Big Relief: ଦେବାକୁ ପଡ଼ିବନି ପୁରୁଣା ଟ୍ରାଫିକ ଚାଲାଣ, ତୁରନ୍ତ କରନ୍ତୁ ରେଜିଷ୍ଟ୍ରେସନ୍ଉ...ଉଠାନ୍ତୁ ଫାଇଦା

ଟୋକନ ପାଇବା ପାଇଁ ପ୍ରଥମେ ଜାତୀୟ ଆଇନ ସେବା ପ୍ରାଧିକରଣ ବା NALSAର ୱେବସାଇଟରେ ଅନଲାଇନରେ ଆବେଦନ କରିବାକୁ ପଡିବ। ୱେବସାଇଟ୍ ଖୋଲି ଲୋକ ଅଦାଲତ ଆବେଦନର ବିକଳ୍ପ ବାଛନ୍ତୁ। ଫର୍ମ ପୂରଣ କରନ୍ତୁ ଏବଂ ଆବଶ୍ୟକୀୟ ଡକ୍ୟୁମେଣ୍ଟ ଅପଲୋଡ୍ କରନ୍ତୁ।

ଟ୍ରାଫିକ୍ ସିଗନାଲ ଭାଙ୍ଗିବା, ଦ୍ରୁତ ଗତିରେ ଗାଡ଼ି ଚଲାଇବା, ହେଲମେଟ୍ ନ ପିନ୍ଧିବା କିମ୍ବା ଭୁଲ ପାର୍କିଂ ଭଳି ଟ୍ରାଫିକ୍ ନିୟମ ଉଲ୍ଲଂଘନ କାରଣରୁ ହଜାର ହଜାର ଟଙ୍କା ପର୍ଯ୍ୟନ୍ତ ଚାଲାଣ କଟାଯାଇଥାଏ। ଅନେକ ସମୟରେ ଲୋକମାନେ ଘଟଣାସ୍ଥଳରେ ଜରିମାନା ଦେଇ ମାମଲା ସମାଧାନ କରନ୍ତି। ହେଲେ ଯେଉଁମାନଙ୍କର ଅନଲାଇନ ଚାଲାଣ ଏପର୍ଯ୍ୟନ୍ତ ପଡ଼ି ରହିଛି। ଏବେ ସେମାନଙ୍କ ପାଇଁ ଆସିଛି ସୁବର୍ଣ୍ଣ ସୁଯୋଗ। କାରଣ ଏବେ ଆପଣ ଚାହିଁଲେ ସେହି ବାରି ପଡ଼ିଥିବା ଚାଲାଣକୁ ସମ୍ପୁର୍ଣ୍ଣ ଛାଡ଼ କିମ୍ବା ହ୍ରାସ କରି ପାଇପାରିବେ।

୧୩ ସେପ୍ଟେମ୍ବରରେ ଅନୁଷ୍ଠିତ ହେବାକୁ ଯାଉଛି ଜାତୀୟ ଲୋକ ଅଦାଲତ। ଯେଉଁଠାରେ ଆପଣଙ୍କ ଏହି ଚାଲାଣ ମାମଲାର ସମାଧାନ ପାଇ ପାରିବେ। ତେବେ ଏଥିପାଇଁ, ଆବେଦନକାରୀମାନଙ୍କୁ ପ୍ରଥମେ ଅନଲାଇନ୍ ପଞ୍ଜୀକରଣ ପ୍ରକ୍ରିୟା ମାଧ୍ୟମରେ ଏକ ଟୋକନ୍ ପାଇବାକୁ ପଡିବ। ଟୋକନ୍ ଏବଂ ନିଯୁକ୍ତି ପତ୍ର ବିନା ମାମଲା ଶୁଣାଣି କରାଯିବ ନାହିଁ।

ଟୋକନ ପାଇବା ପାଇଁ ପ୍ରଥମେ ଜାତୀୟ ଆଇନ ସେବା ପ୍ରାଧିକରଣ ବା NALSAର ୱେବସାଇଟରେ ଅନଲାଇନରେ ଆବେଦନ କରିବାକୁ ପଡିବ। ୱେବସାଇଟ୍ ଖୋଲି ଲୋକ ଅଦାଲତ ଆବେଦନର ବିକଳ୍ପ ବାଛନ୍ତୁ। ଫର୍ମ ପୂରଣ କରନ୍ତୁ ଏବଂ ଆବଶ୍ୟକୀୟ ଡକ୍ୟୁମେଣ୍ଟ ଅପଲୋଡ୍ କରନ୍ତୁ। ପରେ ଆପଣ ମେଲ୍ କିମ୍ବା ମୋବାଇଲରେ ଟୋକନ୍ ନମ୍ବର ପାଇବେ। ଶୁଣାଣି ଦିନ, ଆପଣଙ୍କୁ ଟୋକନ୍ ଅନୁଯାୟୀ ଡକାଯିବ।

ଆପଣଙ୍କୁ ଗାଡ଼ିର ମୂଳ କାଗଜପତ୍ର ଏବଂ ଚାଲାଣର ଏକ ସାଙ୍ଗରେ ନେଇ ଯିବାକୁ ପଡ଼ିବ। ବିଚାରପତିଙ୍କ ପାଖରେ ଆପଣଙ୍କ ଚାଲାଣକୁ ସମ୍ପୂର୍ଣ୍ଣ ଛାଡ଼ କରିବା କିମ୍ବା ଏହାକୁ ଯଥେଷ୍ଟ ହ୍ରାସ କରିବାର ଅଧିକାର ଅଛି। ତେବେ ପ୍ରଥମ ଥର ପାଇଁ ଅପରାଧୀମାନଙ୍କୁ ପ୍ରାୟତଃ ଆଶ୍ୱସ୍ତି ମିଳିଥାଏ। କିନ୍ତୁ ଯେଉଁମାନେ ବାରମ୍ବାର ନିୟମ ଭଙ୍ଗ କରନ୍ତି ସେମାନଙ୍କଠାରୁ ଜରିମାନା ଆଦାୟ କରାଯାଇପାରିବ।

ଲୋକ ଅଦାଲତ ହେଉଛି ସାଧାରଣ ଲୋକଙ୍କ ପାଇଁ ଚାଲାଣ ଛାଡ଼ ପାଇବାର ସହଜ ଉପାୟ। ଏଠାରେ ଆପଣଙ୍କୁ କେବଳ ଟ୍ରାଫିକ୍ ଚାଲାଣରୁ ମୁକ୍ତି ମିଳିବ ନାହିଁ, ବରଂ ବର୍ଷ ବର୍ଷ ଧରି ଅଟକି ରହିଥିବା ଛୋଟ ମାମଲାଗୁଡ଼ିକର ମଧ୍ୟ ସମାଧାନ ହେବ। ତେଣୁ ଏହି ସୁଯୋଗକୁ ହାତଛଡ଼ା କରନ୍ତୁ ନାହିଁ।