, ପ୍ରଶାସନ ତିନୋଟି ବୁଲଡୋଜର ସହିତ ପହଞ୍ଚି କାର୍ଯ୍ୟାଳୟ ସାମ୍ନାରେ ଥିବା ସେଡ୍କୁ ହଟାଇବା ଆରମ୍ଭ କରିଥିଲା, ତା'ପରେ କୋଠାର ସମ୍ମୁଖ ଅଂଶକୁ ଭାଙ୍ଗି ଦିଆଯାଇଥିଲା।
ସୁରକ୍ଷା ଦୃଷ୍ଟିରୁ ବହୁ ସଂଖ୍ୟକ ପୋଲିସ କର୍ମଚାରୀଙ୍କୁ ନିୟୋଜିତ କରାଯାଇଛି। ପୂର୍ବରୁ ପ୍ରଶାସନ ପକ୍ଷରୁ ଏକ ନୋଟିସ୍ ଲଗାଯାଇଥିଲା ଯେଉଁଥିରେ ଅଭିଯୋଗ କରାଯାଇଥିଲା ଯେ ଅନୁମତି ବିନା କୋଠା ନିର୍ମାଣ କରାଯାଇଛି। ବିଧାନସଭା ନିର୍ବାଚନ ଫଳାଫଳ ଘୋଷଣା ହେବା ପରଠାରୁ କାର୍ଯ୍ୟାଳୟଟି ବନ୍ଦ ଥିଲା। ଜିଲ୍ଲା ପ୍ରଶାସନ ଦାବି କରୁଛି ଯେ କାର୍ଯ୍ୟାଳୟଟି ବେଆଇନ ଭାବରେ ନିର୍ମିତ। କୌଣସି ଡକ୍ୟୁମେଣ୍ଟେସନ୍ ବିନା କାର୍ଯ୍ୟାଳୟ ନିର୍ମାଣ କରାଯାଇଥିଲା। କାର୍ଯ୍ୟାଳୟ ନିର୍ମାଣ ସହିତ ଜଡିତ କୌଣସି ବୈଧ କାଗଜପତ୍ର ଉପସ୍ଥାପନ କରାଯାଇ ନାହିଁ। ପଶ୍ଚିମବଙ୍ଗ ନିର୍ବାଚନ ଫଳାଫଳ ପରେ ଏହି ଅଫିସ ବନ୍ଦ ପଡିଥିଲା। ଡାଇମଣ୍ଡ ହାର୍ବରରେ ଯେତେବେଳେ ବି କୌଣସି ବୈଠକ ହୁଏ, ଏହି କାର୍ଯ୍ୟାଳୟରେ ହୋଇଥାଏ। ଏହାର ଆୟୋଜନ ଟିଏମ୍ସି ଦ୍ବାରା କରାଯାଏ।
ଆହୁରି ପଢନ୍ତୁ : ସଚ୍ଚୋଟତାକୁ ଛାଡିପାରିଲେନି ଡାକ୍ତର, ପ୍ରଡକ୍ଟ ପ୍ରମୋସନ୍ ପାଇଁ ୨୫ ଲକ୍ଷ ଟଙ୍କାର ଅଫରକୁ କଲେ ପ୍ରତ୍ୟାଖାନ
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ PRAMEYA - ପ୍ରମେୟ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
