ଘୋଷଣା ହେଲା କେନ୍ଦୁଝର ଜିଲା ଭାଜପା ସଂଖ୍ୟାଲଘୁ ମୋର୍ଚ୍ଚା ଟିମ୍: ଜାଣନ୍ତୁ କାହାକୁ ମିଳିଲା କେଉଁ ଦାୟିତ୍ୱ?
କେନ୍ଦୁଝର, ୨।୬(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲାରେ ଭାରତୀୟ ଜନତା ପାର୍ଟି (ଭାଜପା) ସଂଖ୍ୟାଲଘୁ ମୋର୍ଚ୍ଚାକୁ ଅଧିକ ସୁଦୃଢ଼ କରିବା ପାଇଁ ଏକ ନୂତନ ଜିଲା କମିଟି ଘୋଷଣା କରାଯାଇଛି। ରାଜ୍ୟ ଭାଜପା ସଭାପତି ମନମୋହନ ସାମଲ ଏବଂ ରାଜ୍ୟ ଭାଜପା ସଂଖ୍ୟାଲଘୁ ମୋର୍ଚ୍ଚା ସଭାପତି ଗୁରିନ୍ଦର ସିଂଙ୍କ ଅନୁମୋଦନ କ୍ରମେ ଏହି ଟିମ ଗଠନ କରାଯାଇଛି। ମଙ୍ଗଳବାର ଦିନ ଜିଲା ଭାଜପା ସଭାପତି ଶୁକଦେବ ମହାନ୍ତ ଏବଂ ଭାଜପା ସଂଖ୍ୟାଲଘୁ ମୋର୍ଚ୍ଚା ଜିଲା ସଭାପତି ଏମ ଡି ମୁଜାହିଦ ଆଲମ ମିଳିତ ଭାବେ ଏହି ନୂତନ ଟିମ୍ର ସଦସ୍ୟମାନଙ୍କ ନାମ ପ୍ରକାଶ କରିଛନ୍ତି।
ଜିଲା ସଂଖ୍ୟାଲଘୁ ମୋର୍ଚ୍ଚା ଉପସଭାପତି ଭାବେ ମନସୁର ଅନସାରୀ, ଏମ୍ ଡି ହବବିବ ବୁର ରହମାନ୍, ଏମ୍ ଡି ଜାୟେଦ୍ ଆନସାରୀ, ରାଜିନ୍ଦର ସିଂ, ସୁଫିୟା ଖଟୁନ୍,ଏମ୍ ଡି ମୁସ୍ତାଖ ଙ୍କ ନାମ ଘୋଷଣା କରାଯାଇଥିବା ବେଳେ ସାଧାରଣ ସମ୍ପାଦକ ଭାବେ ଏମ୍ ଡି ଜଲ୍ଲାଲ୍ଲୁଦ୍ଦିନ ଆକବର ଓ ଏମ୍ ଡି ବୁଟୁ ଙ୍କ ନାମ ଘୋଷଣା କରାଯାଇଛି । ସେହିପରି ସମ୍ପାଦକ ଭାବେ ପୁଷ୍ପା ଭୂୟାଁ,ଏମ୍ ଡି ଅଫତାବ, ଓବେଦୁର ରହମାନ,ଏମ୍ ଡି ଦାଉଦ, ରବିସ୍ଥା ଫରଜାନା ତଥା କୋଷାଧ୍ୟକ୍ଷ ଭାବେ ମଜହର୍ ହସେନ ନାମ ଘୋଷଣା କରାଯାଇଛି।
ଏହି କମିଟିରେ ଶିରାଯୁଦ୍ଦିନ ଖାନ, ହାସନ ଆନସାରି, ଏସ କେ ଆମାନୁଲ୍ଲା, ସହାବାଜ ଆଲମ, ହରିର ଅହମ୍ମଦ, ଏସକେ ଫୁର୍ କାନ, ୱାସିପ ଆନସାରୀ, ଏମ ଡି ଯସୀମ, ଦାଉଦ ଖାନ, ମୁଦର୍ସି ଇସଲାମ, ତୋବାରକ ସାହା, ରାଜିଦା ବିବି, ଏମ ଡି ଇମ୍ରାନ ଖାନ, ଗୁରବିନ୍ଦର ସିଂ ଏବଂ ଏସକେ ପର୍ଭେଜ୍ଙ୍କୁ ଜିଲା କାର୍ଯ୍ୟକାରିଣୀ ସଦସ୍ୟ ଭାବେ ସାମିଲ କରାଯାଇଛି।
“ନୂତନ ଟିମ ଗଠନ ହେବା ପରେ ଜିଲାରେ ଭାଜପା ସଂଖ୍ୟାଲଘୁ ମୋର୍ଚ୍ଚା ଆହୁରି ସଶକ୍ତ ହେବ। ଜିଲାରେ ବସବାସ କରୁଥିବା ସଂଖ୍ୟାଲଘୁ ସମ୍ପ୍ରଦାୟର ଲୋକେ କିଭଳି କେନ୍ଦ୍ରର ମୋଦୀ ସରକାର ଏବଂ ରାଜ୍ୟର ମୋହନ ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନାର ସଫଳ ଲାଭ ପାଇପାରିବେ, ସେଥିପାଇଁ ସମସ୍ତ ସଦସ୍ୟ ଏକଜୁଟ ହୋଇ କାର୍ଯ୍ୟ କରିବେ।”
ଏହି ନୂଆ କମିଟି ଗଠନ ପରେ କେନ୍ଦୁଝର ଜିଲା ଭାଜପା ଶିବିରରେ ଉତ୍ସାହ ପ୍ରକାଶ ପାଇବା ସହ ଆଗାମୀ ଦିନରେ ଦଳ ସଂଖ୍ୟାଲଘୁ ଭୋଟରଙ୍କ ନିକଟତର ହେବା ପାଇଁ ରଣନୀତି ପ୍ରସ୍ତୁତ କରିଛି।
Dharitri – Odisha’s No.1 Odia Daily
The post ଘୋଷଣା ହେଲା କେନ୍ଦୁଝର ଜିଲା ଭାଜପା ସଂଖ୍ୟାଲଘୁ ମୋର୍ଚ୍ଚା ଟିମ୍: ଜାଣନ୍ତୁ କାହାକୁ ମିଳିଲା କେଉଁ ଦାୟିତ୍ୱ? appeared first on Dharitri Odia News.
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
