AGRA: ଆଗ୍ରାରେ ଚାଞ୍ଚଲ୍ୟ: ସ୍ୱାମୀଙ୍କୁ ୨୦ଟି ନିଦ ବଟିକା ଖୁଆଇ ହତ୍ୟା: ଶବକୁ ବାଥରୁମ୍‌ ତଳେ ପୋତିଦେଇଥିବା ଅଭିଯୋଗ

"ଆଗ୍ରା: ଉତ୍ତରପ୍ରଦେଶର ଆଗ୍ରାରେ ଏକ ଚାଞ୍ଚଲ୍ୟକର ହତ୍ୟାକାଣ୍ଡ ସାମ୍ନାକୁ ଆସିଛି।

ସ୍ୱାମୀଙ୍କୁ ନିଦ ବଟିକା ଖୁଆଇବା ପରେ ହତ୍ୟା କରି ଘରର ବାଥରୁମ୍‌ ତଳେ ପୋତିଦେଇଥିବା ଅଭିଯୋଗରେ ପୁଲିସ ମୃତକଙ୍କ ପତ୍ନୀଙ୍କୁ ଗିରଫ କରିଛି।

ତଦନ୍ତରୁ ଜଣାପଡ଼ିଛି ଯେ, ହତ୍ୟା ପୂର୍ବରୁ ଅଭିଯୁକ୍ତା ସ୍ୱାମୀଙ୍କୁ ପ୍ରାୟ ୨୦ଟି ନିଦ ବଟିକା ଖୁଆଇଥିଲେ, ଯାହାଫଳରେ ସେ ଅଚେତ ହୋଇପଡ଼ିଥିଲେ।Advertisment ପୁଲିସ ସୂଚନା ଅନୁସାରେ, ମୃତକଙ୍କ ନାମ ସୁରେନ୍ଦ୍ର ଶର୍ମା।

ତାଙ୍କ ପତ୍ନୀ ରୁବି ଶର୍ମାଙ୍କ ବିରୋଧରେ ହତ୍ୟା ଓ ପ୍ରମାଣ ନଷ୍ଟ କରିବା ଅଭିଯୋଗ ରହିଛି।

ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ, ରୁବି ପ୍ରଥମେ ସୁରେନ୍ଦ୍ରଙ୍କୁ ଖାଦ୍ୟରେ ନିଦ ବଟିକା ମିଶାଇ ଖୁଆଇଥିଲେ।

ସେ ଅଚେତ ହେବା ପରେ ତାଙ୍କ ମୁହଁ ଓ ନାକ ଚାପି ହତ୍ୟା କରାଯାଇଥିବା ସନ୍ଦେହ କରାଯାଉଛି।

ତେବେ ମୃତ୍ୟୁର ଠିକ୍ କାରଣ ପୋଷ୍ଟମର୍ଟମ୍‌ ରିପୋର୍ଟ ପରେ ସ୍ପଷ୍ଟ ହେବ।

ହତ୍ୟା ପରେ ରୁବି ଶର୍ମା ଘରର ବାଥରୁମ୍‌ ଭିତରେ ଏକ ଗଭୀର ଗାତ ଖୋଳି ସେଥିରେ ସୁରେନ୍ଦ୍ରଙ୍କ ମୃତଦେହକୁ ପୋତି ଦେଇଥିଲେ।

ଏହାପରେ ସିମେଣ୍ଟ ଓ ଟାଇଲ୍‌ ଲଗାଇ ବାଥରୁମ୍‌କୁ ପୂର୍ବଭଳି କରିଦେଇଥିଲେ, ଯାହାଫଳରେ କାହାରି ସନ୍ଦେହ ହେବ ନାହିଁ।

କିଛି ଦିନ ଧରି ସୁରେନ୍ଦ୍ରଙ୍କ ଖୋଜଖବର ନ ମିଳିବାରୁ ପରିବାର ସଦସ୍ୟମାନେ ପୁଲିସରେ ଅଭିଯୋଗ କରିଥିଲେ।

ଆହୁରି ପଢନ୍ତୁ: Ram Mandir: ଅଭିଯୁକ୍ତଙ୍କ ସହ ଅଖିଳେଶଙ୍କ ସମ୍ପର୍କ ନେଇ ପ୍ରଶ୍ନକଲା ବିଜେପି.

ପ୍ରିୟଙ୍କାଙ୍କୁ ଘେରିଲା ଭିଏଚ୍‌ପି ତଦନ୍ତ ସମୟରେ ପୁଲିସ ଘର ଯାଞ୍ଚ କରିବା ବେଳେ ବାଥରୁମ୍‌ର ନୂଆ ନିର୍ମାଣକୁ ନେଇ ସନ୍ଦେହ କରିଥିଲା।

ଖୋଳାଖୋଳି କରାଯିବା ପରେ ସେଠାରୁ ସୁରେନ୍ଦ୍ରଙ୍କ ମୃତଦେହ ଉଦ୍ଧାର କରାଯାଇଥିଲା।

ମୃତଦେହକୁ ପୋଷ୍ଟମର୍ଟମ୍‌ ପାଇଁ ପଠାଯାଇଥିବା ବେଳେ ଫରେନ୍ସିକ୍‌ ଟିମ୍‌ ମଧ୍ୟ ଘଟଣାସ୍ଥଳରୁ ବିଭିନ୍ନ ନମୁନା ସଂଗ୍ରହ କରିଛି।

ପାରିବାରିକ ବିବାଦକୁ ହତ୍ୟାର ସମ୍ଭାବ୍ୟ କାରଣ ବୋଲି ମନେ କରାଯାଉଛି।

ତେବେ ଏହା ପଛରେ ଅନ୍ୟ କୌଣସି କାରଣ କିମ୍ବା ଅନ୍ୟ କାହାର ସମ୍ପୃକ୍ତି ଅଛି କି ନାହିଁ, ସେ ଦିଗରେ ମଧ୍ୟ ତଦନ୍ତ ଚାଲିଛି।

ଅଭିଯୁକ୍ତ ରୁବି ଶର୍ମାଙ୍କୁ ଅଦାଲତରେ ହାଜର କରାଯାଇଥିବା ବେଳେ ପୁଲିସ ତାଙ୍କୁ ରିମାଣ୍ଡରେ ନେଇ ଅଧିକ ପଚରାଉଚରା କରିବାକୁ ପ୍ରସ୍ତୁତି ଚଳାଇଛି।

ଏହି ଘଟଣା ସମଗ୍ର ଆଗ୍ରା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି।"