Agarkar's clear message to Shami: ମହମ୍ମଦ ଶାମିଙ୍କ ପାଇଁ ଅଗରକରଙ୍କ ସ୍ପଷ୍ଟ ସନ୍ଦେଶ, ଏମିତି କଲେ ଟିମ୍ ଇଣ୍ଡିଆରେ ମିଳିବ ସ୍ଥାନ
ବୁମ୍ରାଙ୍କ ଅନୁପସ୍ଥିତିରେ ନୂଆ ମୁହଁକୁ ସୁଯୋଗ, ମହମ୍ମଦ ଶାମିଙ୍କ ପାଇଁ ବଢ଼ିଲା ଚ୍ୟାଲେଞ୍ଜ। ଦଳକୁ ଫେରିବାକୁ ହେଲେ ଫିଟନେସ ସହ ଘରୋଇ କ୍ରିକେଟ୍ରେ ଲଗାତାର ଦମଦାର ପ୍ରଦର୍ଶନ ଦେଖାଇବାକୁ ପଡ଼ିବ ବୋଲି ସଙ୍କେତ ଦେଇଛନ୍ତି ଚୟନକର୍ତ୍ତା।
ଯସପ୍ରୀତ ବୁମ୍ରା ଆହତ କାରଣରୁ ଶ୍ରୀଲଙ୍କା ବିପକ୍ଷ ଟେଷ୍ଟ ସିରିଜରୁ ବାହାରିବା ପରେ ବିସିସିଆଇ ଜମ୍ମୁ-କାଶ୍ମୀରର ପେସର ଆକିବ୍ ନବିଙ୍କୁ ତାଙ୍କ ବଦଳ ଖେଳାଳି ଭାବେ ଚୟନ କରିଛି।
ଏହି ନିଷ୍ପତ୍ତି ଅଭିଜ୍ଞ ବୋଲର ମହମ୍ମଦ ଶାମିଙ୍କ ପାଇଁ ମଧ୍ୟ ଏକ ବଡ଼ ସନ୍ଦେଶ ଭାବେ ଦେଖାଯାଉଛି। ଶାମି ୨୦୨୫ରେ ଇଂଲଣ୍ଡ ବିପକ୍ଷ ଟି-୨୦ ପରେ ଭାରତୀୟ ଦଳରୁ ଦୂରରେ ଅଛନ୍ତି। ୨୦୨୩ ପରଠାରୁ ସେ ଟେଷ୍ଟ ଦଳରେ ମଧ୍ୟ ସ୍ଥାନ ପାଇନାହାନ୍ତି।
ତେବେ ଘରୋଇ କ୍ରିକେଟ୍ରେ ଶାମିଙ୍କ ପ୍ରଦର୍ଶନ ଚମତ୍କାର ରହିଛି। ଶେଷ ୭ଟି ରଣଜୀ ମ୍ୟାଚ୍ରେ ସେ ୩୭ଟି ୱିକେଟ୍ ନେଇଥିବା ବେଳେ, ୩ଟି ପାଞ୍ଚ ୱିକେଟ୍ ସଫଳତା ମଧ୍ୟ ହାସଲ କରିଛନ୍ତି। କିନ୍ତୁ ଫିଟନେସ୍ ହିଁ ତାଙ୍କ ପାଇଁ ବଡ଼ ବାଧା ହୋଇଛି। ବିସିସିଆଇର ମୁଖ୍ୟ ଚୟନକର୍ତ୍ତା ଅଜିତ ଆଗାରକର କହିଥିଲେ ଯେ, ଟେଷ୍ଟ କ୍ରିକେଟ୍ ପାଇଁ ଆବଶ୍ୟକ ଫିଟନେସ୍ ସ୍ତର ଶାମି ଏପର୍ଯ୍ୟନ୍ତ ହାସଲ କରିପାରିନାହାନ୍ତି।
ଅନ୍ୟପଟେ ଆକିବ୍ ନବି ରଣଜୀ ଟ୍ରଫିରେ ୬୦ଟି ୱିକେଟ୍ ନେଇ ଚୟନକର୍ତ୍ତାଙ୍କ ଭରସା ଜିତିଛନ୍ତି। ଏବେ ଯୁବ ବୋଲରମାନେ କେବଳ ଦଳରେ ସ୍ଥାନ ପୂରଣ କରୁନାହାନ୍ତି, ବରଂ ପ୍ରଦର୍ଶନ ଆଧାରରେ ସିଧାସଳଖ ପ୍ରତିଯୋଗିତାରେ ଅଛନ୍ତି।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ ODISHA TV - ଓଡିଶା ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
