Ahmedabad Murder: ପ୍ରତିଶୋଧପରାୟଣ ଜୁନିଅର, ସିନିଅର ଛାତ୍ରଙ୍କୁ ଛୁରୀ ଭୁଷି ହତ୍ୟା କଲା; ସାଙ୍ଗକୁ ଚାଟିଂ କରି ସବୁ କହିଲା

ଅହମ୍ମଦାବାଦର ଏକ ଘରୋଇ ସ୍କୁଲରେ ପଢୁଥିବା ନୟନଙ୍କୁ ତାଙ୍କର ଜଣେ ଜୁନିଅର ତାଙ୍କୁ ଛୁରୀ ଭୁଷି ହତ୍ୟା କରିଛନ୍ତି। ସ୍କୁଲ ପରିସରରେ ସାମ୍ପ୍ରଦାୟିକ ହିଂସା ବୃଦ୍ଧି ପାଇଛି।

ଅହମ୍ମଦାବାଦର ଏକ ଘରୋଇ ସ୍କୁଲର ଜଣେ ଦଶମ ଶ୍ରେଣୀ ଛାତ୍ରଙ୍କୁ ନବମ ଶ୍ରେଣୀ ଛାତ୍ର ଝଗଡ଼ା ପରେ ଛୁରି ଭୁସି ହତ୍ୟା କରିଥିଲେ। ଯାହା ଫଳରେ ବୁଧବାର ଦିନ ଅଭିଭାବକ ଏବଂ ସ୍ଥାନୀୟ ଲୋକଙ୍କ ମଧ୍ୟରେ ପ୍ରବଳ ବିରୋଧ ପ୍ରଦର୍ଶନ ହୋଇଥିଲା। ସ୍କୁଲରେ ମଧ୍ୟ ବହୁତ ଭଙ୍ଗାରୁଜା ହୋଇଥିଲା। ମୃତ ଛାତ୍ର ଜଣକ ହେଉଛନ୍ତି ନୟନ। ନୟନ ଓ ଅଭିଯୁକ୍ତ ଛାତ୍ର ମଧ୍ୟରେ କୌଣସି କାରଣକୁ ନେଇ ଝଗଡା ହୋଇଥିଲା। ଯାହା ପରେ ରାଗରେ ଅଭିଯୁକ୍ତ ଛାତ୍ର ଜଣକ ନୟନଙ୍କୁ ଛୁରୀ ଭୁଷି ହତ୍ୟା କରିଥିଲେ।

ପୂର୍ବ ଶତ୍ରୁତାର ପ୍ରତିଶୋଧ ନେବାକୁ ଯାଇ ଅଭିଯୁକ୍ତ ଛାତ୍ର ବ୍ୟାଗରେ ଏକ ଛୁରୀ ନେଇ ଆସିଥିଲେ ଏବଂ ଛାତ୍ରଙ୍କୁ ଛୁରୀ ଭୁଷି ହତ୍ୟା କରିଥିଲେ। ମଙ୍ଗଳବାର ଦିନ ଛୁରୀରେ ଆକ୍ରମଣ କରିବା ପରେ ରାତିରେ ଚିକିତ୍ସା ସମୟରେ ନୟନ ଆହତ ହୋଇ ମୃତ୍ୟୁବରଣ କରିଥିଲେ। ମୁଖ୍ୟ ପ୍ରସଙ୍ଗ ହେଉଛି, ନୟନ ସିନ୍ଧି ସମ୍ପ୍ରଦାୟର ହୋଇଥିବା ବେଳେ ଅଭିଯୁକ୍ତ ଛାତ୍ର ଜଣକ ମୁସଲିମ୍ ସମ୍ପ୍ରଦାୟର।

ଏହି ଘଟଣା ପରେ ସିନ୍ଧି ସମ୍ପ୍ରଦାୟର ହଜାର ହଜାର ଲୋକେ ସ୍କୁଲ ପରିସରରେ ହଙ୍ଗାମା କରିଥିବା ବେଳେ ହିନ୍ଦୁ ସଙ୍ଗଠନ ଓ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦର କର୍ମମତ୍ତାମାନେ ତୀବ୍ର ବିରୋଧ ପ୍ରଦର୍ଶନ କରିଥିଲେ। ବିକ୍ଷୋଭ ପ୍ରଦର୍ଶନକାରୀମାନେ ସ୍କୁଲ ପରିସରରେ ଭଙ୍ଗାରୁଜା କରିବା ସହ ସ୍କୁଲ କର୍ମଚାରୀଙ୍କୁ ମଧ୍ୟ ଆକ୍ରମଣ କରିଥିଲେ। ପୋଲିସ୍ ଅଭିଯୁକ୍ତ ଛାତ୍ରକୁ ଅଟକ ରଖି ନାବାଳକ ଅପରାଧ ଆଇନ ଅନୁଯାୟୀ, ତା’ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୋଲିସ୍ କହିଛି।

ତେବେ ଏହି ତଦନ୍ତ ସମୟରେ ପୋଲିସକୁ ଏକ ଚାଟ୍ ମିଳିଛି। ଯେଉଁଥିରେ ଅଭିଯୁକ୍ତ ଛାତ୍ର ଓ ତାଙ୍କ ସାଙ୍ଗଙ୍କ ମଧ୍ୟରେ କଥାବାର୍ତ୍ତା ସମୟର ଚାଟ୍ ର ସ୍କ୍ରିନସଟ୍ ସାମନାକୁ ଆସିଛି। ଯେଉଁଥିରେ ଲେଖା ଅଛି:

ସାଙ୍ଗ: ଆଜି ତୁମେ କିଛି କରିଛ କି?

ଅଭିଯୁକ୍ତ: ହଁ।

ସାଙ୍ଗ: ତୁମେ କାହାକୁ ଛୁରା ମାରିଛ କି?

ଅଭିଯୁକ୍ତ: ତୁମକୁ କିଏ କହିଲା?

ସାଙ୍ଗ: ଦୟାକରି ଟିକେ ଫୋନ୍ କର।

ଅଭିଯୁକ୍ତ: ନା, ନା। ମୁଁ ମୋ ଭାଇ ସହିତ ଅଛି। ସେ ଜାଣିନାହିଁ ଯେ ଆଜି କ'ଣ ଘଟିଛି।

ସାଙ୍ଗ: ସେ (ପୀଡିତ ନୟନ) ମରିଯାଇଛି।

ଅଭିଯୁକ୍ତ ତା'ପରେ ପଚାରିଲା ଯେ ସେ ଏହି ଘଟଣା ବିଷୟରେ କିପରି ଜାଣିଲେ। ସାଙ୍ଗ କହିଥିଲେ ଯେ ସେ ରାସ୍ତାରେ ଏ ଘଟଣା ବିଷୟରେ ଜାଣିଥିବା ଜଣେ ବ୍ୟକ୍ତିଙ୍କୁ ଭେଟିଥିଲେ ଯିଏ ତାଙ୍କୁ ଏ ବିଷୟରେ କହିଥିଲେ।

ଅଭିଯୁକ୍ତ: ତାକୁ (କମନ ଫ୍ରେଣ୍ଡ) କୁହ ଯେ ମୁଁ ତାକୁ ହତ୍ୟା କରିଛି। ସେ ମୋତେ ଜାଣେ, ତାକୁ ଏବେ କୁହ।

ସାଙ୍ଗ: ପ୍ରକୃତରେ କ’ଣ ଘଟିଥିଲା?

ଅଭିଯୁକ୍ତ: ଆରେ, ସେ (ପୀଡିତ ନୟନ) ମୋତେ ପଚାରିଲା, “ତୁମେ କିଏ ଏବଂ ତୁମେ କଣ କରିବ?” ଏମିତି କିଛି।

ସାଙ୍ଗ: ଏଥିପାଇଁ ତୁମେ କାହାକୁ ଛୁରୀରେ ମାରିପାରିବ ନାହିଁ। ତୁମେ ତାକୁ କେବଳ ପିଟି ଦେଇଥାନ୍ତ, ମାରି ନଥାନ୍ତ।

ଅଭିଯୁକ୍ତ: ଯାହା ଘଟିବାର ଥିଲା ତାହା ଘଟି ସାରିଛି।

ସାଙ୍ଗ: ନିଜ ଯତ୍ନ ନିଅ। କିଛି ସମୟ ପାଇଁ ଫେରାର ହୋଇଯାଅ। ଏହି ଚାଟ୍‌ଗୁଡ଼ିକୁ ଡିଲିଟ୍ କର।

ଅଭିଯୁକ୍ତ: ଠିକ୍ ଅଛି।